Two Nights (Nervous)

First Night: VI

"Pilitin mo." pawis na si Jigs

Muling inistart ni Shewi at umingay na ang sasakyan "Ok na mga tol"

Hinagis ni Tano ang bag sa bukas na pinto sa likod ng Van

Lahat papasok na

"Iwan nyo yung pera" matigas kong pagkakasabi

"PARE, ikaw na lang kaya iwan namin??" banat ni Kurimaw

"Ano? Putch*" napapakamot si Tano

Habang naguguluhan si Malik at napailing si Mamuro

"walang sasakay ng van" pinandigan ko na talaga

"kung ayaw niyo sumakay ng van maglakad kayo." hamon ni Piso

Isinarado na lahat ng pinto ng van at sumaludo na lang si Lapis.

Tinitignan ko sila Malik,Tano at Mamuro

Hindi ko inaasahan na mag i-stay yung dalawa lalo na si Tano

"Tara mag lakad na tayo" Mamuro

Halos isang oras kaming naglakad napakalayo

hindi kasi yun service road

kaya walang mga sasakyang dumadaan .

Parang gusto ng sumuko ng mga paa namin 

pero ayaw naming maabutan ng liwanag.

Hindi kami magpapahuli.

Kahit minsan hindi pa kami nahuli at mananatiling ganon.

Matapos ang isang oras ay 

tsaka pa lang kami nakarating sa service road. 

Sumakay na kami ng jip.

Ayaw naming magpahalata

pero napapatingin ang mga kasakay namin na

isang matandang babae at binata.

Para akong lumulutang sa dagat 

parang kakaahon ko lang sa tubig.

Lumulutang ang aking katawan.

Puno ng paghihimagsik ang mukha ni Tano 

alam kong hindi niya ako maintindihan.

Maliwanag na pagbaba namin ng palengke

 parang inabot kami ng apat  na oras hindi ko alam kung bakit.

Naririnig ko yung manong at aleng nagkukwentuhan tungkol sa isang nakawan.

Alam kong kami yun.

Pasimple kaming nagkakatinginan 

pero diretso lang ang tingin ni Tano sa daan.

Sabay kami nila Malik at Mamuro sa paglalakad 

tanging likod lang ni Tano ang aking nakikita 

maya maya ay nakikita ko na ang likuran nilang tatlo.

Alas onse na ng hating gabi ng makauwi kami 

ang pinagtataka ko bakit inabot kami

ng ganun katagal tila ba humaba ang lahat ng kalye 

at kalsadang dinaanan naming apat.

Huminto na sila sa paglalakad ng marating namin ang gate

 papasok ng compound ng aming tirahan.

Ibinukas ko ang gate

at isa isa kaming pumasok.

Bawat isa samin na nakalampas ng gate ay tila 

hugas kamay sa kung anuman ang aming pinanggalingan.

Habang nilalakad ang makipot na kalye ay 

hindi ko alam kung ano ang naghihintay 

sa amin bukas ng umaga.

Nilampasan namin ang dikit dikit na bahay hanggang marating

naming apat ang paborito kong hagdan.

Ito ang aming teritoryo.

Pag akyat na akyat mo sa hagdan ay makikita mo 

ang sampung pintong magkakatapat

 lima sa kanan at lima rin sa kaliwa 

sa makipot na pasilyo na isang tao lang ang kasya. 

Isang maliit na paupahan na kada kwarto 

ay halos singlaki lang ng dalawang elevator na pinagsama.

Ang nag iisang banyo ay nasa ibaba.

Ang ibang kwarto ay inupahan para lagyan ng arcade.

Madalas may sesyon sa ibang kwarto sabog ang

usok maamoy mo ang mariwana.