Padilim na ng padilim
Namatay ang isang kandila sa altar,pangalawa,pangatlo,pang apat
at panglima .Isa na lang ang natira yung pang anim.
Tumakbo pababa sila Mitch at Lauren dala ang nag-iisang flashlight
"Tayo na lang" yaya ko kay JZ na umakyat
"teka!"paghahabol ni Jam kila Mitch
"pare dina tayo makakatuloy niyan bababa kami para kumuha ng ilaw"
"Sigeh" kinuha ko ang nag-iisang may sinding kandila sa altar.
Humabol na sila JZ at Jam kila Mitch pababa.
"tara na" tumuloy na kami sa panglimang hagdan.
May kakaibang dilim sa lugar na ito
parang mabubulag ka sa sobrang dilim.
Kakapain mo na lang ng sapatos ang baitang ng hagdan para makaakyat pa.
Tanging kamay lang ang makikita dahil sa tama ng kandila.
Dinadaga na ang aking mga kasama
Halos dumikit na ang katawan ni Malik sa akin
Natatakot na sila habang nasa kalagitnaan kami ng panglimang hagdan
Nagsisiksikan kaming tatlo sa baitang ng hagdan
sabay sabay kami ng hakbang
kahit na isa't kalahating tao lang talaga ang kasyang magsabay dito.
Ayokong aminin pero natatakot na din ako
paano kung mamatay bigla ang kandilang hawak ko?
"Pano kung mamatay yung kandila?" nangangambang tanong
Siniko ko si Malik "wag kang magulo... Walang magsasalita simula
ngayon baka mapatay ng hininga natin ang kandila."
Ano ngang mangyayari sa amin pag namatay to?
Mawawala na lang kami sa dilim?
Bakit parang humahaba ang hagdan?
Habang pataas kami ay mas humahaba ang hagdan
Pagkatapos ng panglimang hagdan ay nasa palapag na kami
Naubos ang lakas naming tatlo
Namamanhid na sa pagod ang aking mga paa
Alam ko na ganun din sila.
Nag-uusap na lang kami mata sa mata
Habang tumataas kami napansin ko din na pasikip ng pasikip.
Walang pinto sa kanan wala din sa kaliwa
May altar uli at anim na kandila
"Anim ulit?" bulong ni Mamuro
Bloody Mary,Emily Rose,Dracula,I can see dead people. Ano ba 'tong naiisip ko?
"6" tugon ko
"6" tugon ni Mamuro
"si" tinakpan ko ang bibig ni Malik
Wala namang hangin pero parang hinihihipan
ang apoy ng aking kandila
Sumasayaw ito papunta sa kanan at kaliwa
parang kumukurap kurap ang liwanag ng apoy.
Nakalabas na ng torre sina JZ
kaya nagtaka si Albert
"Prof , hindi na talaga namin kayang umakyat"
Hinihingal at pawis na pawis sina JZ,Jam,Mitch at Lauren
Magkayakap ang dalawang babae
Nakabukas pa ang bibig ni Mitch para maghabol ng hininga
"Asan yung tropa ko?" tanong ni Tano
"Bumili ka daw ng posporo sabi ni Micheal Jackson" utos ni JZ
"Aakyat ako"
"Wala ng ilaw yung mga kasama mo kandila na lang ang hawak nila"
Nagkatinginan si Albert at si JZ
"Andun sa Gate may nagtitinda" turo ni Albert
Namatay ang aking kandila
Buti na lang at may anim na kandila sa altar para magbigay ng liwanag
"Tutuloy pa ba tayo?"
"Muro,papa-operahan yung nanay ni Tano"
Nagkakatinginan na .
Nagkakatimbangan na.
"Bumaba ka na......ikaw din Malik"
Hinugot ko ang isa sa mga nakatirik na kandila
at saka inabot kay Mamuro
"Sige na........Sabihin mo kay Tano dalahan ako ng ilaw"
Hindi ako iniwan ni Malik
Parang bumigat ang loob ko sa pagkadismya
at pasasalamat na mayrong tao na hindi aalis sa tabi ko
yung taong duwag pa.
Hindi nya ako ipinagpalit sa karupokan ng loob niya.
Ganun ang timbang ko sa kanya.
BINABASA MO ANG
Two Nights (Nervous)
Mystery / ThrillerGusto mong malaman Kung paano binawi ng gabi ang aking hangin?........ Hindi ko nalarawan na magtatapos ako sa isang dalampasigan kasama ang isang napakalamig na katawan
