ترياقي

1

للماضي حنين دائما

ولكن ليس له رجوع مهما بلغت روعته..

#الجزء_الاول

ازيك خالتي خير في شنو قلقتيني-

الحق ي حسام صحبك ماعارفة مالو الليلة هايج شديد قافل روحو في الغرفة وواقع كسير في اي حاجة قدامو-

ياساتر يارب مش كنا خلصنا من الموال دا تاني رجع.. انا حطلع اشوفو-

اتكلم معاهو انا تعبت من الحكاية دي الله يجازي الكان السبب-

ماتدعي عليها ربنا يمهل ولا يهمل-

هنووودي افتح الباب حرام البتعملو في روحك دا-

حسام خليني في حالي-

ابيييييييت ماحمشي افتح الباب قبل اكسرو-

بعد مسافة

دق دق دق

انت لسة واقف-

ماقلت ليك ماحمشي افتح خلصني-

اوووووووووف عارفك لصقة-

مهند قام فتح الغرفة وهو زهجان

في شنو جايني من الصباح كدا خليني في حالي ياخ-

...حسام انت عارف انا جيت ليه... تاني ي صحبي رجعت للموضوع القديم مش كنا خلاص عدينا المرحلة دي-

وبعدين الغرفة دي مالا جايطة كدا

مهند : غرفتي وانا حر فيها-

طيب ي ابني خلينا في المهم-

مالك الحاصل عليك شنو

مهند :مافي حاجة زهجان بس-

حسام : زهجان ولا ماقادر تنسى-

مهند : ايوة ماقادر انسى ي حسام-

انسى كيف الموضوع ماساهل انت عارف هي كانت بالنسبة لي شنو البينا كان اكتر من حب عايزني انسى شنو ولا شنو

حسام : لازم تنسى كل شي هي ماتستاهل دمعة منك انساها وعيش-

لو ماعشان خاطر نفسك عشان خاطر امك زنبها شنو تشوفك بالحالة دي نفسها تشوفك اسعد واحد في الدنيا

مهند : اسة انا مالي-

-حسام : عاين ل روحك في المرايا وانت تعرف مالك كنت انسان قوي ومافي حاجة بتغلبك بقيت ضعيف ومهزوز واول تجربة كسرتك 

-مهند بغضب اسكت ي حسام

-حسام ماحسكت وما حخليك لحد ما ترجع زي الاول واحسن صدقني ي صحبي هي ماتستاهل انك تضيع نفسك عشانها وزي ماهي شافت حياتها انت كمان عيش حياتك انا عارف كلامي حار بس عشان مصلحتك وللمرة المليون انسااااها

-مهند : العملتو ما بتنسى اتخلت عني في اكتر وقت انا محتاج ليها فيهو خلتني افقد الثقة في كل الناس ب سببها كرهت كل البنات