Two Nights (Nervous)

First Night: III

Makain sa oras kapag wala kang ideya sa pinapasok mo 

at first time namin ang ganito.

Lahat ng pinagnakawan namin noon

alam namin ang istraktura ng bahay

at kung saan makikita ang cash at alahas

subalit hindi sa pagkakataong ito

dahil bibihira lang ang nakakapasok sa Bahay Tuntungan.

Kung wala kang kamag-anak syempre hindi ka makakapasok

maliban na lang kung tubero ka,karpintero o ano pang utility maintenance.

Kahit yung mga yan walang alam kagaya ni Mang Tonyo

"Mga hijo iba na lang ang pasukin niyo" pagkatapos namin syang painumin ng Pop Cola.

Nagtatanong pa lang kami alam na niya .

Sa dami ng digmaan nung panahon ng mga matatandang yan

sanay sila sa kalaban at espiya kaya sa pulong lang ng mga matatanda 

napag-uusapan ang tungkol sa kanilang mga ari arian.

Simpleng Lohiya kung ikaw ang may-ari ng yaman san mo ilalagay?

syempre sa Master's bedroom

pero kung ako ang may ari ilalagay ko sa banyo sa may likod ng inidoro

o kaya sa ilalim ng mga tiles.

Ni-radyohan ko si Jigs "Pre, asan ka na?

"Andito na kami sa Malaking kama Gag*"

Mas idiniin ko pa sa tenga ko ang telephonong radyo.

Gusto kong marinig kung anong meron sa pwesto ni Jigs.

Parang ordinaryong bahay lang naman to

masyado yata akong na-alarma pero di bale at least nag iingat.

Sinunod ko pa din ang loob ko, 

dun ako pumasok sa pintuang nasa dulo.

Iba ang ambiance ng kwarto alam kong banyo 'to

 kaya kinapa ko ang switch na malapit sa pinto

pero ang masaklap nito meron ng kamay na nakapatong sa switch.

Tinayuan ako ng balhibo sa batok.

Mukhang may nag cr sa mga matatanda.

Paano mo tatakasan ang ganitong eksena?

Buti na lang magaan at maliit ang kamay ko kaya agad ko 

itong hinugot pabalik sa katawan ko.

Winasiwas ng matanda ang kamay niya sa hangin

sinusubukan niyang akong kapain.

Sobrang bilis ng kamay niya di pangkaraniwang bilis

parang pinapanuod ko na lang siyang habulin ng kapa ang katawan ko .

Napakalaki niyang tao nasa 6 footer, malapad ang katawan 

pang balibagan,  nilipasan ng panahon 

pero may hubog pa ang mga balikat,

bagsak na ang mga laman 

pero makikita mo pa din na dati syang maskulado.

Nakita ko ang tattoo niya sa kaliwang braso hugis tatsulok 

at sa loob ng tatsulok may nakasulat SENIRAM .

Sa sobrang kaba ay natumba ako .

Napaupo ako . 

Nagsimula na syang humakbang paabante sa aking direksyon

kaya humahakbang ako paatras habang nakaupo 

at sa sobrang takot ko pati mga kamay ko sumasagwan paatras.

NAPAKALAKI ng hakbang niya triple ng sa akin. 

"ANAK NG TOKWA!" Maaabutan na niya ko. 

Paglapat ng aking kanang kamay sa tiles na nasa aking likuran

ay may nakapa akong paa 

"Wala na akong takas" harap at likod may tao.