#مئةجلدة9
Shahd Alsalman
رحت لبيبي حتى اشوفها صارلي هواية مرايحتلهم لان ما اكدر اروح وانكطع عن محمد وهو هم يضوج
شفت امير هناك
كانما شايفة روحي ونفسي الضيعتها على كد ما احب محمد واهتمامة بية بس امير غير عندة خوف علية ومو مثل محمد يهتم و يتغزل بس من يريد ذيج الشغلة
نظراتي لامير بيها حسرة على روحي القديمة وعلي هو همسن
طردت هالافكار من راسي وسلمت وكعدت
كاعد دا اشاقة واداهر بيبيتي واتغزل بكصيبتها الحمرة وهي تكركر فجأة كالت يمة هلا بكرايبي وحبايبي واهلي انداريت لكيتها غزل
بس هاي مو هي حتخبلني عيونها ذبلانة اكثر من قبل ووجها يبين بي ممرتاحة اني كلبي ما مطمن عليها بس مدا اكدر اعرف شي عنها ومدتحجيلي حتى مدنتلاكى ومع هذا مشتاقلها سلمت علينا وكعدت وسولفنا بس هي بالها مو يمنا ابد
نظراتها تخوفني والله بيهن ندم وحسرة وخوف وقلة راحة برغم كل صوتها بضحكتها حتى صوتها مخنوك حاولت اخذها على صفحة نحجي بس مرهمت واحنا بيت جدي هواية يعني مستحيل اثنين يكعدةن سوة كلنا سوة وكلنا نحجي حتى لو مواضيع مختلفة
صار عندي شغل وطلعت بس بالي وكلبي كله يمها
محتاجتلة افضفض واشكيلة واحجي وياه حيل تعبانة من راح كلش ضجت بس احسن حتى ما يكشفني ويظل يسالني رجعت اني هم للبيت
كام الوضع يضايقني هواية دا احس نفسي بنت ليل كتلة لمحمد
- تعال اخطبني اني اقنع اهلي بأي طريقة حتى لو طالب هاهية اني قابلة
- حبيبي اني اصلا جاي دا احجي وياج بهذا الموضوع
- خير
- كل خير حجيت ويا اهلي وفد اسبوعين هيج بس نرتب وضع البيت مو تدرين عدنا بناء ونجيكم
وشغلي ويا ابوية همين يعني ماكو شي ناقص
- محمد صدك دتحجي
- شنو اخابرلج امي ههههههه
- يااالله والله فرحتني كلش وارتاحيت
- حتى تعرفين اني حبيبج وحصير زوجج
- الله يخليك الي لعد اكول لاهلي
- لا دخلي نحدد موعد اكيد وقبل اسبوع كليلها لان اني كتلج على الاسبوعين خاف يتاخر يوم ينقص يوم انطيج شي اكيد يالا
- ماشي حبيبي
هسة يالا ارتاحيت وبرد كلبي ورجعتلي طاقتي وحيويتي عبالك الحيل كلة صار بية وعلى كولة بابا هالايام راجعة الفراشة تطير لان صدك تعبت ذيج الفترة فتحججت انه راح اخلص مشروع تخرجي لهذا اني مرتاحة
طبعا حتى اقنعها باللي اريدة كتلها حجيت ويا اهلي واني صدك حجيت وياهم بس هم مقبلو ومرادوها لان كلولي عدها علاقة بيك يعني ممترباية واكيد تخونك مثل مخانت اهلها
واني هم مقتنع بكلامهم خاصة ابويا مجان مقتنع يمكن امي بيها مجال بس هو ابد واني هم خما اعارض ابويا علمودها فكلت بس اطلع هالشغلة من نفسي وارتاح واعوفها هي
عود تحير بروحها بس مجنت ناوي غير شي ..
قررت اروح لغزل بكليتها اريد اشوفها شدسوي حاس اكو احد دياذيها رحت وسلمت عليها كلش فرحت بجيتي و عرفتني على صديقتها نور والكروب الواكفين
رحنا دنكعد بالكافتريا ونسولف هي حيل فرحانة ومو مثل اخر مرة كلت الحمدلله اللي رجعت لمعة عيونها سالتها وكالتلي انه خلصت مشروع تخرجها وارتاحت منة باركتلها واقتنعت وراحت كل شكوكي ترخصت مني دقيقة وطلعت شوية
دا احجي ويا امير اجاني للدوام وكاعدين اجتني رسالة من محمد
" مبروك تتهنين بصاحبج بس مجنت اتوقع تخونين"
ترخصت منة ورحت خابرتة
- محمد شنو هالرسالة
- باعي انت هسة كاعدة يم واحد وبالكافتريا واني شفتكم فلا تظلين تحجين
- يعني اي احد اكعد يمة معناها صاحبي تالي وياك
- غزل روحي هسة
- هذا ابن عمي امير الحجيتلك عنة عندة شغلة قريب الجامعة وكال مريت اسلم عليج
- و جم مرة كتلج ما تحجين وياه
دا احجي وقفل التلفون خلص الشحن كلت بعد احسن خلي ارجع لامير
كعدنا نسولف ونحجي واكلنا ورجعني هو البيت نسيت اصلا محمد ونسيت هو زعل مني حطيت تلفوني ع الشحن وحجيت وياه لكيتة مفور حتى غلط هم دازلي وطبعا قفل مديصدك انه شحني خلص اني هم مليت بس احلف وابرر شسويلة
بقينا لثاني يوم متزاعلين المشكلة مدا الحك افرح ويا بشي كبل ينكد علية
اضطريت ارجعلة واسامحة كلت متسوة واحنا حنخطب نبقى هيج زعالة وكالعادة حطيتلة عذر وكلت يغار وحقة ورجال وووو الخ من الاعذار اللي اني اقنع بيها نفسي بس من خابرتة خوفني وجان متضايق كلش كالي اني لوحدي بشقة اهل علي
محد اكو ومخنوك حيل تعاليلي و رحتلة بلا ما افكر
اول مفتحلي الباب جرني وحضني واحسة تعبان حيل
- محمد حبيبي
- غزل تعبان
- شبيك والله وكعت كلبي عليك
- ما اعرف مخنوك لان ضوجتج
- مزعلانة منك هو اني خابرتك حتى اراضيك
- والله تندمت لان حجيت هيج وياج اني اسف
- خلص لا تضوج هاي اني يمك واحنا سوة
- اي بس ما اريد زعل بيناتنا اريد اخذج واضمج بعيد عن هالدنيا كلها
- يا روحي واني هم اغار عليك من كل شي
- غزول يعني راضية
- اي طبعا ما ازعل منك ابد
- لعد حضري نفسج
- لشنو
- بعد 6 ايام جايكم للبيت قبل شوي امي خابرتني وكالت بلغ الجماعة
- صدددددك
- ايييي صدك هههههه
- هاي احلى خبر واحلى صلحة بيناتنا صارت
- ههههه اي بس الصلحة ترة بيها شروط
- وشنو شروطك سيد محمد ههههه
- تعالي وياية
