#مئةجلدة22
Shahd Alsalman
عيني على بنتة ردت اشوفها هم تشبهة بس اكيد تشبه امها لان ماكو شي منة بيها
- هلو امير
- حمدلله ع السلامة
- شكرا الله يسلمك
- شوكت اجيتي
- بارحة جيت
- هذا ابن ريمة مو
- اي ايهم
شالة وبوسة و لعب وياه شوية
- كلكم جيتو مو
- اي عدنا عطلة ونزلنا
- امشي نروح نشوفهم
- لا كمل اشتريلها و بعدين تعال
- اي والله لان خبصتني
هسة اجيكم
رحت اني قبلة وكتلها لريم راح ارجع قبل لا يجي وشافتني مقهورة وحطك كالتلي روحي اني اغطي غيابج حتى ما سلمت عليهم
رجعت للبيت اول مفتت متت بجي عبالك روحي تنسحب مني ليش امير هيج سويت اقرة بعيونك انت وتسلم فرح بشوفتي بس من جنت يمك حتى مجنت تباوعلي كتلهم ما اطلع وياهم ولا اروح ولا اجي لهنا اصلا صوجي اجيت وشفت هالشوفة صدك ردت الموت هسة حضنت المخدة وبجيت بكل حركة ونمت
كعدت ورة ساعة جانو بعدهم مجاين دزتلي رسالة ريمة راح نبقى للعشا سديت التلفون ورحت سبحت كلت بلكي اتنشط كملت وفرشت السجادة صليت قريت قران
بقيت احجي ويا رب العالمين اني وكاعدة هو يسمعني ويفهمني كل يوم اطلب منة يسامحني ويغفرلي تعبت واني اتعذب اعرف استاهل بس تعبت و كل يوم اوعدة ما اسوي اي شي يكرهة او اعصي اتربيت واتعلمت من غلطة اني نفسي مجنت مقتنعة بيها بس سويتها
اتمنيت من الله ما انحرم من حياتي واكضيها تكفير عن ذنبي اني تبت وتعلمت واعرف هو رحيم ومراح يعذبني بس مل شي والة ثمن واني مؤمنة بهذا الشي وراضية بس حيلي انهد من بعد ما شفت امير وبنتة
فكرت احرك كل المفكرات ماكو شي يسوة بعد هو وراح واختار حياتة وطريقة اني ليش دا اتعلق اكثر هم حرام علية احرمة من حقة الطبيعي
هو يحتاج لعائلة ومرة وبيت واصلا يستاهل يعيش مرتاح
وهذا الجنت اتمناه الة فماكو داعي هسة انقهر هيج
يمكن اني مقهورة على حالي و على املي اللي خاب انتظرتة هواية و هذا اللي صار
تاخرو اهلي واني انتظرهم من حسيت بيهم اجوي سويت نفسي نايمة مالي خلك احجي ويا اي احد و اعرف حيكلولي ليش رحتي ويظلون استجواب فقررت انام احسن شي حسيت الباب انفتحت غمضت عيوني ما اعرف امي او ريمة باستني على راسي وطلعت وهم رجعت انفجرت بالبجي لحد ما غفيت من صدك
كعدت الصبح جانو نايمين كلت خل احضرلهم ريوك كمت طلعت الاكل من الثلاجة وبديت اسلك واكلي واحضر السفرة وبالي كلة يم امير اجة ايهم علية ركض وشلتة بوستة وهو فطير بس يتمضحك
بعدين كعدو اهلي محد فتح اي سيرة ع البارحة والحمدلله همزين هيج صار و محجو مو ناقصة راسي يملخني من كدما بجيت
كملنا اكل لمينا السفرة اني وريمة واسامة كال مشتهي كهوة من ايدج حسبت حساب الكل ودا اسوي وريمة تغسل المواعين صافنة اني وافكر وريمة كطعت افكاري
- غزول
- ها حبي
- شبيج
- ما بية
- ادري بيج مجنتي نايمة البارحة
- لا نمت
- خوش لعد نوم العوافي
- تضايقتي من شوفتة ؟
- ريمة فدوة لعينج سدي هالموضوع عفية مالي خلك
- هههههههههههه
- شبيج
- لج يمكن انت عبالج هاي الجاهلة الوياه بنتة مو
- لعد منو هو انت مثل مكلتي عاش حياتة
- هههههههههههه خرب يومج
- ايييي ريمة شبيج بس تضحكين
- ترة مو بنتة وممتزوج
- شنوووو
- باع الضحكة شون كيفت هههههههه
- منو لعد دحجي عليج الله
- بنت صديقة وديشتريلها لان جانت تبجي
- كولي والله
- والله وداعتج حتى بيت جدي يعرفوها ويسموها غزل الصغيرة
- ها صدك
- اي بعدين هو راح جاب خالة ولجين فكعدنا نسولف اني وياها وحجتلي
- شحجتلج
- ودي الكهوة وجيبي مالتي ومالتج بالغرفة ونسولف
- خوش
- على كيفج لا تنطش هههههههه
- اييي والله ما اتحمل بعد
رحت وديت الكهوة وكعدنا بالغرفة اني وريمة ودتحجيلي
- اي يلة كولي
- باعي هذا طارق صديقة متزوج صديقة لجين بالكلية وهاي بنتة وامير اللي سماها غزل
- يمة فدوة
- اي والله و ما خطب ولا تزوج ولا شي ملتهي بشغلة تكول وسعة والحمدلله هسة وضعهم احسن
- امممم صحيح شفت سيارتة جديدة وحلوة ما شاء الله
- اي ولجين انخطبت وحتى كالت علمودكم حقدم حفلة المهر حتى نلتم
- ياا حبيبتي فدوة والله مشتاقتلها
- وهي وخالة مشتاقيلج وهواية سالو عليج كتلهم راحت تشوف صديقاتها ومتدري بيكم تجون ولو هم يدرون بالوضع بس يعني بررتلهم
- اي وبعد
- دكافي شنو الشرقية اني
- ههههههههه تدرين شكد فرحانة اني الله يفرح كلبج يا رب
- حبيبتي وانت همين
- زين مسال عني
- اي من فات كال وينها غزل
- كتلة طلعت من اجيت انت
- ياااا ليش هيج
- احسن خل يولي الا املص اذانة
- لا عفية ريمة خاف زعل
- لا ميزعل كافي عاد
لا تبوزين هذا الصار
- اممم اوكي
كمنا رحنا يمهم امي صاحتنا وكعدنا ندردش ونسولف
