KIRSTEN: Half Human-Half Vampire 💯

VAMPIRE 07

This chapter is dedicated to Sweetpnd123. Hi :) Salamat sa pagsubaybay sa kwento ni kirsten!

******

Ang nangyaring 'yun sa pagitan namin ni Dark ay parang isang panaginip. Isang magulong panaginip.

Hindi ko talaga sya maintindihan. Hindi ko alam kung pinag-tripan nya ba ako O talagang nagkamali lang sya. Ang hirap hirap nya kasing basahin.

Napapikit nalang ako ng maalala ko ang mga sinabi nya dalawang linggo na ang nakararaan.

"P-Pasensya na. Nagkamali lang ako, h-hindi ko dapat sinabi ang mga 'yun sayo. Wala lang ako sa sarili ko kanina,"

"Sana kalimutan mo na 'yun. Kalimutan mo na rin na nagkaroon tayo ng ganitong klase ng tagpo,"

Minsan lang sya magsalita pero paksh*t nakakasakit pa. Umasa kasi ako, eh. Umasa ako na totoo ang mga sinabi nya. Akala ko mahal nya rin ako yun pala nagoyo lang ako ng loko. Bwisit!

Bakit ba kasi ako nagpapadala sa damdamin ko para sa bampirang 'yun? Hindi ko dapat sya hinahayaang guluhin ang utak ko. Hindi ko dapat sya hayaang saktan ako.

"Kirsten, ayos ka lang?" Tanong ni rina.

"Ha?" Kinunotan ko ito ng noo. Mukha ba 'kong problemado?

"Parati ka nalang kasing tulala dyan. May problema ka ba?" Alalang tanong nito.

Napailing ako at ngumiti ng pilit "Ayos lang ako rina," Ayos nga lang ba ako?

Napabuntong hininga nalang ako.Gusto ko na syang kalimutan pati itong nararamdaman ko para sakanya pero panu ko 'yun magagawa kung araw araw nalang syang nasa isip ko.

Napatingin ako sa dating pwesto ni dark. Dati rati kapag dumating kami dito sa canteen nakaupo sa sya dun at nakatingin sa bintana pero magmula nang mangyari ang tagpong 'yung saming dalawa ay bigla nalang sya naglaho na parang bula.

Hindi ko maiwasang di isipin kung na saan sya. May nangyari kaya sakanya? O baka sadyang iniiwasan nya lang ako.

"Kirsten," Nalipat ulit ang tingin ko kay rina.

"Bakit?" Tanong ko.

"Kumain kana. Di mo pa nagagalaw ang pagkain mo,"

I sighed. Gusto ko syang tanungin. Gustong kong magbakasaling kung may alam sya tungkol kay dark O kung nasan ito.

Pakiramdam ko mababaliw na 'ko sa kakaisip. May parte sakin na gusto syang makita ulit pero may parte rin naman sakin na nasasaktan dahil sa mga sinabi nya.

Hayy...dark, Anu bang ginawa mo sakin?

PUMASOK na kami sa last subject ni rina, which is experemental. Hindi ko alam kung bakit kailangan pa naming magtake ng ganitong subject. Eh, nasa sistema na rin naman ng mga bampira ang magaling sa experamento.

Napatingin ako sa kabuuan ng silid. Nandito na lahat ang mga kaklase ko at tulad ng nakasanayan may kanya kanya na naman silang ginagawa.

Tumatagal na 'ko rito pero si rina palang ang nakakausap ko. Pakiramdam ko ilag lahat sakin mula nang dumating ako dito.

"Upo kana kirsten," Yaya sakin ni rina.