When The Bitch Falls

CHAPTER 40

Ngayong nasagot na ang lahat ng tanong sa isip ni Kira, nagkaroon na ulit siya ng lakas ng loob na magpakita sa ibang tao. Inosente siya at iyon ang paninindigan niya. She has somehow learned her lesson. Thanks to the experience that almost pulled her down, it transformed her a little, or maybe big time.

A part of her changed, and that included her fashion sense. A day after, she spent  time shopping new tops and bottoms. She has finally welcomed white clothes into her closet.

Ngayong araw naman, napag-isipan niyang magpaayos ng buhok. Desidido siya sa kanyang gagawin kaya maaga siyang nagpunta sa isang salon. Gusto niyang ibahin ang kulay ng kanyang buhok at putulan ito hanggang balikat.

"Mother, anong blonde ba ang gusto mo?" usisa ng hairstylist na kasalukuyang humahaplos sa buhok niya.
Tumitig si Kira sa repleksiyon niya sa harap ng salamin.

"I want it dark brown, darling. Sawa na ako sa light blonde," mahina niyang sagot habang ini-iscan ang brochure ng salon.

"Sayang," panghihinayang ng hairstylist. "Bagay pa naman sa iyo itong buhok mo, mother. Nakaka-attract ka ng atensiyon agad tapos ang ganda mo pa. Kalurkey ka ha!"

"Ayaw ko na ng atensiyon ngayon. I've had enough of it." Bumaba ang tingin niya sa brochure at pinakli ang isang pahina nito. "Anyway, I changed my mind. Ayoko na ng dark brown, gusto ko ng black. And I want to cut my hair shorter."

"Okayㅡ"

"Kira," rinig niyang sambit ng isang pamilyar at malamig na boses mula sa likuran.

Nanlaki ang mga mata niya at mula sa brochure ay lumipad sa salamin ang mata niya. Umawang ang labi ni Kira nang masalubong ang nakakapasong tingin ni Black sa repleksiyon doon. Magulo ang buhok ng binata at halatang iritado, base na rin sa umiigting nitong bagang.

"You won't have your hair dyed in black, Kira," seryosong sambit ni Cadmium gamit ang baritono nitong boses.

"Sino 'yan, mother?" malanding bulong ng hairstylist sa kanyang tabi. Humarap ito kay Black ngunit siya ay nanatiling nakatalikod sa gawi ng binata. "Ang yummy naman niya. Blessing ata 'to ni Lord!"

Marahas siyang napabuntong-hininga, tumayo at napagdesisyunang harapin ang binata.  "Anong ginagawa mo dito, Cadmium?"

"Cadmium, huh?" Ngumisi si Cadmium ngunit kita niya ang galit at uyam sa mga mata nito. "Akala ko ba ako ang Black mo?"

Umakyat ang lahat ng dugo sa kanyang pisngi. Nakagat niya ang kanyang labi nang mapansin ang iilang matang nakamasid sa kanilang dalawang ni Black. Pati ang bading na nasa tabi niya ay impit na tumitili na para bang kinikilig.

"Ano ba kasing ginagawa mo dito? Sinusundan mo ba ako?" lakas-loob niyang tanong kay Cadmium.

"I'm here to fetch you."

Tinawid ni Black ang distansya sa pagitan nilang dalawa. Huli na para maka-angal si Kira sapagkat mabilis siyang nahila ni Black palabas ng salon. Abala si Kira sa pagpapakalma sa nagwawala niyang puso kaya hindi siya nakapagpumiglas. Lumuwag lamang ang kapit ni Black nang ipasok siya nito sa kotse. Mabilis itong umikot sa driver's seat at pinaharurot ang sasakyan. Hindi man nito sabihin ay alam niyang ihahatid lang siya nito pauwi dahil sa pamilyar na daang tinatahak nila ngayon.

Walang sali-salitang lumabas siya sa kotse ni Black nang makarating sila sa kanyang bahay. Sumunod naman ang binata sa kanya hanggang sa makapasok sila sa sala. Mabilis itong umupo sa sofa at humalukipkip. Mabilis niyang inilihis ang tingin nang mahuli ang pagdepina ng mga muscles sa braso ni Black.

"Hindi ka pa ba aalis?" kagat-labing tanong ni Kira. "Baka may dapat kang asikasuhin ngayon."

Umiling lamang si Black at tinapik-tapik ang espasyo sa tabi nito. Para bang sinasabi nitong tumabi siya. May mapanuksong ngiti na nakaguhit sa labi nito. Sa halip na sundin ang gusto ng binata, nanatili siyang nakatayo sa harap ng center table. May tamang distansya lamang sa kanila pero pakiramdam niya'y sobrang lapit pa rin nila sa isa't-isa. Nakaka-suffocate.

"Wala akong trabaho ngayon," sambit nito. Nagde-kwatro ito sa kanyang harapan. "I'll be staying here."

Mabilis na nangunot ang kanyang noo. “Seriously, Black?"

Tiniis niya ang pangangawit ng kanyang paa at hindi naupo sa tabi nito dahil ayaw niyang masyado silang magkalapit.

"You sounded so irritated with my presence." Nag-isang linya ang labi ni Black. "Ayaw mong nandito ako?"

"Black…” Nakagat niya ang ibabang labi bago muling nagsalita. “Please, umuwi ka na. I don't want you near me right now."

There, she said it.