#مئةجلدة15
Shahd Alsalman
- امير اني
- اي !!
نرجع بالاحداث شوية لورة ..
_____________
بعدما صالحتة وبشرني انه بعد 6 ايام يجون اهلي ونخطب كالي ..
- ههههه اي بس الصلحة ترة بيها شروط
- وشنو شروطك سيد محمد ههههه
- تعالي وياية
- وين
اخذني جوة بالصالة وكعد يمي لزم ايدية وكالي احبج وباسهم اتقرب ديبوسني ووخرت منة
- حبيبي انت مرتي بعد ليش خايفة
- بس بعدنا مخطبنا
- ميخالف هاي كلهن كم يوم ونتجمع سوة ونصير لبعض
- محمد تحبني
- والله احبج خليني ابوسج مشتاقلج
باسني و زاد اكثر اني بقيت ساكتة ما اسوي اي شي فرحانة انه حيكون زوجي ومتونسة ودا اتخيل هالشي اللي ديصير هسة بليلة عرشنا نسوي
فجأة وكف وسحبني من ايدي للغرفة
- وين رايح بية
- للغرفة
- لا محمد خلص هيج يكفي
- مراح اسويلج شي بس عاجبني انام يمج بحضنج
- اكيد
- اي اكيد حبيبي
رحنا للغرفة ونمنا ع الفراش بقى بحضني بس ديحاول يبوسني واني ما اعرف بين الخايفة بين المستحية كام ينزع
- شدسوي؟
- ديضايقني القميص انت هم انزعي
- لا اني مرتاحة خليني اروح
- وين تروحين مني اليوم
بلش يضحكني ويدغدغني لحد ما بقيت وياه هيج بدون هدوم حاولت انهزم منة او ابعدة عني بس مكدرت اقاومة كلامة بأذني لهسة ولمساتة والحب الحسيتة وياه كل شي لهسة اتذكرة
استسلمت الة ونطيتة نفسي بالاول كالي مراح اتقرب اكثر بعدها ما اتحمل هو وصار اللي صار
وخسرت اعز شي املكة هو كمل وارتاح وغفة واني بقيت الم بهدومي واستر نفسي باي شي وابجي
معقولة اني هيج غاب عقلي عني وانطيتة نفسي بسهولة
رجعت تمددت ع السرير يمة وابجي حيل هو حس علية وظل يهدي بية ويكلي حنخطب ونتزوج وانت جنت تخبلين وتونس وياية وحجي مصفط كلى بس كلبي ممرود ومعصور ما اعرف شسوي وين انطي وجهي وشراح اكول لاهلي من توتري والله حسيت نفسي حامل بنفس اللحظة واتخيلت بطني كبرانة وووو كومة افكار لحد ما غفيت ونمت محسيت الا على تلفوني امي دتدك علية شلتة كتلها جنت يم نور و شوسة غفيت يمها محسيت
جانت عصبية ورجعت للبيت بسرعة
فتت لغرفتي ورحت سبحت رجعتلي حالة البجي اللي سويتة حرام وغلط ومجنت اصلا اريدة والله شلون هيج خليتة ليش مقاومتة ليش استسلمت
خرب دماغي اني لو عندي عقل مجنت سويت هيج
ولا اصلا رحتلة للشقة
6 ايام فاتو وهو ماكو يا دوب بينا رسالة شلونج
او شلونك
دكيتلة حتى اشوف اهلة شوكت يجون
- الو
- هلو شلونج
- وين انت ليش هيج مختفي
- مشغول
-بشنو
- هيج مشغول وخلص
- اوكي شوكت يجون اهلك
- ههههههههه يا اهل
- اهلك مو كتلي يجون بعد 6 ايام حتى تخطبني
- اي صحيح بس غيرو رايهم
- شتقصد
- اقصد انه خلص ما نكدر نكمل سوة
- محمد
- اي غزل اهلي ميريدوج واني اذا عاندتهم انحرم من كل شي حتى الورث
- طز بكل شي وبالورث محمد انت اخذتني حرام عليك تسوي هيج بية
- شنو ضربتج على ايدج ليش مقاومتيني لعد
- مدا اصدك اللي اسمعة اكيد دتتشاقة مو
- لا ما اتشاقة ومراح اخطبج و لا تعكليني بيج بعدين سويتيها وياية شمدريني ما تسويها او مسويتها ويا غيري
- يا حقير يا كلب يا سافل اني اشرف منك يا منحط لك انت انذل انسان شفتة بحياتي
- ديلة عيني الشريفة
-سلمتك نفسي لان احبك ولان وعدتني متعوفني زين وحلفانك وينة متخاف من الله
- هسة انت خفتي من الله هاي شبيج شو تعرفين وتحرفين روحي هسة اريد انام
- ما اروح اذا ما تخلصني من هالورطة
خلينا نتزوج وطلكني الله يخليك محمد لا تسوي هيج بية
- وانحسب متزوج ومطلك علمود وحدة مثلج
- مستحيل اني مدا اصدكك
-باعي لا تظلين تعوين وتبجين ما الي خلكج يلة باي
- الوووو الوووو
يا ربي هذا كابوس شسوي هسة كعدت ادك والطم بلا وعي وابجي اجتي امي علية تريد تفتهم شصاير
جان بابا مسافر بوكتها كعدت حجبتلها كل شي وهي تبجي وتسب بية وتلطم وياية عافتني وطلعت اثنينا بحالة صعبة اني وهي اني خايفة ومرعوبة من رب العالمين لان السويتة حرام بس والله مو بقصد العصيان كلة جان لان احبة امنت بي ووثقت بي ثقتي وحبي وكل شي نطيتة الة جان زيادة عن اللزوم
كم يوم بقيت اتصل بي واتوسلة واحجي وياهوبس ولا كأنو هو نفسة الاحبة عبالك ميعرفني وكأنو السواه شي عادي
اجتي امي يمي ورادت تعرف شسويت كتلها وكالت خابريلي علي خابرتة مغلق
ظلت تبجي ومنهارة و تكول اني صوجي ما زوجتج و ارتاحيت من هالهم وظلت تحجي علية
بعدين هي كالتلي عن امير من طلبني اكثر من مرة برغم هي تحبة بس مرادتة زوج الي لان حسب كلامها ما بي مواصفات الزوج المثالي
كمت اعيط واصرخ واتهمها هي السبب بكل الصار لان لوما هي جنت عايشة مرتاحة ويا امير خلتني اضطر اتنازل عنة و اختار شخص برغم كل شي عندة من مال وجاه ومركز اجتماعي بس بدون اخلاق
- ليش ماما فهميني منو كالج تقررين حياتي عني
- لان ردتلج شي زين صرت اني الغلطانة
- هاي حياتي حتى لو انت امي والله حرام عليج جنت احبة وسكتت وحاولت اتناساه لان اعرف انت حتاذي بالحجي وتنتقصين منة مجنت اعرف هو هم رايدني
- اني مكتلج روحي اطلعي ويا هالساقط
- اني غلطانة غلطانة بهذا الشي بس انت السبب بكل شي
- ماكو غير نبلغ امير و هو يتصرف لان ابوج والله يموت اذا عرف
- لا تتدخلين بعد ما اريد اي شي منج خليني اتصرف براحتي مثل ما اني اشوفة صح كل شي جنت اريدة واحبة خسرتة بسببج وبسبب تسلطج اطلعي من حياتي كوني لمرة وحدة بحياتج عندج احساس بغيرج ارحميني من سلطتج ومن سيطرتج عوفيني
- غزل بنتي لا تسوين هيج
- خلص كافي ما اريد شي منج بس عوفيني
بعد محاولات اعرفها فاشلة دزيت نور على محمد حتى بلكت تقنعة انه يتزوجني ولو ليلة وحدة ويطلكني بس ما قبل ورد عليها رد سخيف
وتركتة
بس اكتشفت هواية عنة شغلات جنت عامية عيوني عنها بعد فوات الاوان عرفت هو عندة علاقات بالحرام هواية وعرفت عندة حسابات هواية عن طريق حساب جديد سويتة من كتبت اسمة بالبحث طلعلي اكثر من واحد حتى بالفيس عندك حقارة
....
