A Million Kisses

Chapter 17

Chapter 17

"Ang tagal naman ni Fretzie. Palagi na lang siyang late." angal ni Kazel.

"Ano ka ba, sister. Malay mo, di pa tapos magpaganda." sabi ni Linn.

"Hmmp!" sabi ni Kazel.

Habang nag-uusap si Linn at Kazel ay napansin ni Devon na nagsisihawian ang lahat ng tao na malapit sa entrance gate. "Guys, anong mayroon dun? Ba't parang nagsisihawian?" tanong ni Devon.

Napatingin naman silang lahat dun sa tinuro ni Devon. "Malamang, nandiyan na ang pinakamagandang dilag sa Northbridge." sabi ni Kazel na nakangiti. Parehas namang napatingin si Sam at James.

"Tara na guys, salubungin na natin si Charming." sabi ni Linn.

Nagtungo na ang barkada papunta sa entrance gate. Lahat sila ay naghihintay na makita si Fretzie.

"Wow!" bulong ni James nang magisnan niya si Fretzie.

"She's gorgeous." bulong naman ni Sam.

"Guys!" sigaw ni Fretzie.

"Charmiiinnggg! Ang ganda mo!" sigaw ni Linn sabay yakap sa dalaga.

Nakasuot si Fretzie ng kulay sky blue na gown na sleeveless. Nakapusod naman ang kanyang buhok tapos naka-full bangs siya.

Si Devon naman ay naka white na gown na sleeveless din. Fit yung gown hanggang sa may tuhod niya tapos naka-sabog na yung puting tela hanggang sa kanyang paanan.

Si Linn naman ay nakaputing gown din na one shoulder lang. May maikling buntot ang kanyang puting gown.

Si Kazel naman ay naka-pink na off-shoulder. Punong-puno ng diamonds ang laylayan ng kanyang gown.

Lahat sila ay nakapusod ang buhok. Ang mga lalaki naman ay naka-itim na tuxedo. Si Kazel ay inalok ni Ivan na maging ka-date niya, si Linn ay kay Enrique, habang si Devon at Fretzie naman ang walang date pati na rin si Sam at James.

"Tayo na nga lang magka-date, Devon." sabi ni Fretzie.

"Oo nga." sabi naman ni Devon tapos nag-link arms sila habang naglalakad sa buong venue.

"Devon, may hindi pa nga pala ako nasasabi sa'yo." sabi ni Fretzie.

"Ano yun?" tanong ni Devon.

"I like James." pagtatapat ni Fretzie. Nagulat naman si Devon.

"Seryoso ka, girl?" tanong ni Devon na may pagkalaki-laking ngiti.

"I think." sagot naman ni Fretzie.