Two Nights (Nervous)

Second Night: Memories

Kapag pagabi na nagsisimula na akong makaramdam ng lungkot.

Hindi ko mapigilan

parang sinisisi ko yung sarili ko

sa mga nangyari.

Kung napaniwala ko sana sila

Eh di sana lahat kami nasa ayos.

Parang nahiwalay ako sa kanila

hindi lang sa kanila pati na rin sa aking sarili.

Matagal kaming hindi nag usap usap

Wala na rin ako masyadong balita sa kanila

bastat ang alam ko pumasok sa factory ng De latang sardinas si Tano,

si Mamuro ipinagpatuloy ang pagaaral niya,

at si Malik tuloy ang paybsiks.

Ako? Pintor. Sumasaya ako pag nakakakita ako ng iba't ibang kulay.

Naalala ko mga dalawang taon na ang nakalipas

isang linggo kaming halos hindi makakain

nagising akong tuyo at namumutla ang labi

hindi na ako nasisinagan ng araw

bago ako magkaganun

ay nagksasigwan kami ni Tano 

ng mag punta ako sa burol ng kanyang Mahal na Lola

"Biskwit tsaka kape po!" nag aabot ang Nanay ni Tano sa mga bisita.

Gabing gabi na at pagod pa ako galing sa trabaho.

Pinilit kong ngumiti at magpanggap na maayos ang lahat sa amin.

"Anong ginagawa mo dito?"

Itinulak ako ng napakalakas ni Tano

"Pare wag!" awat ni Mamuro

Natumba ako kasabay ng puting plastik na upuan

"ANONG GINAGAWA MO DITO?!"

"Kaibigan mo ko..." halos maiyak kong sabi

Sa akin sinisi ni Tano ang hindi pagkaka-opera sa lola niya.

"Pagpasensyahan mo na yung anak ko ah"

Itinayo ako ni Malik at ng iba pang bisita

Lahat kami nag sipayatan at halatang walang tulog.

Yun ang huli naming pagsasama samang tatlo.

Binasa ko ng laway ang nanunuyo kong labi.

Ilang linggo pa ba kaming magkakaganito?

Ginising ako ng bagong kabit ni Papa.

Kabit sya ni Papa dahil kasal pa din naman sila ni Mama.

"Kumain ka ng lugaw bumili ako.May kalamansi diyan sa loob ng plastik"

"May kalamansi ka din ba sa loob?"Kakainin ko talaga yun dahil pera ko 

ang pinangbili nya

"Huh?"

"Wala" kahit anong pilit niyang magpakabait 

wala pa rin akong amor sa kanya.

Wala akong pakialam sa kanya at sa mga susunod na bagong kabit.

Binuksan niya ang t.v. at nakita ko si Ms.Korina Sanchez

"Isang van ang natagpuan laman ang apat na malalamig na bangkay ng mga hindi pa nakikilalang mga lalaki.Ayon sa Forensic ay lason sa carbon monoxide ang ikinasawi ng apat.Ito ang binubuga ng exhaust system ng mga sasakyan at nakamamatay kung makalalanghap ng madami.Natuklasan ang napakalaking bag na puno ng ginto at cash sa loob ng van.Napag-alaman na may kaugnayan ang mga  ito sa nangyaring nakawan sa Bahay Tungtungan"