#مئةجلدة18
Shahd Alsalman
خليت اهلي يشكون بية انه اني عندي علاقة بواحد بس مديلزمون شي علية بابا ديحس بس ماكو شي دز محمد يلاحكني ويشوفني شدا اسوي عرفت بي ملاحكني واتفقت ويا امير انه استدرج محمد للشقة ويشوفني بوضع مو زين اعرف بأمير مراح يباوع علية
واجة وراية ودخلت نزعت هدومي بقبت بشي بسيط ولفيت نفسي بجرجف ونزلت شعري على جتفي
دقايق واتكسر الباب من الدك كتلة هذا هو كام هو هم و جان باقي بس بالشورت ولاف نفسة بمنشفة جبيرة
من فتح الباب كبل دفع امير ودخل علية للغرفة مصدوم والنار تطلع من عيونة وراح على امير واني سويت نفسي ابجي وسادة حلكي ولازمة الجرجف كانو فعلا صاير شي
اتعاركو هو وامير واحد تضارب ويا الثاني وطارق جان موجود همين ضرب محمد بس اني انقهرت جبت اخويا الهم لكن هو يستاهل على اللي سواه
لوما امير ابن ناس و يخاف على عرضة جان ممكن يسويها بيه ويردها الية عقاب لاهلي وجان هم يكدر يكتل اخويا
رحت لبست هدومي وطلعت لكيتهم شادين محمد بالكرسي ومدمى وهم هم متاذين ويصيح علية ويسب بية وكلما يسبني كلما طارق او امير يضربة بوكس او راشدي
- ضوك محمد من السويتة بالناس
- لج ساقطة بشنو قصرنا وياج
- انجب لك انت الساقط والسافل اشرف منك هي بنية و صغيرة بس عدها عقل وكلب وانسانة مو مثلك حيوان
- انتو منو
تقربت منة مياسة و حطت عينها بعينة
-يا اخويا ويا سندي هذا ابن عم و زوج غزل الاخذت منها شرفها وشمرتها وما فكرت بعرضك
وهذا اليمة صديقة اللي اعتبر مرتة اختة وشرفة وراد ينتقم الة منك
- شسويتو باختي يا انذاااال
- هه تحجي بالنذالة لك هاي الكدامك مرة تسواك وتسوة عشرة منك ومو عشرة لا والله مية منك
- لج احجي اخذوج
- اي اخذني امير و بعدها طارق و لا عبالك اروح للمدرسة وارجع لا جنت اطلع ويا الولد اللي يتحارشون بالبنات و بأرادتي
كام يبجي ويصيح واني وطارق واكفين مصدومين من هالبنية شكد محملة وشايلة علي وشكد كلبها صافي وتخاف الله وذكية حيل انتقمت النا والها
جنا احنا نصور كل الاحداث لان ردت اشوفها لغزل هذا الشي ولو هي متستاهل بس ردتها تشوفة
- اني طالعة وراجعة لبيتنا واذا كلت لبابا اي شي يخصني صوري وفديواتي امير وطارق ينشروها
- لكم الا اوديكم ورة الشمس الا انعل ابهاتكم
كامو يضربو حيل متحملت وطلعت ابجي من الشقة كعدت ع الدرج ابجي لكيت طارق جاي وراية كمت دا اروح وكفني
- مياسة ما اعرف شلون اشكرج على هالوكفة
- طارق على كيفكم وياه هذا اخويا
- كافي تبجين اعرف صعبة بس امير شاف الويل مراح يصيرلة شي من كتلة
- من رخصتك
راحت واخذت روحي وياها يمكن حبيتها بس شلون واخوها مأذي اخويا وصديق عمري الله يسهللها
رجعت للشقة لان امير حيكتلة خلاص لمحمد
سحبتة منة وكتلة اهدى فرغ كل شي بي وذاك انتهى
كتلة كوم بدل دناخذة لمكان راح بدل وجان لازم ياخذ درس ع السواه مو بس هيج حتى كلما يباوع للاثر يتذكر و ما يسوي شي
اخذتة لمكان شوي بعيد عن المركز وهو جان فاقد من وصلنا صحى بس ما بي حيل يسوي شي يحجي بثكل وين ماخذيني وامير يكفخ بي
شدينا على شجرة وكتلة لامير انتظرني لان هو ميعرف باللي اريد اسوي رحت جبت السوط وجيت
وهو يباوع علية بخوف وعيونة حايرة وما يكدر يسوي اي شي لان مربطي كمت افتر داير مدايرة واحجي وؤا امير
- امير فد سؤال خويي
- اي كول
- اكو اية بالقران تكول " النَّفْسَ بِالنَّفْسِ وَالْعَيْنَ بِالْعَيْنِ وَالْأَنفَ بِالْأَنفِ وَالْأُذُنَ بِالْأُذُنِ و ... "
- " وَالسِّنَّ بِالسِّنِّ وَالْجُرُوحَ قِصَاصٌ ۚ "
- صدق الله العظيم وبعد الثانية تكول " الزَّانِيَةُ وَالزَّانِي فَاجْلِدُوا كُلَّ وَاحِدٍ مِّنْهُمَا ... "
- " مِائَةَ جَلْدَةٍ "
- احسنت
الك حيل على 100 لو نقسمهم بيناتنا ؟
- لو تكلي الف هم ما اكول لا
- الله يخليكم لا والله ما اعيدها ابوس رجلكم الله يخليك امير لا تسويها
- هههههههههه باوع شون يتوسل
- ليش سويت هيج بيها
- هي انطتني نفسها مو اني معلية
ضربة طارق باول جلدة كام يصيح و يون
- احجي ليش
- اااااخ اني حقير استغليتها
- جانت تقاومك لو لا
- لا
وهم رجع ضربة
- اااااخ اي اي تقاومني
- ندمان
- ساعة السودة من عرفتها وهيج سويت
وهم انضرب مرة ثالثة
- عندك منا لحد عكب باجر ترتب وضعك وتطلع من العراق ما اشوفك هنا ولا اشم خبر انت جاي وين متولي ولي
- وين اروح ابويا ميخليني
- ههههههههههه لك انت صدك زعطوط
اختار لعد يا تنكتل و ندفنك هنا يا تولي وين ما جان
- اطلع اطلع بس هدوني الله يخليك
- لا تلعب ويانة عدنا بكل مكان ناس تطلع وبدون رجعة افتهمت
- اي افتهمت هدوني
- هاك خوية العب شوية وياه داس فد 10 جلدات
وبديت اضربة وهو انتهى من الوجع والونة اخذة طارق من ايدي وفكيناه وكع بالكاع ودنروح اندار علي طارق كالة اختك اشرف منك و مسوينالها شي احنا مو حيوانات و عدنا عرض ونخاف علي
واذا اذيتها او وصل خبر محاجيها ما تلوم الا نفسك واعتقد شفت شوية من خبالنا مو
هز راسة ويصيح من الوجع عفنا ورحنا للشقة لمينا الهدوم والكامرة ورجعنا لبيت عمتة بعد يومين تأكدنا منة طلع وسافر بس وجهة صار خريطة من الكتل ويمشي كوة والخوف بين عيونة
شفت طارق يتصفن ومحتار بطريق الرجعة سالتة
- طارق
- ها عيني
- شبيك مو على بعضك
- ما بية شي
- شون ما بيك وين بالك
- والله ماكو هيج حسبة ببالي
- مياسة
- شبيها
- انت كلي شبيها حبيتها ؟
- لا لا يا حبيتها
- ههههه طارق انت حبيتها عبالك اني ما افتهم
- خويا ما ترهملي اخوها اذاكم واذاك شون ترهم بعد
- يا طارق " ولا تزر وازرة وزر اخرى " هي شنو ذنبها اخوها نذل بس هي تستاهل كل خير وانت الخير
- انت هيج تشوف
- طبعا اتوكل بالله واخطبها خلي عمتك تحاجي اهلها واخذ الحجية وروحو
- لا مترهم ما اكدر
- ليش تعاند الحب نارة تحرك لا تخسرها متلكى مثلها
- وانت ؟
- شعليك مني ولك ههههههه
- اقصد شحتسوي ويا غزل
- حتركها
- تطلكها !
- اي
- لا تستعجل بقرارك انت شفت بعينك شكد ملعب حقها تنغر بي واكيد مجانت تريد كل هذا يصير كل اللي صار غلطة
- غلطة الشاطر بالف وهي زادت الغلط باغلاط استغلتني فوك عملتها وفوك كل هذا تكذب وتكول احبك
- وليش تكذب لوما تحبك ما تلجأ الك ولوما واثقة منك متفكر اول واحد يحل مشكلتها غيرك تكدر تروح لاهلها مو الك
- ميفيد هالحجي طارق مكمت اعرف الصح من الغلط او الصدك من الجذب هي من الاول ما مقسومتلي من جنت اخطبها و يصير رفض وهسة اتاكدت من هالموضوع
- امير
- طارق خويا لا تهيج الجروح سد هالموضوع كلمن يروح يشوف طريقة وهاهية خلص
- على راحتك
