#مئةجلدة7
Shahd Alsalman
صارلها فترة مختفية تجي قليل لبيت جدي وما اشوفها هواية مرات اسال عليها عمي ويكول ملتهية بدراستها هي من طول عمرها تدرس شنو التغير هسة
والله اني ما اكدر انساها واتناساها جذب هذا واشتاقلها هواية كلت اخذ امي واختي ونروحلهم هيج زيارة متت اريد اشوفها
واخذتهم وطبعا خابرناهم خاف طالعين او شي ومرت عمي كالت هلا بيكم وكالت تجون على عشا مقبلت هيج ونروح وكيفت من يمي والله اجتني فرصة ابقى وقت اطول وياها
لبست وكشخت وخليت العطر اللي هي تحبة
من وصلنا عمي فتح الباب
- السلام عليكم
- عليكم السلام هلا بابن اخويا
- هلا بيك عمي شلونك
- الحمدلله
شلونج ام اموري شون عافيتج
- الله يسلمك شلونك خويا والله اشتاقينالكم كلنا نجي نشوفكم
- هلا بيكم خطوة عزيزة تفضلو
لج هلا بالكمر تعالي بحضني
- هلو عمو حبيبي
فتنا سلمنا على مرت عمي ورحبت بينا وكعدت لجين اختي تحجي عن اول كلية وشلون داومت هي تحب السوالف وعمي ومرت عمي يحبوها كلش
ولحد هسة ما شفت غزل دا افكر بيها وفاتت هي
يمة يا كلبي اخذت روحي عبالك كدامها انسى نفسي
بس ذبلانة عبالك و ووجهها اصفر كلت يجوز مريضة
سلمت وكعدت يم لجين يسولفون ويحجون وامي تحجي ويا عمي ومرت عمي واني صافن بغزل
احسها ممرتاحة مو هي الاولية شنو الموضوع
الموبايل ميوكع من ايدها وكل ما تشيلة احسها تعصب وتخفي كوة هالشي وابتسامتها جذابة
عفت امي ويا مرت عمي ديحضرون العشا وطلعنا اني وهي و لجين نسولف برة بالحديقة لجين طبت يم عمي لان صاحها وبقينا اني وهي
- غزول شونج
- ههههه امير مو سالتني وتسالمنا شنو هسة تذكرت
- شلونج
- زينة
- شلونج
- زينة كلش
- شنو المضايقج
- ولا شي ليش
- ماكو لمعة عيونج الفرحانة
- شنو
- غزل صاير شي وياج اكو احد مضوجج او عندج مشكلة
- هه منين هالحجي مصاير شي
- اذا خفيتي عن الكل كل شي ترة اني احس بيج حتى لو مشفتج وسبب جيتي لهنا هو الموضوع
- يا موضوع
- انت متغيرة هواية ومو غزل القديمة خايفة وعندج شي ضامتة
- ماكو شي صدكني اني تعبانة من الامتحانات والدراسة هالمرحلة صعبة وبعدنا ببدايتها ومطلوب مني مشروع تخرج
- ممقتنع بس ححاول اصدكج
- هههههه اموري ماكو شي
- غزولة شوفي اخذي مني هالحجاية منا لحد ما اموت اني او اختفي من هالوجود
- اسم الله لا تحجي هيج
- لا لازم احجي وتعرفين بشنو توكعين وشنو تحتاجين وشيضايقج ويصير وياج بس اشري بيدج الي وتلكيني يمج اخذ كل همج منج و متحسين الا براحة وهذا وعد غلط صح راح تلكيني يمج ووياج ماشي ؟
- ليش
- لان انت خايفة من شي واذا لا سمح الله صار اي موضوع اتذكريني اني يمج
دنحجي وصاحو علينا بس من كتلها انت متغيرة هي سدت تلفونها وجرت حسرة وكالتلي تعبانة من الامتحانات
كلامة ريحني وحسسني اكو احد وراية وفعلا امير ما فد يوم خذاني ودائما يفهمني ويحس بية لو ما اعرف ما عندة شي تجاهي جنت اكول يحبني بس حتى لو يحبني شنو الفائدة
جنت ضايجة من اسلوب محمد وياية كتلة بيت عمي يمنا وحجيتله عنهم وعن امير كل شوية يدز رسالة ويحجي عن امير ويتجاوز وبحجة هو غيران و هددني انه يزعل او ينهي كل شي بيناتنا
ظليت متوترة وقلقة وهالشي خلة امير ينتبه علية واصلا بلا كل شي هو كاشفني عبالك ..
