TBS: 6 (Terrence Prime Imperial COMPLETED)

Ika-tatlongput Anim na Kabanata :

Terrence's POV

Nagising ako dahil pakiramdam ko ay may mga malambot na kamay na humawak sa ulo ko. At hindi nga ako nakamali dahil mukhang andoon si Sabrina dahil nalanghap ko ang pabango n'ya. Narinig ko pa ang mahinang pag mura kaya naman ng buksan ko ang mata ko ay nakita kong mukhang papunta s'ya sa kwarto.

Napatingin ako sa kumot na naka balot sa katawan namin ni Thea siguradong ako si Sabrina ang naglagay 'non napa pikit na lang ako at nag kunwaring matulog dahil biglang lumabas si Sabrina at napa kunot noo ako ng makitang lumabas s'ya.

Dahan-dahan kong binuhat si Thea at ipinasok sa kwarto pagkabalik ko sa sala ay napa tingin ako sa unan na binigay saakin ni Sabrina 'yun ang binili ko sa kanya na baboy hindi ko alam pero napa ngiti ako habang pinagmamasdan 'yon.

Tumingin ako sa may bintana at sa ilalim nakita ko si Sabrina na parang baliw na tumatakbo at hinahabol ang nahuhulog na snow. Mahinang napatawa ako.

Alam ko na hindi n'ya gustong nasa paligid si Thea pero nagawa n'ya pa 'din na bigyan kami ni Thea ng kumot habang natutulog. Ibang klase ka talaga Sabrina.

Hindi ko na napigilana ang sarili ko na lumabas dahil mas gusto ko s'yang Makita sa malapitan na nag eenjoy sa ginagawa n'ya. Nang makababa ako at tumayo sa may pintuan ng hotel ay nakita ko na gumagawa s'ya ng snow man.

May kung anong sinasabi ito at ipinapakita sa snow man ang snow ball hindi ko na napigilan ang matawa lalo ng yakapin n'ya ang snow man na tinawag n'ya ''Olaf'' gusto ko sana s'yang lapitan at samahan sa ginagawa n'ya pero mukhang nag eenjoy naman s'yang mag isa.

Kaya naman hinayaan ko na lang s'ya kinuhana ko pa s'ya ng larawan ng palihim. Mas lalo akong napa ngiti ng lumingon lingon s'ya sa paligid na parang nararamdaman n'ya na may naka tingin sa kanya.

At ng magsalubong ang tingin namin may kung ano sa damdamin ko ang hindi ko mapaliwanag. Nakita ko na parang may malalim s'yang iniisip habang naka tingin saakin.