رواية اريد منك اكثر مما اريد للكاتبة / الكريستال / مكتملة❤️

الفصل (١٨)

‎الفصل الثآمن عشر ..

‎الخطوة الثآلثة عشر .. خطوة اللهفة نحو حلم أريد منك أكثر ممآ أريد ..

‎علي يصعد الدرج بدون أي أهتمآآم لهآ : والله عآآد أفهميهآ نفس مآتبين ..
‎فتحت عيونهآ على الأخر تبي تصدق أن ألي قبآلهآ زوجهآآ ..
‎حبيبهآ وعشقهآآ ..
‎عمره مآ عاملهآ بهالأسلوب .. أو حتى قال في حقهآ كلمة غلط ...
‎تحركت بسرعه ورآحت تصعد الدرج تلحقه وأول مآوصلت لطآبق الثآني
..
‎الجوهرة : ألا بتوقف تسمعني ..
‎علي يهز رآسه : أستغفر الله وأتوووب أليه ..
‎رفع يده وفسخ شمآغه والعقآل تآآرك الطآقيه على شعره .. وصل لغرفة نومهم
‎وفتحهآ وبحركة سريعه أستقرت أصآبعه على أزآآرير ثوبه .. وهو يفكهآ
‎وآحد ورآ الثآني .. سحب هوآ وريحة الغرفة مليآنه بريحة العطور ومن بين
‎هالظلام الدآمس كآآنت أنوآر الفوآحة في زوآيه الغرفه تشتغل بلونين
‎الزهري والأحمر على شكل دوآآئر صغيرة ...
‎مد يده الثآنيه وشغل اللمبآت .. رمى الشمآغ على التسريحة ورآح متوجه لسرير
‎الجوهرة تدخل الغرفة وتسكرهآ : فهمني ليش هالشكل سآآفهني .. ليش
‎يوم كنت أدق عليك مآترد
‎علي يلف لهآ بعصبيه : أقووولج يآآبنت الحلال تعبآآن .. لاحووووول ..
‎مر من عند السرير بتصميمه الوآآسع ووقف حتى يسحب قميص
‎النوم .. رمآه على السرير وبسرعه فسخ ثوبه وعلقه .. أنحنى وسحب
‎قميص النوم وعلى طول لبسه وتمدد على السرير
‎علي يأشر ع اللمبة : طفي الليتآت بنآم ..
‎الجوهرة : بتنآم وأنآ أحترق ..
‎علي : الجوهرة أنتي تفهمين الحجي ألي أقووله زين .. قلت لج تعبآآن
‎طفي الليتآت بنآآآم ..!!
‎الجوهرة تصغير للموضوع : كل هذآ عشآآني بس مقصرة بحق عيآآلي ..
‎أووكي من بآآجر ولا يهمج بهتم فيهم ..
‎علي بنفس نبرة كلامهآ : مآآآآآآشالله .. فعلا تثبتين لي أنج مربية أجيال
‎وتقدرين تقودين هالمجتمع للأفضل ..
‎الجوهرة : علي شنو ألي يرضيك .. ترآ مآآعرفت لك ..
‎علي بطنآزة : منو قآآلج أني أنآ المحتآآج رضآآ .. أصلن أنآ شنو تفرق عندي أهتميتي
‎في عيالج ولا لا .. أهتميتي فيهم والله هذولا عيآلج .. وأذآ لا مآآهم ميتين بدونج ..
‎كثر الله خير أمج ألي صآآيره لهم الأم والأبو وقآآيمه فيهم وبمصآريفهم .. ألي يخصني نظرتي لج يآآلمديرة شنوو ..؟
‎الجوهرة بعد صمت : أنآ أحآول أفضي وقتي لهم بس مو لاقيه وقت وأنت بعينك
‎تشوف .. الوقت ألي فآآضيه فيه هو أخر الأسبوع ..
‎علي يتمدد زين : أقوول ورآآي دوآم أنآآ ..
‎الجوهرة تتقدم أكثر لسرير : أنآ للحين مو مستوعبه أن مشكلتنآ ذي من لا شئ
‎طلعت .. ليليآن مشتكيه لك .. قآآيله أني مقصرة بحقهآآ ..؟؟
‎علي رفع رآآسه : شنوووو ..؟ أقوول خلي عنج هالوسآآويس وبنتج مسيكينه
‎مآآتعرف تشتكي لأحد .. لو أنهآ تعرف كآن بدت في أخوهآ هالي مآعرفنآ سوآيآه
‎ألا من تآآلي ...
‎الجوهرة بتردد : عشآني قلت لك ذيج الكلمتين ألي مالهم معنى؟؟ .. والله مآقصدت
‎يآآعمري ..
‎علي بحزم : أنتي ورآج صآآيرة بس تزنين أستغفر الله ..
‎الجوهرة تجلس جنبه بهدوء وتحط يدهآ على خده : أذآ أنآ غلطآنة صحح لي ..
‎علي : هالي طآيحه عندهم مسآيير .. أسأليهم كيف يهتمون بعيالهم ...؟؟ وشوفي
‎كيف الرد عشآن تعرفين غلطج وتصححينه بنفسج ..
‎الجوهرة تطالعه بصمت : .....................
‎علي يغمض عيونه : تصبحين على خير بسسس ...
‎ظلت تطالعه ومسرع مآقآمت تآآركته ...
‎بيبقى للعنآوين أمكنة نستدل فيهآ
‎مثل الحب ألي نجهل كيف صرنآ حكآم وطن وشعب
‎أندرج تحت مسمى الحب ..
‎كيف نعشق ومتى وشلون ..؟
‎كيف تتحكم فينآ مشآآعر له هو بالذآآت ..
‎ليه هو ..؟
‎ليش قلوبنآ تفز بطآآريه .. ننغمس في أخر درجآت هالحب
‎وفجأة نتوه عن مخرج الخلاص ..
‎هو الحب ..
‎وحده ألي يبتدي وينتهي في لحظآآت الصدفه ..!!
*******************
‎في شوآآرع الذهول لقيت نفسي ... أدور عن من يصحيني
‎أن ألي سمعته أمس جذب .. أن ألي كلمني مو طلال ...
‎تصدقون أني مآآبجيت .. مآآأنهرت .. مآتلاشيت في عتمة الظلام ..
‎لقيت نفسي أسمع لصوته وكل شي يحووطة صمت غريب ..
‎أسمع له وأنآ أشوف فرحتي ينهدر دمهآ على سآآحة الحقيقة ..
‎أنقطع الخط مآبيني وبينه .. وظليت على هالحآآله ..
‎سآآكته وكل شي ميت دآآخلي ..
‎حبيت طلال أيه .. عشقته أيه .. بس نسيت الشي الأهم ..
‎وش بيلقى طلال فيني عشآآن يفكر في وحدة نفسي ..
‎لاجمآل ولا شعر ولا حتى أهم شي الثقه ..
‎كل بنآآت العآآيله الكل طآآيحين مديح فيهم .. عمري مآآبيوم سمعت أحد
‎شآآفني وقال مآشالله .. أحس نفسي ولا شي بحضرتهم .. ولا شي ...
‎ليش أروح لبنآت العآيله .. أقرب شي أختي ورد .. أخذت من الجمآآل
‎ألي الكل يذكر الله عليه .. منآآير .. وأخوي من جمالهآآ مو قآآآدر يشوف أحد
‎غيرهآآ ..
‎عبير .. تغريد ..
‎أمس أمي يوم قعدت عندي .. بس تمدح شعر ليليآن بنت العمه ...
‎كأنهآ تقولي شوفي حتى هالبنت غطت على شعور كل بنآت العآآيله ...
‎ليش عطيت نفسي الحق أحبه ...
‎ليش ..؟؟
‎تحركت بهدوء ويدي متخدرة من كثر مآآكنت على وضعيه وحدة ..
‎متمددة على شرشف الصلاة وعلي جلال الصلاة ...
‎أحس جسمي مخدر ورآآسي مو قآآدرة أحركة من ثقله ....
‎غبيه .. أنآ أكبر غبيه في هالكون ..
‎رحت سمعت حجي تغريد ... عن كيف خلت لافي يحبهآ ويعشقهآآ ..
‎ورحت سآآويت كفتي في كفة تغريد ...
‎سمعته ورحت للولد صآآرحته .. قلت عن الشي ألي سآآكن بين
‎ضلوعي .. وليتني سترت على نفسي وسكت ..
‎أكيد رآح وسأل خالتي عني .. وأكيد هي بتقوله كل شي عني ..
‎يمكن في باله وحدة نفس أخته .. بجمالهآ ودلالهآآ ..
‎نفس عمتي الجوهرة .. نفس أمه .. على الأقل ,,
‎وأنآ وحدة أقل شي تمتلكه أي بنت في الدنيآ مو عندي ..
‎مآفيني شي يميزني عن الكل ..
‎أنطق البآب وعلى طول تحركت متعدله بجلستي وتربعت ..
‎منآآير : مرآآيم .. مريوووومة ...
‎صرت أتملس يدي المخدرة ببطء .. والغرفة شبه مظلمة والستآير
‎الثقآل على الشبآآك حآآجبه الضوء لا يتسلل للغرفة ..
‎تصدقون مدري جم السآآعه هالحين .. مآطلعت من غرفتي من حآجآني
‎طلال .. وكل مآيآ أحد ووقف عد الغرفة قلت له أني بنآم .. سمعت الأذآآن
‎وعلى طول وضيت وصليت وتمددت أول مآخلصت ...
‎منآير تطق البآب : مريووومة كل هذآ نوووم .. قومي حبيبتي ننطرج ع الريوق ..
‎يلا ...
‎مريم بصوت بالعآفيه طلع : حيآآآج منآآير ...
‎نزلت جلال الصلاة عن رآآسي والبآقي مغطي جسمي .. فتحت منآآير
‎البآآب ومآلت برآآسهآآ
‎منآيرر بذهول : شنو فيج مرآآيم .. ؟ شلعتي قلوبنآ أمس ... توج تصلين ...!!
‎مريم تبلع ريقهآ : تعبت شويآت .. صدآع حآآشني أمس .. ( سكتت لثوآني وكملت )
‎وهالحين أشوآآ
‎مدري أول مآآتحجيت حسيت فالعبرة تندفع دآآخل ضلوعي وكلامه لي
‎يتردد في رآآسي مثل الطبل .. أنآ عآآرفه ليش هو قآل هالكلام ..
‎عشآن يلقى له حجة يبعد عني ..
‎خلا عذر الكلمة ألي قلتهآ سبب له .. ومآيدري أني من زمآن وأنآ محددة
‎قدري زين ..
‎طلال مو ألي يجبر حرمة على شي هو عآآجز عنه ..
‎لو هو كفو قال لي أنآ مآآبيج أبي وحدة رآسمهآ في بالي ..
‎منآير تدف البآب وبهدوء تدخل .: شكلج مآآيطمن .. تبين أنآدي سآآلم
‎يي يشوفج ..
‎مرآيم تهز رآسهآ بالرفض ..: لا .. ( طالعتهآ ) السآعة جم ..؟
‎منآير : السآعه 8
‎رفعت حوآجبي بصدمة .. ألله كل هالوقت مر وأنآ متمددة ..
‎يآآرب ..
‎مرآيم تقوم : أنآ كلهآ شوي ونآآزلة لكم ..
‎منآآير وهي شآآكة أن فيهآ شي : طيب ..
‎طلعت منآير وأنآ سحبت جلال الصلاة وفصخته .. توجهت لستآآير وصرت
‎أفتحهم وبحركة تلقآئيه صغرت عيوني من أشعة الشمس والنور
‎ألي أندفع بقوة لكل هالظلام ألي كآن يلف الغرفة .. نزلت أيديني ومشيت خطوتين
‎حتى أوقف قبآآل المرآآيه .. تأملت ملامحي بنظرة خآطفة والسوآد الوآضح
‎تحت عيوني ..
‎سآآلم يدخل الغرفة بخوف : مرآآيم ..!!
‎لفيت له وأنآ أقول بنفسي ..ألله يهدآج يآمنآير أكيد كبرت الموضوع ..
‎حط يده فوق رآآسي وقال بصوت دآآفي
‎سآآلم : فيج شي .. تبيني أخذج للمستشفى ..
‎مرآيم بتردد : أيه فيني شي ..
‎سآآلم بأستغرآب : شنوو ..
‎رجعت خطوتين لورآ لين ضربت رجولي خشب التسريحة ..
‎مرآيم : أنآ مو موآفقه على طلال .. قول لعمي هالشي .. ألله يرزقه
‎بوحده غيري ..
‎سآلم بصوت أرتفع : نعم ...! شقآعدة تخربطين فيه ..؟
‎مرآيم تبلع ريقهآ بصعوبه قدآم أخوهآ ألي تبدلت نظرته فجأة لغضب
‎حست أنه مآرآح يوقف أبد : أنآ .. أنآ صليت صلاة أستخآرة ولا حسيت برآآحة
‎تجآه الولد ..
‎سآلم بعصبيه : أنتي تتكلمين من صج ..؟
‎مرآيم تحرك رآسه صوب التسريحة وهي تحط يدهآ عليهآ : ذي حيآآتي أنآآ ..
‎وأنآهالحين أقولك الولد مآآبيه ...
‎شهقت بقوة أول مآآسحب سآلم رآآسهآ وهو يمسك فكهآ
‎من بين أصآآبعه .. يشد عليهآ بقوة
‎سآآلم بعصبيه وصرآآخ : من قآآل أني مستشيرج أصلن ... وشنو فيه
‎طلال يوم أنج مو موآآفقه عليه ..؟
‎مرآيم غرقت عيونهآ بالدموع : مآآآآآآآبيه .. مآآآبيه .. والله أن مآآوصلت هالحجي ألي
‎قلته لعمي وولده لا أرووح أنآآ نفسي أقوله لهم ..
‎سآلم وهو يمسك شعرهآ يوم شآفهآ تتحدآه بهالكلام : تبين تحطين رآآسي بالأرض
‎تو عمي دق علي وعطيته الموآآفقه ... قلت له أنج موآآفقه .. (قالهآ بقهر )
‎تبيني أدق عليه هالحين وأقوله أسف ولدكم مآينآسبنآآ هآآآآآآآآآآآ
‎مرآآيم أنهآرت تبكي : ليه قلت له أني موآآفقه .. ليش .. مآآبيه
‎الولد مآآبيه .. تسمعني .. دبر روووحك .. سو أي شي .. مآآبيه ..
‎سآآلم وهو يجر شعرهآ بأقوى مآعنده : غصصبن عليج بتوآفقين .. ووالله أن
‎سمعت هالكلام منج مرة ثآنيه لاتلومين غير حالج ... أمس مشوآآرج .. ورآ
‎مآآهرجتي
‎مرآآيم وهي تشآهق من البكآآ : جذآآب مآشآآورتني .. يآي تعلمني بالي صآآآر ..
‎مآشآآورتني ...
‎دخلت منآآير تركض منخلعه من أصوآآتهم ألي مرتفعه وورآهآ
‎أم سآآلم ... شهقت بقوة وبسرعه صآآرت تسحب زوجهآ عن أخته
‎لايصير فيهآ شي
‎منآير : بسم الله عليكم شسآآلفه ... سآآلم وخر عن أختك فج شعرهآآ ...
‎أم سالم ورجولهآ تحس أنهآ مآعآد تشيلهآ وهي تشوف ولدهآ ثآير
‎على الأخر : شصآآير ...
‎أبعد أول مآدفته منآآير ووقفت بينه وبين مرآآيم ..
‎سآلم يأشر على مر'يم : الجلبه تقول أنهآ مآآتبي طلال .. تو تفطنت أنهآ سآآكته ..
‎أم سآلم طآرت عيونهآ : شنو .. لا أكيد ينت ذي
‎سآآلم بطنآزة وهو يضرب أيديه على فخوذه : لا ماشالله .. صلت صلاة أستخآآرة ومآرتآآحت .. تحسب أن هالأموور بتمشي علي ..
‎مرآيم وهي وآآقفه ورآ منآير وشعرهآ مغطي نص وجهآآ : قلت مآآبيه .. مآآتفهم ..
‎صرخت منآآير أول مآآدفهآ سآلم ورفع يده حتى يعطي مرآيم كف
‎خلاه تطيح على الأرض مآآبين السرير والجدآآر
‎سآآلم بقهر وهو يشوفهآ تزحف تبي تبتعد عنه : قولي لي شنو ألي خلاج تغيرين رآآيج ... هآآآ .. شغل هالصلاة
‎لا تضحكين علي فيهآآ .. مآتعرفين أن الصلاة تبدين فيهآ بالأول قبل مآتوآآفقين ...
‎من تعرفين من ورآنآ يآآقليلة الحيآآ
‎أم سآلم تتحرك وهي تبي تبعد سآلم : أحترم حالك أشووف ..وخر عن بنتي
‎وخر
‎سآلم وهو ثآبت بمكآنه مآبين السرير والجدآر وحآشر مرآيم قبآله : لاااااا
‎مآني موخر .. هالحين تقوووول شنو ألي غير رآآيهآ هالحيييييييين ...
‎أم سآآلم : تلقى أحد لاعب على عقلهآآ يآآولد
‎مرآيم وهي تشآآهق : لو أبوي هنيه مآآسمح لك .. ( رفعت يدهآ وأشرت فيهآ
‎على سآآلم ) مآآشآآورتني
‎سآآلم يمسك ثوبه بقهر : هالبنت بتذبحني .. مو أمس قلت لهآ عن الموضوع
‎وهي سآآآآآكته ... شنو معنى السكوت غير أنج موآآفقه ... تحجي أحسن لج ..
‎والله لا أجرم بحظج
‎منآير تجر ثوب سآلم : حبيبي .. أوعدك أنآ بفهم الموضوع بس تكفى وخر عنهآ
‎لا تلمسهآآ ...
‎سآآلم يلف لهم : تبي تحط ويهي بالأرض .. تو عمي دآآق وسألني عنهآآ
‎قلت موآآفقه .. شنو أقوله هالحين .. أن البنت مآتبي ولدك
‎أم سآآلم : خلك على رآآيك .. البنت موآآفقه
‎منآير طآرت عيونهآ : .................
‎مرآيم أنهآرت على الأخر : مآآآبيه والله مآآبيه ...
‎أم سآلم بأمر : ولا صوت .. مآبي أسمع حسج.. والله لاعرف من لاعب في عقلج
‎وهالحجي لا عدتيه والله يآآبنت نآآصر لا أنتي بنتي ولا أعرفج متبريه
‎منج ليوم الدين ...
‎منآير بضيق : تعوذوآ من أبليس .. كل شي قسمة ونصيب ...
‎أم سآلم ترفع يدهآ : ألي عندي قلته .. ( طالعت سآلم ) أطلع غسل ويهك
‎الأمور بخير أن شالله ..
‎وقف يطآلع مرآآيم بنظرآآت حآآرقه ومسرع مآتحرك وورآه طلعت أم سآآلم ..
‎منآير تطآلع مرآيم وتتحرك مقربه منهآ : تعآلي يآآعمري .. قومي
‎مرآيم : سمعتي أمي شنو قالت ... بيذبحوني وأنآ حيه .. والله مآآبيه ..
‎مآآيبيني الولد .. ( قآمت ترجف وهي تحط يدهآ على شفآتهآ ) مآآيبيني ..
‎والله
‎منآير تمد يدهآ : حبيبتي أنتي أهدي هالحين وبعدين أكلم سآآلم هو معصب
‎هالحين .. وبعد أمج .. لا تلومينهم .. أنتي ألله يهدآج يوم أنج مآتبينه
‎ورآآج سكتي .. هالي صآآر سووء تصرف منج مو منهم ..الأمور تعقدت أكثر
‎مرآيم ترجع شعرهآ كلهآ لورى : خليني بروووحي ..
‎منآير وقفت تطالع فيهآ وبحزن : طيب .. لا بغيتيني بتلقيني دوم عندج ..
‎تحركت طآآلعه من الغرفه وسكرت البآب ورآهآآ ..
‎هذي هي تذوق ألم التمرد على قرآر كآن هو الأولى يذوقه ..
‎شلون بتقولهم أنه هو رد عليهآ من جوال عبير ..
‎قالهآ أنه مآيتشرف فيهآآ .. أنه مآيبيهآآ ..
‎أنه أخذ ألي قالته حجة .. وهو مقصده غير ..!!
‎خآآفت يقول لأخوهآ أنهآ رآآحت لطلال وقالت أنه تحبه ..
‎لو درآ بهالشي بتصير مصيبه لهآآ ..
‎مسكت رآآسهآ .. وش سوت بنفسهآآ .. وش سوووت ..
‎دمرت مستقبلهآ مرة وحدة..
‎كل شي كآآن يمشي عكسهآآ
‎كل شي ..
*************************
‎في صبآحآت يوم روتينيه ...
‎وقف بسيآرته بجنب بيت حمدة وهو متكشخ بالشمآآغ ألي
‎نآآسفه على كتوفه برسميه ...لابس
‎نظآرته السودآ وهي متخذه شكل مربع ..حرك يده وحطهآ على الدركسون
‎حتى يبرز الخآتم ألي لابسه ...
‎علي : وهاالحين وصلنآآ .. أذآ دخلت لا تنسى تفطر
‎عبدالله يبتسم : هههه .. أمي معصبه عليك .. ولا تسآآن من الفجر صآآحيه
‎علي حرك رآآسه صوب عبدالله : تهقى ..؟؟
‎عبدالله وهو يأشر بيده وبكل تأكيد : وآآآضح ..
‎علي : ههههههههههه .. والله أنك مو بهين ..
‎عبدالله يمد يده بيفتح البآب : أذآ تبي مسآعدة ولا شي .. مر علي ترآ عآدي
‎أرووح معك .. خلاص أختي مآعآد تسألني وين أروح ووين أجي
‎علي بصوت وآآطي : أيه لقت من أشغلهآ .. بدونه كآآن موجعتن رآسي أنآ قبلك
‎والله .. ( رفع صوته ) وش تبي في أخوووي .. أخووي ينآآم في وقت محدد ..
‎مآيصير يخرب نومه ..
‎عبدالله أنفجر ضحك : ههههههههه ..
‎علي : يلا انزل يآبطل والعصر أن مآنشغلت بآآخذك لمشوآر مآهو بعيد
‎عبدالله : يلا مع السلامة ..
‎فتح البآآب وريحة السيآرة تفوح محملة بريحة العود .. نزل من اسيآرة وسكر
‎البآب حتى يروح يركض لدآخل المظله .. أنحنى علي يطالعه ويشوفه
‎يحآول يدف البآآب بس شكله مقفل .. فتح بآب السآيق ونزل متوجه
‎لعبدالله
‎عبدالله : يبه مآآيفتح البآآب ..
‎علي يقرب منه برسميه : غريبه بالعآدة البآب مفتوح .. وين السآيق
‎والخدآمة ..
‎عبدالله يبعد عن علي ألي قرب من البآب وصآر يطقه : مدري ..
‎علي وهو يطق البآب : ألله يستر ..
‎أبعد وسحب من جيبه الجوآل ودق على فهد مآآيرد ... رجع دق
‎على خالته وبعد مآآترد ..
‎عبدالله يأشر على الجدآر : أنط من فووق ..عآآدي ..أرفعني وأنآ بصعد
‎علي يطالع الشآرع ورآآه : مآآيصير يآآبوك أخآف أحد يشوفنآ
‎ثم يحطون مششكله ..
‎رجع يطق البآب ونفس الشي مآآحد يرد ...
‎وبعد مآآطال وقوفهم
‎علي بأستسلام : أقوول .. تعآل برفعك تنط بالحوش
‎عبدالله بفرح .: يلا
‎علي يرفع أيديهآ ويسحب شمآآغه ويرفعه لفوق : أشوفك مستآنس
‎عبدالله يقرب من علي: من زمآن وأنآ أفكر أركب وأدعي ربي بعد ..
‎علي : ههههههههههههه .. ترآ والله فوق مآآفيه شين مآآحد يشوفه ..
‎ههههه .. ألله يغربل أبليسك ..
‎ضم كفوفه وفردهم لعبدالله حتى يحط رجله عليهآ ويرفعه لفوق ..
‎وفعلا رفع عبدالله رجله بعد مآفسخ نعآله وعلى طول حط رجله الثآنيه على
‎كتف علي .. وحآول ينط علشآن يوصل للجدآر وفعلا وصل ... ومآهي لحظآت
‎وصآر يرفع جسمه وهو متمسك بالجدآر والشجر حوآليه
‎علي يبعد شوي ويرفع رآآسه : هآآآآآآآ
‎عبدالله يوقف وهو يطالع كل شي : ونآآآآآآآآآآسه يبه .. أشوفك صغير
‎علي : هههههههههه .. لا تنسآني وآقف هنيه .. يلا نط بسرعه
‎للحوش وأنتبه لا تتعور
‎عبدالله وهو ينحني لعلي : من هالخشم .. يلا مآرآح أطول
‎نزل علي رآسه ولف يطالع بالشآرع والبيوت حوآآاليه ..
‎صوت العصآآفير يتردد بأندفآع ونسمة الصبح ببرودتهآ ترد الروح ..
‎ولحظآت سمع طيحه سبقهآ وقت قصير حتى يفتح البآب ..
‎دخل علي وعلى طول عبدالله رآح يركض للبآب المدخل .
‎علي :شوف خالتي وأختك
‎دف البآب فآتحه كله ..وعلى طول تحرك وصعد بيدخل الديوآنيه .. سحب نظآرته
‎وأول مآآدخل تجمد في مكآنه وهو يشوف فهد نآآيم على فخذ ليليآن والثآنيه
‎متمآيله بظهرهآ على المركة ورآسهآ مآآيل .. الشمس بأشعتهآ متنآآثرة
‎على الأرض ... وبسرعه صد علي بضيق ورجع لورى حتى يدعم البآآب ..
‎تمآيل لكن بسرعه مسك البآب وطلع حتى يسكره بأقوى مآآعنده ..
‎علي : خيييير أن شالله .. عآآد بالديوآآنيه .. قالبينهآآ غرفة نوم ..!!
‎ظل يطآلع بآب الشآرع بذهوول ... وعلى طوول نزل وسكر البآب
‎خآآف لا أحد يدخل ويتووهق .. هالحين عرف ليش البآب مقفل
‎والبيت تقول فآآضي ..!!!
‎ظل ينطر أحد يفتح بآب الديوآنيه وبربكة صآر يطالع بآب المدخل خآآف
‎لا عبدالله يطلع يدور أخته النآيمه مع زوجهآآ ..
‎بآآيعين الدنيآ ذولا ...
‎( لو أبو سعود كآن بمكآنه .. مهبوول هو ..؟)
‎قالهآ علي وحوآجبه معقودة .. رجع لبآب الديوآنيه وطق البآآب ..
‎يبي هالدبب ألي دآخل يصحون يدبرون أعمآآرهم ..
‎سمع أصوآآت وحركآآت ومسرع منفتح البآب بشويش حتى يشوف
‎عيون ليليآن تطالعه من فتحه صغيره ووآضح عليهآ النوم والعيون
‎منتفخه ..
‎علي يبتسم : مآشالله .. صبآح الخير يآعرسآآن الديوآآنيه ..
‎أنصك البآب بوجهه وهو فتح عيونه على الأخر ..
‎علي بذهول : طآلعوآ .. سكرت البآآب ..
‎لايكونون بس عآيشين الدور أن ذي غرفة نوم ..
‎سمع صوت عبدالله كأنه يسولف مع جدته وعلى طول تحرك وفتح البآب ..
‎دخل ومسك البآب حتى يشوف فهد وآقف
‎وجهه رآآيح فيهآ من النوم ..وشعره متنآآثر
‎بشكل فوضوي وورآه كآآنت ليليآن ألي متخبيه من الفشيله ..
‎فهد : هلا بالخآآل ..
‎علي بضيق : يآآخي شوفوآ لكم غرفة تضفكم ... أدخل وشوف
‎عصآآفير الحب مآآشالله مستعمرين المكآآن .. هي ضآآقت عليكم
‎السعة ..
‎ليليآن تميل برآسهآ تطالع علي وهي متمسكة بخصر فهد
‎وببرآآءة ومن قلب قالتهآآ : والله مآسوينآ شي
‎علي من صدمة هالكلمة ظل متنح في فهد ألي بآدله هالنظرة
‎مو مستوعب ألي قالته .. هالحين هو قصده شي ثآآني وهي من الخوف
‎والربكة والفشيله بدت تخر الأولي والتآلي ...
‎فهد يحط يده على وجهه : أحس رآآسي بدآ يوجعني
‎علي يرفع يده : هالحين شنو دخلني سويتوآ شي ولا لأ ...
‎( مآآقدر يمسك نفسه ) ههههههههههههه
‎فهد يهز رآسه وبصوته الرجولي الخشن من النوم : يمكنهآ تحسب أنك مستأجرنآ من الوكآله ...
‎( لف برآسه لجهة اليمين ) أمشي .. أمشي روحي بسرعه ..
‎ليليآن من الفشيلة : والله مو قآآدرة أمشي . ( مالت برآسهآ على ظهره ) تكفى أمش
‎معي لين أطلع ..
‎علي بعجلة : أخوووج دآآخل لايطلع ثم تتوهقون .. ودوروآ لكم دبرة تفكون أنفسكم
‎منه ..
‎فهد وهو يبعد يدهآ : يآبنت الحلال أطلعي أخلصي علينآآ ..
‎ليليآن بأصرآآر : مآآآآآآبي .. والله مو قآدرة ..
‎فهد يطالع علي : ممكن تطلع لين المدآم تطلع ..
‎علي : والله معطييكم ويه قسم بالله ..
‎فهد بأستسلام : قدآمك أقولهآ تطلع ورآفضه شسوي أنآ ..
‎علي بنص أبتسآمة : شلهآ طلعهآ برآآآ .. ههههههههههههه
‎أبتسم فهد وهو رآفع حوآجبه من كلمة خاله وعلى طول تحرك علي وطلع من الديوآآنيه ..
‎ليليآن وهي وآقفه ورآه وبصوت وصل له : يممه يالفشييله .. دخل علينآ وشآفنآ
‎لافي .. دددخخخل .!!
‎تحرك بهدوء ومد يده حتى تغللت أصآبعه في شعرهآآ ..
‎مسك بيده جزء منه وقربه من خشمه ..
‎متجآهل شكلهآ المحتآس وربكتهآ من ألي صآآر ..
‎فهد يآخذ نفس : شنو حلاة ريحة شعرج .. جذآآآبة .. فوق مآتتصورين ...
‎حرك عيونه وتأملهآ ... وهي طآلعته بحيآ أستعمر خدودهآ ومسرع
‎مآبنفس الخجل أبعدت عيونهآ عنه .. ملامح النوم عليهآ كآنت في هالصبآح ..
‎أشهى .. ألذ بالنسبه له ..
‎نظرتهآ في هاليوم تملكهآ خجل أنثوي ..
‎شحنته لهفه وشغف ..
‎حركت شفآيفهآ وعلى خفيف بآنت غمآزآتهآآ ...
‎أنحنى بهدوء وقرب منهآآ .. لامست أنفآآسه رقبتهآآ ببطء تعمده .. حست فيهآ
‎حرآرة سرت في جسمهآآ .. حط أيديه على كتوفهآ حتى تتحرك
‎برجفة حس فيهآآ .. شلون مآيحس وهو ألي يقرى تفآصيل
‎الأشيآآء مثل مآقدر يتملكهآآ ..
‎كآآنت قبآآله يلفهآ أنسيآآب مآآله مثيل ..
‎هي البنت ألي أنتقتهآ الأقدآآر ..
‎وهو رضى أمس وأعلن خضوعه .. صوتهآ وهي تقرى المعوذآت
‎عليه والأذكآآر تسللت في قلبه مثل الأمآآن لروح أتعبهآ الخوف ..
‎وهي ..
‎كأنه يقبلهآ بهالأنفآآس .. يجرب معهآ متعة الدفآ .. والحب ..
‎مر من عند شفآتهآ متعمد هالشي .. حست بأنفآآسه تختلط
‎بأنفآآسهآآ ..
‎سحبتهآ أكسجين أنعشهآآ ...
‎ولحظآت حتى تستقر شفآيفه عند أذنهآآ ..
‎فهد بهمس وهو يحط خده على خدهآ : أمس نمت أحلى نووومة ...
‎ربي مآآيحرمني منج
‎أنتفضت .. وبسرعه تحركت .. الكون حوآليهآآ يتلاشى وجسمهآ
‎صآبته حرآرة غير طبيعيه وضغط وصل لرآآسهآآ ... أبتسم وهو يشوفهآ تهرب
‎من دفآه .. من خجلهآ ... ركضت طآلعه من الديوآآنيه
‎على غرفة الخدآمة .. على طول .. وصوت علي ألي متعمد يرفعه
‎يوصل لهآآ
‎علي بالصآله : أخذنآ نص سآآعه وحنآ وآقفين عند البآآب ..
‎الجده وهي تمسك المركة بعبث : أنآ والله صحيت الفجر ويوم قعدت
‎هنيآ ويسحبني النوم بدون مآآشعر ..
‎علي : طيب ومحمد وينه ..؟
‎الجده وهي تعدل برقعهآ : موجود ولو أنه مآعآد حنآ بحآآجته ..
‎علي يعقد حوآجبه : ورآج تآركته .. سفريه دآمج مآنتي بحآجته ..
‎الجده ترفع عيونهآ : أنت ورآآك لاتكلمت تقول تصآآرخ ....؟!
‎علي حس على نفسه : هآآآ ..
‎عبدالله يطلع من غرفة الجده وهو لابس تي شيرت رصآصي
‎على بنطلون جنز أسود : يمه وين أختي ..؟
‎علي تعدل بجلسته وهو يأشر للحوش : برآ لقآهآ تشر ملابس أمك ..؟
‎عبدالله وقف يطآلع بآب المدخل : برآ .. مآشفتهآآ .
‎علي أبتسم : أنت رح دورهآ يمكن أني غلطآآن ..
‎عبدالله يتحرك بهدوء : كيف تقولي تشر الملابس وبعدين يمكن غلطآآن ..؟!!!
‎سكت علي وحرك عيونه صوب الجده ألي هزت رآسهآآ
‎من منطق التبرير ألي وضح فيه أنه يبي يستر عليهم ..
‎بس مآيدري كيف ..؟
‎الجده بنبرة أمتلت ضحكة أول مآطلع عبدالله : أقوول وين ربعك ..؟
‎علي بآنت على شفآته أبتسآمة : مآفقدتيهم أمس ..؟
‎الجده حمده بنفس النبرة : وأنآ شنو علي .. مآآني رآآدتن زوج عن زوجته ..
‎جعل التوفيق حليفهم ..
‎علي بعد صمت : آآميين ...وبو سعود كيفه هالحين معهآآ ..؟
‎الجده حمده بنبرة ضآيقه وصوت وآطي : هالرجآل كل مآنوى يكحلهآ أعمآهآآ .. بنت أختك
‎سمعته وهو يتكلم عن بنيتي وعن فهد .. ومعهآ مريم وعبير .. مير البآقين أمورهم
‎هوينه يآعلي ... وأنت فآآهمن مقصدي زين ..
‎علي رفع حآجبه اليسآر وريح يده ع المركه بصمت : ..............
‎الجده تطالع البآب تخآف لا حد يدخل ويسمع كلامهآ : بنت أختك وليليآن
‎تكآفخوآ فالمزرعه .. وهي تقآوت على بنيتي لأن يدهآ مكسورة وزآد العوآر
‎وأخذتهآ أنآ وفهد لمستشفى خآآص .. مير يآآرب لك الحمد هالأيآآم تقول
‎أن العوآر خف ولا عآد تحس بشي ..
‎علي بنرفزة : شنو ..؟ من صج تتكلمين يآخآلة .. وانآ وين كنت .. هذآ صآر
‎فاليوم ألي رحنآ فيه للجآخور ....!!!
‎الجده بتاكيد : أيه ..
‎علي يصد بعيونه : الجوهرة مآقالت لي شي أبد .. وأنآ والله مآدريت
‎عن ألي صآآر توني أعرف منج يآخآله ...
‎الجده : أنآ وليدي فلاح أعرفه زين .. أنت خل تغريد تبعد عن بنيتي .. ذي متهمتهآ
‎مرتن ثآنيه أنهآ تبي تآخذ فهد منهآ .. حنآ مآصدقنآ السآلفة الأوليه تنتهي ع خير ,,
‎.. وتعرف نفسي لو مآوقفنآ الأمور من هالحين
‎شنو رآح نوآآجه ... فهمهآ أن كلام فلاح عن ولده وبنيتي مآآهوب صحيح ..
‎أخآآف يزل لسآنهآ وتقول لفهد .. أو تروح تهذري ع أمهآآ ..
‎بتفتح لنآ نيرآآنن مآرآح تطفي ..
‎علي يآخذ نفس بقوة : أستغفر الله وأتوووب أليه
‎الجده حمده : هالبنيه ولو أنه مآعليهآ خوف بس أنآ خآآيفتن عليهآ من شين
‎مآحسبنآ له حسآب .. وليدي فهد يوم طلعهآ من الصحرآ مآيعرف من هي ..
‎وهي بعد .. مآتعرف هالأجودي ألي أنقذهآ من شر أخوهآ ..
‎ولا أبي هالسآلفه تلتم هالحين ..
‎علي يحط يده اليسآر ع ركبته وبأندفآع : أنآ عآرف يآخاله أن فلاح فهم
‎السآلفه مقلوبه .. وهي يوم قالت أنهآ أتهمت الأجودي .. مآعرفته ..
‎مآكآنت تدري أن فلاح يقصد ولده .. أنآ والجوهرة صدقنآ كلام فلاح عنه ..
‎بس والله يشهد علي من شفت خشة أخوهآ غسلت يدي ..
‎قلبي مآرتآح له أبد .. وأنتي مآقصرتي وضحتي السآلفه .. ولو أني مرة
‎بغيت أقول ألي صآر له لأنه مره سألني ..؟ ..
‎وأنتي بيض الله ويهج .. مآقصرتي دقيتي علي وعلمتيني ألي صآآر
‎بدون مآآحد يدري
‎الأمور يآخآلة طيبه .. أنتي لا تحآتين .. السآلفه لملمنآآهآآ بينآ ..
‎والجوهرة مآآهي مهبوله تروح تهرج لفهد بشي .. وعن
‎تغريد ...( سكت بعدين كمل ) أن شالله الأمر بحله ..
‎ولو أني عآآرف أني بآكلهآآ ..!
‎الجده حمده : أنآ مآآغيرك أقدر أتسآند هالحين عليه ..
‎علي وهو يطالع الجده : وأنآ أن شالله مو مقصر بشي بالي أقدر عليه ..
‎ولو أني هالحين أبي السلامة ..

**********

>
>
<
<
<
<
<

كــــــــــــــــــــت

<
<
<
<
<

‎قرآآءة ممتعه للجميع
فوت ⭐️ / صوت ⭐️

دمتم بخير