SINFUL LOVE (ROMANCE-MELODRAMA) - COMPLETED #Wattys2020

CHAPTER 21

#SinfulLove

CHAPTER 21

"The number you have dialed is either unattended or out of coverage area... The number you have dialed is either unattended..."

Ibinaba na kaagad ni Henz ang tawag. Napabuntong-hininga ito. Nagtataka na siya kung bakit hindi niya makontak ngayon si Evo.

Ilang araw na ang nakalipas pero hanggang ngayon ay hindi niya pa rin ito makontak. Hindi niya tuloy maiwasang hindi makaramdam ng kaba.

"Bakit kaya hindi ko siya makontak? May nangyari kaya?" tanong ni Henz sa kanyang sarili.

"O... Bakit mukhang balisa ka yata diyan?"

Napatingin si Henz kay Theresa na bigla na lamang sumulpot out of nowhere at nagtanong sa kanya.

"Si Evo kasi... ilang araw ko ng hindi makontak... Baka mamaya, may nangyari na rung hindi maganda." May pag-aalalang sabi ni Henz.

"Huwag ka ngang nega mag-isip... Malay mo masyado lang busy iyong tao kaya hindi ka niya nagagawang kontakin ngayon." Sabi naman ni Theresa.

"Hindi e... Kahit hindi naman busy iyon, he make sure na tatawagan o itetext niya ako para kumustahin... Pero kasi ngayon, bukod sa hindi na nga tumatawag sa akin para kumustahin ako at ako na ang gumagawa ng paraan para makontak siya... hindi rin siya nagtetext man lang... Nakakapagtaka lamang." Sabi ni Henz.

"Baka naman kinuha ng asawa ang cellphone niya para hindi ka makontak ng syota mo." Sabi ni Theresa.

Napabuntong-hininga si Henz. Pwedeng mangyari ang sinasabi ni Theresa.

"Bakit hindi mo kaya puntahan sa bahay nila? O di kaya sa firm na pinagtatrabahuhan niya? Alam mo naman siguro iyon di ba?" sabi pa ni Theresa.

Napatango naman si Henz.

"Siguro nga puntahan ko na lamang siya." Sabi nito.

Tipid na napangiti si Theresa.

"Oo nga pala... Ilang araw na ring hindi pumupunta at nagbabantay sa atin si PO1 Gavin ha... Napansin ko lang." sabi ni Henz.

Nakakalokong ngiti naman ang sumilay sa labi ni Theresa.

"Bakit? Namimiss mo?" pang-asar na tanong nito.

Napaiwas naman nang tingin si Henz.

"Hindi a... Parang nagtatanong lang dahil napansin kong ilang araw na siyang wala... Ikaw talaga Theresa..." naiinis na sabi ni Henz.

Natawa naman si Theresa.

"Nagpaalam sa akin na kailangan raw siya sa isang misyon na gagawin ng mga pulis kaya ilang araw rin daw siyang mawawala." Sabi ni Theresa.

Napatango na lamang si Henz. Bakit ba kasi natanong niya pa ang pulis na iyon? Eto tuloy si Theresa, inaasar na naman siya.

- - - - - - - - - - - - - -

"Naka-leave po si Sir Rosales." Sabi ng babaeng kasamahan ni Evo sa trabaho na kausap ngayon ni Henz. Nasa construction firm na siya ngayon kung saan nagtatrabaho ang una.

Nangunot ang noo at nagkasalubong ang magkabilang kilay ni Henz.

"Naka-leave?" pagtatakang tanong nito.

"Yes Sir." Sagot nito.

"Ilang araw na?" tanong ni Henz.

"Ahm... 3 days na rin Sir, next week ang balik niya sa trabaho dahil naka-1 week leave siya." Sabi ng babaeng maganda.