#مئةجلدة6
Shahd Alsalman
رحت وياه وكعدنا بالكافتريا جاب اكل واجة وبقيت ساكتة صحيح اني رفضتة بس اكو شي يجذبني الة
ما اعرف شنو هو او يمكن لان اريد اجرب هالشعور ما ادري
- شو متاكلين
- دا اكل
- غزل باوعي صحيح اني اريدج زواج وناوي نرتبط لان هم عندي اخت واخاف عليها
بس لازم نتعرف واحد ع اللاخ اريدج تعرفين طبعي واعرف طبعج احب كلش تكون زوجتي متفاهمة وياية واخذها وتاخذني عن حب
- اي
- ولهذا اول مشفتج اخذتي تفكيري ومن سالت عليج عجبتيني اكثر نادر واحد يلكى بنوتة بهيج اخلاق و براءة
- شكرا
- هذي حقيقة ولازم واحد يشكر الله انه صارت وتصادفنا بهذاك اليوم
- بس اني ما اريد علاقة طويلة وبعدها الكى الكل تحجي بية وعلية انت تعرف مجمتع الكلية هاي كعدتي وياك بيها شبهة الي وحتى الك
- صحيح وياج بس انطيني فرصة وشيلي الحضر ونسولف كل يوم وكل فترة اجي لهنا واشوفج وان شاء الله يكون بيناتنا تفاهم واتمنى يكون حب
- الله كريم
كملنا وكمنا واني هم رجعت للبيت فرحانة وخابرتها لنورة وحجيتلها الصار وهي هم كيفت كلش
كلت اشيل الحضر بس مو هسة خلي يعدي يوم حتى لا يكول هاي مصدكت
رحت نمت واني افكر اول مرة انطي مجال لاحد فرحانة بهاي الاحاسيس الجديدة حلوة كلش
وبعد يومين شلت الحضر عنة واول مشلتة دزلي رسالة
- دتشيلين حضر لو صبات ههههه
- اممم جنت مشغولة
- وشنو شاغلج
- يعني دراسة وامتحان
- موفقة
- شكرا
- شلونة يومج
- الحمدلله
- خليني اعرفج علية اوكي ؟
- ماشي
- عمري 26 سنة اني الاخ قبل الاخير عندي اخت اصغر مني و3 اخوان واخت جبيرة متزوجين
جنا عايشين هنا ببغداد بس بعد وفاة اخويا بانفجار
تعبت والدتي و كلنا ننتقل لاربيل شوية تأخرت بدراستي بسبب هاي الاحداث وهسة اني مرحلة ثالثة والدي يشتغل بالعقارات وحالتنا المادية كلش زينة عندي 3 عمات ما عندي عمام وعدنا خوال بس شوية علاقتنا مو شي
- الله يرحم اخوك
- ويرحم موتاج وانت احجيلي عنج
وكعدت احجيلة عني بس مو كل شي وظلينا تقريبا 4 ساعات متواصلة ولا ملينا من الحجي
اصلا حتى ما انتبهنا على الوقت
شوية شوية بديت اتعود علي وهو همين نفس الشي
نصبح سوة وكل يوم هو يسبقني بالرسالة ونتخابر اثناء اليوم ونام سوة نظل سهرانين نحجي بكل شي خلصت السنة احنا اصلا جنا بنهايتها واستلمت النتيجة ناجحة و هو بعدة ممستلمها
جما متفقين يجي يخطبني بعد ما يستلم النتيحة ونتزوج ورة منكمل الرابع وكالي كولي لامج وابوج
مكلت لامي وطبعا هي حتكيف من تشوفة بهيج مواصفات بس كلت خل تطلع النتائج يالا
صحيح اني فرحانة بي و هو وياية دائما وكلش مهتم بية بس ما اعرف ليش اكو خوف بداخلي يمكن لانه اول مرة اضم شي عن اهلي
اكثر شي جان يضوجني بمحمد هو ردة للبنات ع الفيس ومرات الكى تعليقات يتغزل ببنات او صورة ممثلة اني كلش اغار وغيرتي توصلني لمرحلة انهار بيها ما اتحمل
كم مرة تعاركنا ووصلت انه نترك بس هو جان يجي ويتوسل و يحلفلي انه ماكو شي مجرد حجي يعني وعادي واغلس لان احبة ولان ما اتخيل حياتي بدونة كلش تعلقت بي وحبيت اهتمامة بية والاهم انه راح يعجب ماما
اجتي النتيجة وجنت انتظر بفارغ الصبر الخبر اليفرحني حتى اكول لاهلي علي ويجي يخطبني وارتاح من الخوف البداخلي
بس الي خفت منة صار وهو طلع راسب ومعناها راح اتخرج قبلة واكيد حننتظر لحد ميتخرج لان مستحيل امي تقبل بطالب وهو همين اهلة اكيد ميقبلون يزوجو برغم هو حجة لامة عني وكالي هي حابتج
وفعلا هو هذا الصار ما يكدر يمتحن دور ثاني عاد السنة
مرت على علاقتنا تقريبا 6 شهور بس المشكلة اكو شغلات دتتغير وامور ما ارتاحلها مثلا كام يطلب مني صور محلوة او يدزلي هو صور يكول اتخيلج هيج بليلة عرسنا
جنت اضوج واخاف بس هو يكلي انت مرتي من شنو تخافين هو اول وتالي حيصير هيج
فجنت اهدى واسكت الى ان بيوم فاجأني بطلب جنا نحجي ع التلفون
- زوزة
- ها حبيبي
- تحبيني
- احبك هواية
- يعني اذا اطلب منج شي متخجليني
- اي
- اممم
- شنو حبيبي كول
- اريد نطلع سوة
- وين يعني
- هيج نفتر بأي مكان وبالسيارة منطول كلش مشتاقلج
- بس
- انت مو كتيلي ما اخجلك
- ههههه ماشي انتظرك
- يلة حياتي جايج
طلعنا ورحنا لحديقة افترينا بيها شوية وجان الطلب هو انه يبوسني
- حبيبي بس بوسة وحدة
- لا محمد عفية وخر عني مناك الناس
- شعلينا بيهم احنا هنا محد يشوفنا
- محمممم ...
وباسني وحضني حاولت اوخرة جلب بية اكثر واني مرعوبة واباوع منا ومنا لا احد يشوفنا وهو مغمض ومستمتع بهالبوسة عكسي بعد متحملت ودفعتة
- انت شسويت تخبلت
- يااالله على هالبوسة
- اني صوجي طلعت وياك وخر
- غزولتي حبيبي شبيج والله متحملت مشتاقلج
- لعد جنت تكدر تنجح وتخطبني ونصير سوة شفت شسويت بينا هسة حلو هيج ؟
- خلص لا تخلينا نضوج اني هسة بغير عالم طعم شفتج عسل
كمت اريد اعوفة واروح معدتي وجعتني واحس اريد بس ابجي جرني لعندة ومقبل اروح الا اسامحة ورجعني للكلية كل الطريق لازم ايدي واني بغير عالم السويتة غلط واني ممقتنعة بس سويتة وصار ..
