Two Nights (Nervous)

First Night: Curse

Tig isa kaming grupo na pinagsama para maging iisa

Isa para sa misyon

misyon na kuhanin ang bagay na hindi

para sa amin.

Lulan ng isang van

Apat na miyembro sa amin

At lima sa kanila

Ako ang lider ng apat

si Jigs sa lima.

Napagkasunduan namin na sama-samang pasukin

 ang isang bahay na puno ng matatandang pensiyonado.

Sa aming misyon

may maliit na kurot sa aking puso 

pagkat ako'y laki sa mga kwento ni Lola.

Ngunit agad itong napawi ng aking sabik sa mabilis na salapi

hindi pinag trabahuhan

subalit pinag hirapan din naman.

Malaki ang tiwala ko sa aking sarili.

Mahilig ako sa mga komplikadong trabaho.

Maabilidad ako bilang isang lider

kaya kahit isa lang sa tatlo ng aking miyembro ang buo ang loob sa akin

ako ang naging pinuno at wala silang nagawa.

Tumutunog ang Huling EL Bimbo ni Eli

Habang nag mamaneho sya

sinasabayan ng mahina ni Shewi

ang awitin

"kamukha mo si paraluman

Nung tayo ay bata pa

At ang galling galing."

Nakatingin ako sa kanya parang

pupunta lang ng field trip.

Sa likod ng driver's seat

kumakaluskos ang pakete ng sigarilyo

nilalamukos ni Sabog

naubos na kahihithit.

Wala ng supply ng ICE .Kating kati na makarating sa bahay ng matatanda.

Pinagpapawisan kahit naka aircon.

Sa lima nilang miyembro

Tatlo sunog na ang kaluluwa sa impyerno

Sa tindi ng bisyo

isa sa bato,

yung pangalawa sa sugal,

at si Kurimaw sa alak at bebot.

"Anong oras na?"

"alas tres na" pahikab na sagot ni Malik.

Malayo talaga ang Paranaque sa QC.

Ang iba samin galing pa ng bulacan.

Naramdaman ni Tano

ang aking pagkainip.

Mula sa aking likuran

sa kanan ni Sabog

Tinapik niya ako sa balikat

"Ayun Oh!" Tumuro sa harapan.

Yumuko ako para sipatin.

Nakita ko ang isang malapad na bahay

parang sa Amerika mo lang makikita ang ganung disenyo ng bahay.

"Susyal"

Dalawampung hakbang ang layo sa amin

Sa tingin pa lang alam kong ito'y may dalawang palapag.

Walang bantay at may mangilan ngilang damo sa magkabilang gilid ng bahay.

May kaunting kalayuan ang ibang bahay

Kakailanganin pang tumakbo (bagay na hindi na nila kayang gawin) para humingi ng tulong

kung sakaling magising ang matatanda.

'Wala silang pag asa' tugon ko saking sarili

Sa mga tinrabaho namin

Lagi kaming mabilis kumilos

para hindi mahuli,

hindi maabutan ng liwanag

at para hindi makaramdam ang may ari.

Sa pagkakataong ito mas relaks kami ng kaunti

Pag baba namin inilabas at sinuot ko ang aking brown long coat na leather.

Isinuot ko rin ang sombrero at medical face mask.

Tig isang guwantes bawat kamay

"oh wala pa tayong nakukuha SABOG ka na!" kantsaw ni Piso.

ang sugarol sa lima.

Piso ang tawag sa kanya dahil

kahit pinaka huling kusing na hawak niya

itataya niya sa sugal.

Tinignan ko lahat ng miyembro

tinago ni Malik sa palad niya ang face mask.

Alam kong nahiya siya

baka pagtawanan din sya.

Alam ko yung dalawa kong ka-grupo meron din pero nakatago sa bulsa.

Actually, sinabihan ko rin ang grupo ni Jigs

pero lahat sila hindi nakinig kahit lahat umoo.

"diba sabi ko may sumpa? Hindi nila dapat makita ang mukha natin!"

Nilampsan lang ako nila Tano at Mamuro

Napayuko si Malik na dumaan sa harap ko

Kahit ako hindi naniniwala sa mga kasabihan 

at kung ano ano pang paniniwala ng mga matatanda

Pero pinanghawakan ko lahat ng mga sinabi ni lola 

at tsaka walang namang mawawala para din naman

'to sa seguridad namin.