رواية اريد منك اكثر مما اريد للكاتبة / الكريستال / مكتملة❤️

الفصل (٧)

‎×××الفصل السآبع ×××

‎الخطوة الثآنيه نحو حلم .. أريد منك أكثر ممآ أريد ..
××
‎تزرعني في أرض لا تعرف سوآ شجر من الجفآآء
‎وريح أقسى من أن أتحملهآ
‎وأذآ بي رغمآ عنك أبدو خضرآآء ..
‎وأورآقي تقآآوم موجة من اليبآس ..
‎أتعتقد أنني أحبك رغمآ عنك .
‎وأنني أجآهد أن أمتلك أشيآء لم تعد لي ...
‎أمجنونة أنآ بك ومنك ..
‎نعم يآآ أنت
‎سأحبك رغمآ عنك ..
‎سأبدو أصفى حين أشتم رآآئحة أنفآسك المعطرة
‎بعبق الحنين ..
‎سأغرز مخآآلب شوقي في قلبك ..
‎وستتألم من حنيني .
‎من شوقي الذي لم أعد أمتلكه ..
‎كل شئ بدآ جنوني منذ زمن ..
‎وبرحيلك ومجيئك سأمآآرس معك طقوس جنوني الأبدي ,,
‎وسأجبرك على الأنحنآآء
‎سأجبرك يآآأنت ..

×××××××
‎أول مآآنفتح البآآب ألي جنبهآآ وقبضه من حديد سحبت الجوآآل
‎وقبل لا تشوفه يتحول لأشلاء كآآآنت فيه قبضه ثآآنيه أشد منهآ قسوة
‎سحبتهآ مع كتفهآآ حتى تطيح على الأرض .. وبدون لا تحآآول تآآخذ
‎نفس لشهقآآت وقفت بحلقهآ سحبهآ مثل المجنون لبآآب المدخل .. حآآولت تقآآومه
‎تقول شي بس العجز شل جسمهآآ كله ... صرخه قدرت تطلعهآآ
‎أول مآآسحبهآآ حتى توقف وأيديه تتمركز على ظهرهآآ حتى يدفهآآ دآآخل الحوش بأقوى
‎مآآعنده .. طآحت على أيديهآ وفكهآ ضرب البلاط حتى يحكه ... صرخت بقوة
‎لمآآ غرز أصآآبعه في عبآآيتهآ حتى يمسكهآآ من ورآ بأقوى مآآعنده
‎ليليآآن بكت بقوة : آآآآآآآآه فكني يآآنجس .. فكني
‎فهد بنبرة غليضه وبصرآآخ : ألا يآآالحقيرة ... تكلمين وآآحد قدآآمي .. صج أنج مآآتربيتي
‎رجفت بقوة .. أنتفضت وهي تسمع صوته الرجولي بنبرته الخشنه وألي
‎صمت أذآآنيهآآ على الأخر ... هذآآ هذآ يتكلم عربي .. كيف ..كيف توقعت أنه
‎غريب .. كيف مآآقالت لهآ جدتهآ أنه يعرف لهم .. ويتكلم كويتي .. صرخت
‎أول مآآسحب يدهآآ ولفهآ لورى ظهرهآ حتى حست بعظمهآآ طق وا القبضه من حديد ..
‎فهد بعصبيه : قوولي من هو .. عشآآن أدفنج معآآآه يالخآآآيسه .. قوووووووووولي ..تكلمي
‎من هو سآآمي ..
‎ليليآآن تصرخ بقوة وتبكي من العوآآر ألي تملك يدهآآ : ........................
‎طلعت الجده بخرعه حتى توقف من الصدمه وهي تشوف فهد مآآسك ليليآن
‎وعيونه تشع شرآآسه أنقبض لهآآ قلبهآآ ...
‎مآآيعصب بهالطريقه ألا هو شآآيف شي كبير .. كبير ..
‎هو مثل البركآآن الخآآمد ألي مآآيثور ألا فجأة وبدون سآبق أنذآآر ...
‎شآآفته بنظرته وملامحه الهآآيجه مثل الوحش الكآآسر ...
‎مدت يدهآآ خوف على بنتهآ لا يسوي فيهآآ شي
‎الجده : يآآوليدي فك البنت لا يصير فيهآآ شي .. فكهآآ
‎فهد يصرخ ولا همه جدته : من هو سآآمي يالوآآطيه ألي تكلمينه .. من هو .. ؟؟
‎والله العظيم أن مآآتكلمتي لاكون مكسرك
‎سآآمي ..!
‎تكلم سآآمي .. تحركت غصب عنهآآ أول مآآرمى ليليآآن ألي مآكآن بيدهآآ غير
‎البكآآ .. والصرآآخ ..وطآآح فيهآ ضرب ..
‎سحبته بكل قوة ووقفت حتى تصرخ تبيه يصحى لكل شي تقووله..
‎الجده حمده : سآآآمي .. خطيبهآآ ..وخررر عنهآآ وخررررر ...
‎بحركآآت من يدهآآ صآآرت تضرب صدره وهو وقف وكأن هالبركآن
‎مثل مآآانفجر رجع وهدآ بدون مقدمآآت .. صآآر يرجع خطوة ورآ الثآآنيه وصدره
‎يتحرك من ضرب الجده ألي تبي تصحيه .. تبيه يحس بالي سوآآآه
‎بدون مآآيكون على معرفه ..
‎وهي ..
‎رغم الألم .. رغم الوجع والرجفة ألي تملكت جسمهآآ ..
‎رغم الصدمة لشخص أعتقدت أنه غريب عنهآ لهجه وعآآدآآت
‎وصآآر أكثر غيره على أهله وسمعته ..
‎أكثر تمسك بعآآدآآته وتقآآليده ..
‎مآآتلوم الجده لاسمته لافي ...
‎والأسم رمآآه بين أيدين شخص حآآمي وثآآير ...
‎وحش مآآيرحم ..
‎.. على رغم كل شي .. سمآآع طآآري خطبة سآآمي لهآ خلت عيونهآ
‎تتسع أكثر وأكثر ..
‎حطت يدهآ على فمهآ وهي متمدده على الأرض .. عند رجلين فهد
‎ألي أبتعد عنهآآ غصب من الجده حمده ألي صآآرت تدفه بعيد عنهآآ
‎سآآمي خطيبهآآ ..
‎هالدآآشر الصآآيع خطيبهآآ ..
‎متى وكيف .. لالا .. مستحيل
‎فهد ببعثره : خطيبهآآ ...؟
‎الجده حمده : أيه خطيبهآ .. غديت مطفوق مآآتمسك حآآلك ..هو خطبهآ من أبوهآ
‎قبل يتوفى يآآمآآل الصلاح وأبوهآ وآآفق .. وآآفق بس ألله أخذ أمآآنته ...
‎فهد بعصبيه ونبرته الغآآضبه : شووفي هالعلوم والخرآآبيط مآآهيب عندنآآ .. خطيبهآآ وتكلمه ..!!
‎لا ملك عليهآآ وتزوجهآآ تذلف ويآآه ألله لايردهآ هي ويآآه ..
‎الجده حمده : .............
‎فهد يرفع يده وبأمر : أنآآ رضيت أقعد معآآك بشرووطج ولا عآآرضتج .. بس أسمعيني
‎يآآبنت لافي .. دآآم أن الأوضآآع عندج فيهآآ قلة حيآآ .. أنآآ لي شرووطي
‎الجده حمده : شنو قصدك ..؟
‎فهد يأشر بقرف على ليليآآن ألي تشآآهق ولا لهآآ قدره تقول شي : يآآ تشيل حآآلهآآ
‎وتروح لأمهآآ هنآآك من يعرف يربيهآآ ولا تقعد عندك و الجوآآل مآآتشوفه لين يجي
‎سآآمي هالرخمه ويملك عليهآآ ... وتحترم حالهآ في هالبيت وتعرف حدوودهآآ .. هذآ بيت لافي مو على آخر زمآآنآ بيطلع العيب منآآ ...
‎رفعت رآآسهآآ وبنظرة من بين دموعهآآ شآآفته .. وآآقف بطوله والشمس تلفح أجسآآدهم بقسآآوة ,,,
‎شعره الكثيف تلمع خصلاته تحت نيرآن هالشمس ..
‎بس فجأة سكتت ومآآلت برآآسهآآ على الأرض من جديد ...
‎الجده حمده بعد صمت : البنت مآتبي ترووح لأمهآآ .. وأنآ مستحيل بغصبهآآ
‎فهد رفع حوآآجبه : سمعتيني شنو قلت لج .. وعندج الخيآآر ولج من يروح يسحب سآآمي
‎من السعوديه ويخليه يعرف علووم الريآآجيل زين ..
‎طلع عبدآآلله ووقف يطآآلع في أخته متمدده بدون حركه والخدآآمه ورآآه شآآبكه
‎أيديهآآ في بعض وهي ألي رآآحت تنآآديه
‎متخرعه قآآيله له ألي صآآر ... أتسعت عيونه أكثر
‎وتقدم بخطوآآته حتى ينحني ويهزهآآ
‎عبدالله بصوت خآآيف : ليليآآن ...!
‎حركت الجده عيونهآ لبنيتهآآ .. وعبدالله يهزهآآ وهو يلا بالعآآفيه يتكلم يبي ينآآديهآ بأسمهآآ ...
‎رفع رآآسه لفهد
‎عبدالله : وش سويت بأختي ...؟
‎الجده حمده جلست على رجولهآ وصآرت تهزهآ : يآآبنيتي .. ليليآآن .. كلميني يآآبنيتي ..
‎( رفعت رآآسهآآ وصوتهآآ أمتلى عبره ) وأنآ أمج ردي علي ... ( بكت )
‎لافي البنت مآآتتكلم أغمى عليهآ ..
‎تحرك بسرعه ونوى ينحني بجنب الجده .. بس تفآآجأ من عبدآآلله ألي دفه بقوة حتى يطيح
‎بالأرض
‎عبدالله يصرخ بأقوى مآآعنده : وخررر عنهآ يآآحيوآآآن ... والله لا أوريك ..
‎طآآح على الأرض وعيونه أتسعت على الأخر قبل لايشوف الجسد الصغير .. يحذف
‎نفسه حتى
‎يركب عليه ويحآآول بأيديه يشمخ وجهه ..
‎فهد يمسك أيديه وظهره على الأرض : يآآولد أهدى ..
‎عبدالله بحقد : أنت مين تلمس أختى ... مين يآآ حيوآآآن ..!!!
‎الجده حمده بقلة حيله وهي بسرعه تتكلم : ميري.. روحي.. جيبي مآآي ..
‎عبدالله يحآآول يفك أيدين فهد عن أيديه : قسم بالله مآآرآآح أخليك
‎فهد بأندهآآش منه : ................
‎رآآحت الخدآآمة ومآهي ثوآني و
‎طلعت تركض في كوب مآآء وعلى طول سآعدت الجده تنزل نقآآب ليليآآن
‎.. صآآرت الجده تضرب خد ليليآن تبي تصحيهآآ ومسرع مآآحطت بيدهآ مآآي
‎وهي ترشه على وجهآآ
‎الجده بخرعه وهي تلف لفهد ألي يحآآول يوخر عبدالله عنه : تعآآآآآل .. البنت لاتروح من بين
‎أيديني .. تعآآل خل عنك هالبزر ..
‎حط فهد بخفه أيديه حول خصر عبدالله ورفعه حتى يبعده عن جسمه .. ومسرع مآآقآآم
‎بس وقف وصد بعيونه أول مآآلمح وجهآ مكشوف
‎فهد : يمه .. غطيهآ عشآآن أشيلهآآ أخذهآ لغرفتهآآ
‎الجده وهي تبكي : البنت مآآصحت .. مآآصحت شنو سويت فيهآآ
‎ألله لايربح عدووينك ...
‎فهد بضيق : ....................
‎تحرك بخطوآآته وبسرعه وبدون مآآيطآآلعهآآسحب طرف من شيلتهآ الوآآسعه وغطى فيهآ وجهآآ..
‎ومآآهي لحظآآت حتى تستقر بين أيدينه ويتحرك بسرعه متوجه لبآآب المدخل
‎فهد : تعآلي أنتي دليني على غرفتهآآ ..؟
‎يكلم الخدآآمه ألي مفهيه بينهم ...
‎قآآمت الخدآآمه ورآآحت تركض دآآخل البيت ومعهآآ دخل فهد من بآآب المدخل وصآآر
‎يمشي فالسيب وهي بين أيديه .. قآآمت الجده بسرعه تمشي ورآآ فهد ...
‎بس تمآيل بقوة أول مآآسحب عبدالله ثووبه
‎عبدالله وهو يبكي : نزلهآآ يآآوسسخ ... نزل أختي أقوولك .. هي مآآتقرب لك ..
‎يآآحيوآآن مآآتصير تشيلهآآ نزززلهآآآ ..
‎فهد عصصب وبقوة لف له : أنت شنو فيك .. حمآآآر ..
‎الجده مآعآآد تتحمل : يآآوليدي هذآ بزر خله عنك.. خذ البنت لغرفتهآ بسرعه .. خذهآآ
‎كود أدق على أمهآآ وعلي
‎عبدالله بأقوى مآآعنده دفه : قلت لك نزلهآآ .. نزلهآآآآ يلا ...
‎والله مآآأخليك تلمسهآآ
‎هالمره مآآقدر يمسك نفسه وليليآن بثقلهآ كله تتمآآيل معه .. ودفه ثآآنيه من عبدالله
‎ألا كآآن يبي أخته تنزل من بين أيدين فهد بأي طريقه خلته يطيح وطآآحت معه ليليآن
‎في السيب .. قآآم بسرعه وسحب عبدالله مع ثوبه
‎فهد يهزه بقسآآوة : مآآتفهم أنت .. أختك مغمى عليهآآ بالحوش تحت الشمس .. من تبي يشيلهآ أمهآ
‎ولا أنت .. !! ع بالك بسوي لأختك شي . هآآآآآ
‎الجده حمده حطت أيديهآ على رآآسهآ : رآآحت بنيتي .. رآآحت ...
‎فهد يدفه : أذلف عني لا وآلله أجرم فيك هالحين ...
‎رجع وشآآلهآآ بسرعه يبي يخلص وهو قآم يتوتر من حمده ألي
‎مآآتحملت وقآآمت تبكي .. من أخوهآآ ألي تفآآجأ من تصرفه والشجآآعه
‎ألي تحلى فيهآآ ,, بس بدون مقدمآآت ومآآيدري كيف تحركت عيونه حتى تلمح
‎ملامح وجهآآآ .. والشآآل طآآح مبتعد عن وجهآآ وكآآشف عن الألم ..
‎الألم ألي أرتسم في قلبه غصه مآآقدر يبلعهآآ ...
‎حس بالأرض تتزلزل من تحت رجليه وقلبه أنقبض فجأة ..
‎أنقبض ضآآربه بصندوق أسرآآره في جدآآر الزمن ..
‎صندوق دفنه في رمآل النسيآآن .. رعشه هزت الجسد القوي ألي ينبض بين ضلوعه
‎قلب موجوع حد التعب ...
‎ومسرع مع هالأنقبآآض بدت ضربآت هالقلب تسرع حتى شك أنه بيقدر
‎يشيلهآآ .. رآآح تطيح من بين أيديه ..
‎أيه رآآح تطيح .. وبكل ضعف أصآآبه في مقتل نزلهآ في الصآآله وطلع ..
‎الجده تنآديه : يآآولدي غرفتهآ هنيآآ ...
‎بس مآآكآآن صوت الجده أقوى من هالقلب ألي بسرعة نبضآآته نزف دم ...
‎دم جروح تكومت من زمآآن وبعبث دفنهآآ .. مر من عند عبدالله ألي وقف عند
‎بآآب المدخل وهو يبكي ... خطوآآت وآسعه طلع من البيت كله ووقف قبآآل الشآآرع ..
‎هي .. تغريد .. أيه تغريد ...!!
‎تشبه لهآآ .. تشبه لهآآ كثير .. ملامح عشق تلاشت
‎في وجه الصبح ..
‎وفقد مآآعوضه عن أي شي ..
‎وهذي هي ريحة الخيآآنه تعطر أنفآىسه .. تخنقه بدون كلام ...رفع عيونه
‎لسمآآ ..وبسرعه مسح على شعره ...
‎كل شي مع رجعته بدآ ينتفض من بين الزوآيآآ ..
‎وقف يحآآول يجمع قوته من بين هالضعف ..
‎الضعف ألي يآآمآآ كرهه وبيظل يكرهه ..
‎مآكآآن يدري أن عيون هالعشق القآآتل من بعيد ترآآقبه .. غشآآوة الدموع غطت عيونهآآ
‎الذآبله وهي من سمعت بجيته .. مآآصدقت أبد وهذي هي تشوفه ..
‎وآقف قبآآلهآآ يحرك عيونه يمين ويسآآر .. ومسرع مآآستقرت يده
‎على صدره .. مآآتغير أبد ..
‎هو بالتسآآمح والحنآآن ألي يشع في نظرته ووقفته ..
‎بملامحه الرجوليه الآسره ..
‎كآآنت تتوقع أنه رآآح يرجع وآآحد قآآسي ..
‎بس هذآ هو قبآآلهآ مآآتغير .. أحسآسهآآ مآآيخيب فيه ...
‎كيف يخيب وهي تعرفه أكثر من نفسهآآ..!
‎مآآعآآد تبي شي .. تبي بس حضن من بين أيديه تنسى فيهآ ألمهآ
‎في بعده بس ..
‎.....: محمد تحرك ألله يخليك
‎أستجآآب السآآيق لصوتهآ الأنثوي النآآعم والحزين
‎من ورآه وعلى طوول تحرك بهدوء ..
‎سيآآرة سودآ مغيمه مآآيبآن من دآآخلهآآ شي ... تحركت
‎وهي تأمل بلقآآء تكون فيه أقوى حتى توقف قبآآله ..
‎توقف قبآآله لاغيه كل الحوآآجز ...