لمحت في شفتيها طيف مقبرتي .. تروي الحكايات ان الثغر معصية

Part 63

السلام عليكم ورحمة الله وبركاته.

إن شاء الله تكونون بخير وصحة وسعادة ()

أولاً عذرًا على التأخير والله مافيني حيل أكتب كثير حتى الكلام اللي قبل البارت مجهزته من يومين عشان تنشطون ذاكرتكم وكذا، المهم الله يسلمكم من كل شر وإن شاء الله ما يتكرر هالشي مررة ثانية :*

+ البارت الجاي بإذن الله بيكون من أدسم البارتات في الرواية لأن بارت اليوم هو بدايته أو مثل ماتقولون " تمهيد " ماراح يمديني أكتبه في هاليومين فإن شاء الله بيكون لقانا يوم الجمعه الجايْ ومايمنع إن قدرت أخلصه بدري يكون يوم الخميس بين إيديكم. لكن إن مقدرت فأمرنا لله وبيكون الخميس.

المدخل لخالد الفيصل : 

يا صاحبي مني لك الروح مهداه 

والله لو به غيره اغلى هديته 

ما قلت لأحد غيرك الروح تفداه 

انت الوحيد الي بروحي فديته 

وانت لولاك ما قلت انا آه 

ولا شكيت من الهوى ما شكيته 

يا زين حبك عن هوى الناس عدّاه 

جميع وصف كامل بك لقيته 

سلم المحبه ما وطا الزين ناطاه 

حد الخطر لعيون خلي وطيته 

والي يودك كل ما منك يرضاه 

حتى عذابك يا حبيبي رضيته

روَاية : لمحت في شفتيها طيف مقبرتي تروي الحكايات أن الثغر معصية ، بقلم : طِيشْ !

الجُزء ( 63 ) 

 

لأنكم ضعتوا مرة ولخبطتوا الأمور، لكن لو تركزون بتلقون أنه كل شي واضح.

على العموم نبدأ بسم الله من بداية حادث سلطان العيد.

فيه طرف ثالث بنسميه " سين " -> محد بيدخل الرياضيات الحين في الموضوع : ( 

لا جد جد نتكلم :$ فيه " سين " هدفه أنه يضرب رائد ببوسعود وبسلطان ..

في البداية كان رائد يهدد سلطان العيد فأستغل " سين " هالشي وهو اللي دبَّر الحادث وخلَّا الكل يشك في رائد لأنه كان يهددهم لكن سلطان العيد لو كان يعرف أنه رائد قادر يسوي شي ماكان خذآ عايلته وياه . . هذا يعني أيش ؟ أتركها لكم.

بعدها رائد خطط أنه يستغل عز لصفَّه وطبعا مين خلاه يفكر بهالشي ؟ شخص يخونه! صارت هالفكرة برآس رائد مع العلم أنه فيه شخص قريب من رائد يعرف أنه هذا " عبدالعزيز ولد سلطان " لكن كان ساكت عشان " سين ".

وصل خبر وفاة عايلة سلطان العيد للرياض! بعدها بأيام وصلهم أنه عز ما يدري عن غادة وأنها حيَّة! وسلطان بن بدر وبوسعود ماكانوا عندهم خبر في هالحادث وبتفاصيله فكانوا حالهم حال مستقبلين الخبر! بعدها بفترة جاهم مقرن وقال أم غادة حيَّة وهي معاها! هنا خيط الموضوع " مقرن ماهو خاين لكن وش اللي خلاه يقول أنه أم غادة حيَّة " ؟