Two Nights (Nervous)

Second Night: XII

Umatras ng isang hakbang si Malik palayo sa 

sa pintong iyon.

Pinigil ang pag galaw

Ultimo ang kanyang paghinga ay dinahan dahan

dahil sa isip niya ay makikita siya ng anumang nilalang 

sa oras na siya ay kumilos.

Tanging itim lang ng mga mata ang gumagalaw.

Tumitingin sa magkabilang gilid at nakikiramdam

ng biglang may tumulak ng napakalakas sa kanyang likuran

halos sumubsob si Malik sa kahoy na sahig.

Nanlaban ang dalawang kamay 

upang protektahan ang kanyang mukha

kung kaya't uminit ang magkabilang palad sa pakiskis nito sa lapag.

Sa bandang huli'y tumama pa rin ang kanyang labi sa sahig.

Habang nakalatag ang harap ng katawan niya sa sahig ay nilingon

ng duwag na binata kung sino ang may gawa.

Lumunok nais malaman kung sino 

ngunit may takot na baka makita niya ang hindi nais masilayan.

Dalawang malaki at malaman na mga rogadong kamay.

Napakadilim kung kaya't hindi makita ang mukha

ngunit nadama niya ang pag titig ng nilalang sa kanya

Sa pakiwari niya ay nakangiti ito sa kanya,

isang napakalaking ngiti.

Muli niyang itinalikod ang kanyang mukha at isinubsob na lang sa sahig

Diniin ang mga talukap sa pagkakapikit

tumulo ang mga luha.

Nagpapanggap na nabibingi.

Nilalansi ang sarili at Kinikanta sa isip 

"Hirayamanawari hirayamanawari ating abutin......

.......sawsaw suka mahuli taya......"

Biglang hinila ng dalawang kamay ang magkabilang binti.

Hinila siya palabas ng nag iisang pinto ng ikalimang palapag.

Walang makapitan.

"langit lupa impyerno im-im-impiyerno" 

tuloy sa pag awit nilalaro ang isip

Hindi niya alam

kung saan siya dadalhin ng mahiwagang nilalang.

Sa walang katapusang dilim ba?

Dahan dahan ang paghila .

Dumudulas ang mga dulo ng daliri sa kahoy na sahig

Hinila patungo sa hagdan

Hinila pababa

Tumama ang baba sa isang baitang ng hagdan

"SAKSAK PUSO TULO ANG DUGO!" isang malaki,mabilog at gasgas na boses

Biglang bumilis ang pag hila pababa.

Napakabilis na akala mo ay may gulong ang mga paa.

Sunod sunod na ang pag tama ng baba sa mga baitang ng hagdan

Hindi na kinakaya ang pasakit na pasakit na pagtama

Iniharang ng binata ang dalawang kamay sa baba.