Ikaw na lang palagi
Ang nasa isip ko.
Ang mahirap pa nito'y
Pati sa puso ko.
Ikaw na lang palagi
Ang hinahanap-hanap ko.
Kahit sinaktan mo na't lahat,
Ikaw pa rin ang gusto ko.
Siya na lang palagi
Ang bukambibig mo.
Siya na lang palagi
Ang nakakasama mo.
Siya na lang palagi
Ang inaalala mo.
Kahit sinaktan ka niya't lahat,
Siya pa rin ang gusto mo.
"Ako naman", ang tangi kong hiling.
Sana'y dinggin mo't tuparin.
Kahit isang araw lang,
Minuto o segundo'y pagkakasyahin.
Masabi ko lang sa sarili na
Ako naman ang iyong napansin.
Ako naman ang isipin mo,
Ako naman ang kausapin mo.
Ako naman ang sabihan mo
Ng mga salitang "mahal kita".
Ako naman ang samahan mo
Sa ilalim ng mga kumikinang na tala.
Ako naman ang sagipin mo
Na parang isang prinsesa.
Ako naman ang awitan mo
Ng mga himig mong kayganda.
Ako naman ang iyakan mo
Kapag ikaw ay may problema.
Ako naman ang puntahan mo
Sa oras na masaktan ka.
Ako naman o di kaya'y
Ako na lang.
Nandito lang ako't nag-aabang
Ng pagkakataon na ako naman.
BINABASA MO ANG
Lyrical Paradox | ✔
PoesiaEnglish and Tagalog Compilation | #3 IN POETRY | The Fiction Awards 2016 Winner © 2016 kyeriella all rights reserved book cover made by @OhWanderlust_