He Robbed My heart (editing)

Chapter 43

Multimedia Available:

I'll say GOODBYE for the two of us....

“Cham patawarin mo ako. Hindi ko kaya mawala ka sa akin.” Nanlulumong sabi ni Ellsworth, basang-basa na ang mukha ni Cham sa sobrang daming luha na tumutulo sa mga mata nito. Tulala pa din ito at walang kibo.

“Sana naisip mo na malaking kalokohan ang ginawa mo kay Cham, sa tingin mo matutuwa siya sa ginawa mo?” singit ni Rico, sinamaan naman ng tingin ni Ellsworth si Rico.

“Hindi ko kailangan ng opinion mo Rico.” Matigas na sagot niya.

“Hindi ko pa rin maintindihan paano mo naatim na makasama ako ng halos dalawang taon at hindi mo man lang sa akin ito nasabi pinagmukha mo akong tanga.” Muling nagsalita si Cham pero parang walang buhay ang boses nito. Napakalamig ng tono nito.

“Dahil ayaw kitang mawala Cham, mahal na mahal kita. Siguro naman naramdaman mo yun diba?” pinipilit ni Ellsworth na maging malakas kahit unti-unti na siyang nawawalan ng lakas.

“Naging totoo ako sayo, minahal kita ng tapat binigay ko ang buong pagkatao ko at puso ko pero sa ginawa mo sa akin sana pala pinatay mo na lang ako noon….” Umagos na naman ang mga luha ni Cham parang may sariling buhay na ang mga mata niya hindi na ito mapigilan.

“Dahil daig ko pa ang pinatay ng paulit-ulit ngayon Ellsworth” napaupo na ng tuluyan si Cham sa sahig wala ng mga lakas ang tuhod niya manhid na din ang mga kalamnan niya sa paa sa tagal ng pagkakaluhod.

Muling tumarak ang isang napakahapdi na pakiramdam sa puso ni Ellsworth. Hindi niya alam paano lulusutan ang problema na ito. Mawala na lahat gagawin niya lang wag lang mawala si Cham sa buhay niya.

Madami man kasinungalingan siyang nagawa kay Cham pero totoo talagang minahal niya ito, pagmamahal na ngayon niya lang talaga naramdaman.

Ang mali lang ay nabuhay siya sa piling ni Cham na puno ng kasinungalingan.

“Lahat gagawin ko patawarin mo lang ako baby.” Pagsusumamo ni Ellsworth.

Umalis si Rico saglit at naiwan ang dalawa, walang imik pa din si Cham. Lahat ng sinasabi kasi ni Ellsworth ay hindi na niya maintindihan para buong katawan niya ang sistema niya ay namamanhid ngayon sa sobrang sakit.. Sakit na hindi niya alam ano ang magiging gamot.

Sumandal si Cham sa pader para makakuha ng lakas madami pa siyang gustong sabihin pero ayaw lumabas nito sa lalamunan niya.

“Cham look at me please.” Utos ni Ellsworth, wala naman siyang nakitang reaksyon mula sa dalaga.

“Masama ang loob ko, sobrang sama ng loob ko talaga ng mamatay ang nagiisang kapatid ko.” Panimula niya.

“Ang mali ko lang hindi ako nag-isip nilamon ako ng kagustuhan kong makaganti, wala akong inisip kundi ang makaganti at maging pantay ang sakit na nararamdaman ko para sa taong gumawa non sa kapatid ko. Mahal na mahal ko yung kapatid ko na yun na tipong… Handa ako pumatay ng mga panahon na iyon.” Kwento nito.

Pero si Cham hindi maganda ang dating nito sa kanya dahil muling bumalik ang alaala niya dito ang panahon na bugbog-sarado siya dito at walang awa kung saktan.

“Plinano ko lahat ng magiging hakbang ko, may nakapasok na writer sa Alban publishing ako ang may utos noon lahat” natatawa si Ellsworth na kasabay nito ang malungkot na mukha. Pakiramdam niya ay mababaliw na siya.

“Ang writer na yun ang puno’t dulo ng pagkasira ng Alban publishing. Pati si Congressman ako din ang may gawa noon malayong pinsan ko siya.” Patuloy na kwento ni Ellsworth.