#مئةجلدة2
Shahd Alsalman
اسمي غزل عمري 21 سنة طالبة مرحلة ثالثة عندي اخت وحدة اكبر مني ومتزوجة واحد بالخارجية من معارف بابا ومسافرة
عايشة ويا بابا وماما حياتنا شبه مملة لان وحدي وماكو احد من عمري من جنت اروح بيت جدو كلش افرح لان عمامي وعماتي وولدهم وبناتهم واتونس كلش
ابويا تاجر وكلش امورة المادية زينة وتقريبا احنا اكثر عائلة غنية بين عمامي وعماتي
امي ربة بيت ومخلصة كلية بس ما حبت تتعين او تشتغل بحكم وضع بابا المرتاح
كل مرة نسافر دولة شكل ونطلع واني ما اخلي شي بنفسي حتى مراكز تجميل اروح اي شي يفتح جديد اروحلة واخذ امي وياية او صديقاتي
مثل مجانو يسموني ضحكة الشلة لان دائما سوالفي حلوة واضحك واونسهم من اغيب عنهم يضوجون حتى نوم ما اعرف انام يظلون يراسلوني او يدكولي
حياتي عبارة عن دراسة سفر محلاات مطاعم بيت جدي يعني اشوفها حياة روتينية ومملة برغم غيري يتمنى ربع العندي بس يمكن لان ما انحرمت فما احس بيها
شكلي جذاب وحلو كلش ومو ممحجبة كل يوم ستايل شعر جديد بس ما اصبغة لان لونة حلو يميل للشكار بس اغير الكصة او التسريحة
هواي صارحوني ورادو انطيهم مجال بس مو هم اللي اكدر ارتبط بيهم ويجون خطابة وما اقبل بعدني ادرس شعندي من هسة بالزواج والمسؤولية
جنت مخلية ببالي اتزوج عن حب واللي احبة انطي كل شي لان هو حينطيني كل شي
يعني احلام اي بنية تحب وتنحب بس اني عن نفسي لازم احب بمواصفات مثلا حالتة المادية زينة شكلة حلو ومخلص كلية بيتة بمنطقة راقية سيارة وسفر واذا جان مستواه اعلى من مستوانا هاي من الزينات واذا عندة املاك بعد احسن
وهالمواصفات كلها امي حطتها الي حتى لا اروح زايد ولا احب اي احد اقل من هالمواصفات باعتبار اني حلوة واهلي طاكين وهمين حتى تكسر عيون عماتي وعمامي اللي رادوني ومقبلت هي بيهم بحجة انه ما راح ارتاح وياهم
حتى من يسألوها او يعرفون بخطبتي تلصم حلوكهم وتكلهم هاي بنتي زوجتها لفلان واحد
هي متحبهم ودائما خلاف بابا وماما على هذا الموضوع عدها نظرة تعالي ومرات اسمع انه هم يضوجون منها برغم وكفاتها الحلوة وياهم ومتقصر بس عدها اسلوب كلش جارح ولانه مسيطرةبشكل موطبيعي حتى مرات استحي من ولد عمومتي من تجاوبهم بطريقة محلوة
او من تفشل عماتي او عمامي
هي تتخيل المال والفلوس هم سبب سعادة اي انسان ومن تحتاجين لشي الفلوس تحل كل شي
مو مادية بس تحب تعيش مرتاحة
لهذا بسبب تفكيرها والمواصفات اللي ببالهة اتخليت عن حبي لابن عمي ما اريد اتعذب وتصير مشاكل بسبب رفضها وهي حتى على بابا مسيطرة شتكول هو اليمشي ودائما تكول محد يعرف مصلحتة ومتفتهمون شي
عندي 5 عمام و4 عمات كلش احبهم ويحبوني
واحد من عمامي متوفي واحب بناتة ومرتة كلش ناس يخبلون برغم كل شي مرو بي بس عدهم عزة نفس مو طبيعية
وهو ابنهم حب طفولتي اللي مكدرت اكولة احبك ابد و عفتة حتى لا اضوج امي لان اخاف منها بصراحة لا تاذي بشي او تجرحهم بحجاية
فتحت عيني على حبة دائما اراقبة من بعيد واضوج من بنات خالة او خالتة وقريب مني دائما والكل ببيت جدو جانو يحبون جمعتنا ويتمنون نتزوج حتى بنات عمتي يكولولي يحبج بس مكالي شي هو و لا اني كتلة
كبرنا وكل واحد بينا التهى بحياتة خفت مشاعر الاندفاع بس بقى حبة بداخلي
هو طيب كلش وصاحب مسؤولية ربى خواتة و ما كمل دراستة علمودهم حتى يعيشهم
جنت احب هيج نوعية يصيرون رياجيل من هم وصغار واي احد يكدر يعتمد عليهم وهو هذا اللي حببني بي و خلاني اتمناه رجال الي برغم معارضة امي لان ما بي اي شي من البالها
ولان اتقدم مرة رفضتة و خلت بابا هم يرفضة ويرجعلهم جواب انه بعدني صغيرة
والحجة كالعادة انه ما اعيش سعيدة واحنا نختلف عنهم
واني بالعكس بسيطة كلش برغم طباتي وطلعاتي ولبسي بس اكدر اعيش بأي وضع وقنوعة كل الاريدة حب ورجال انتجي علي بوكت الشدة ما يتركني
بس منو يسمع هالحجي او يفهمة اذا كلتة امي تضحك وتستهزأ بية وتكلي هذا حجي افلام وارجعي للواقع وشوفي فلان وعلان وووو حجيها ميخلص
احبها لامي بس مرات هواية منتوالم بطريقة تفكيرنا ...
