#مئةجلدة4
Shahd Alsalman
مثل كل يوم اروح للكلية وادرس وادخل محاضرات
مرات نطلع نغير جو ارجع للبيت انام شوية اكعد واشوف شعدنا شغل بالبيت واكعد اقرة صحيح عندي شلة وكروب بس عندي صديقة وحدة مقربة تعرف عني كل شي واعرف عنها كل شي
اتعرفنا بالكلية وبقينا سوة وهسة احنا نهايات المرحلة الثالثة اسمها نور حليوة وحبابة واهلها خوش ناس ما اعرف امي شعجب تحبها لان بالعادة هي متحب صديقاتي ...
فد يوم جنا رايحين للمكتبة دنريد ندرس نور دكت لكروبنا وكالت تعالو لهناك غزل تدرسنا واني كتلها روحي قبلي استنسخ كم شغلة حتى تبقى عدكم واجيج ورحت وهي راحت
دا امشي وانطخيت بواحد منتبهت جنت مدنجة ع الملازم دا احضرها اعتذرت منة وخرت ورحت سمعتة يصيح يا بنية لحظة لحظة
انداريت لكيتة خربان ضحك وجاي باتجاهي
- نعم !
- ادري شنو تمشين 180 ههههههه
- شتريد ؟
- على كيفج لا تعصبين بس باعي على ايدج
- يااااا اني اسفة والله ما انتبهت كلش اعتذر
- فداج ولا يهمج بس وكفتج لان اذا تمشين بعد ابقى بلا بلوز والله
- هههههههه عزة شكد فشلة اني كلش اعتذر
- بالعكس هاي صدفة حلوة حتى نشوف هالوجه الحلو
- امممم من رخصتك
- شنو اسمج
تعاي لحظة
انهزمت منة وطفرت مدري شبية كلبي يدك سريع هو شكلة حلو كلش وكشخة وضحوك من طخيتة جلب سواري ببلوزة و سلتة انجر الخيط مالتة فوكفني بالاول حجيت بنترة بعدين ضحكت ومن اعتذرت منة وفشلت هو ذب حجاية دا اترخص راد اسمي وسمعتة من كال شسمج بس هم فلتت
صورت الملازم والاوراق الاحتاجهم ورجعت للمكتبة متحملت حجيت لنور الصار همزين كروبنا بعدة مجاي كالتلي شبيج محد مصجمج قبل صدك صفنت شو كل يوم اسمع اشكال الوان شبية اني وضحكنا اني وهي ونسيت الموقف كعدنا ندرس
بعد كم يوم كاعدين بالنادي نور راحت تجيب اكل واني لوحدي دا اكلب بالتلفون ومندمجة اجتي نور فدا اباوع للتلفون و احجي وياها
- ها شو بسرعة جيتي ؟
-....
- نورة !
- هههههههه
- هاي انت !؟؟
- شلونج
- الحمدلله
- شبيج مصدومة
- مو مصدومة بس عبالي صديقتي
- اسمي محمد
- اي
- انت شنو اسمج
- امممم غزل
- شكد حلو اسمج
- شكرا كلك ذوق
- اكدر احجي وياج لوحدنا
- احنا لوحدنا اصلا
- لا اقصد اريد رقمج او اي شي نتواصل بي
لان هنا ما اخذ راحتي
- اسفة ما اكدر من رخصتك
- دقيقة اسف خاف احرجتج ارجعي اكعدي اني رايح
راح واجتي نور مثل المخبلة ولج احجيلي مو صار ساعة هناك واكفة وانتظر ودا اشوفكم تحجون ما ردت اجي يلة اعترفي
وحجيتلها كل شي ظلت هي عاد تتشاقى وتحجي وياية بس اني بغير عالم
رجعت للبيت كالعادة نمت كعدت على صوت التلفون
جانت نور
- الو ها ولج نايمة
- اي حبي شونج
- باعي صحصحي زين وارجعي خابريني ضروري
-احجي صحيت انت تخلين احد ينام
- مو صوجج صوجي اني جايبتلج اخبار
- اخبار منو ؟
- حمودي
- عززة محقق كونان انت شكو دتنبشين وراه
- دسمعي
- كولي
- باعي اسمة محمد هو مو منا من اربيل بس يدرس هنا وعايش يم بيت كرايبة يمكن خالة او خالتة ممتأكدة مو بجامعتنا بس يجي علمود ولد صديقة هنا ولو تعرفين منو صديقة
- منو
- علي عبد الرحمن اللي بشعبة A
- عااا هذا شكد حباب علي اي كملي
- اي وعندة اخ متوفي بانفجار واهلة موجودين وباقي بس هو واختة الصغيرة ممتزوجين الباقين كبار وعدهم جهال
- شنو رايحة للنفوس منين عرفتي كل هذا
- بحوشت ورحت ع الفيس مالتة ومن شفتة صديق علي حجبت وياه وجرجرتة بالحجي
- اها والله ثاريج مو هينة
- شعبالج لعد المهم حتننطي فرصة ؟
- اممم ما اعرف بصراحة نورة اني اخاف من هيج شي بس اذا هو حاول وشفتة رايدني ممكن انظر بأمرة هههههه
- هههههه خوش الله كريم
خل اشوف امي دتصيحني
- ماشي حبيبي سلميلي على خالة الله وياج
-يوصل باي
بعد ما خلصت هالمكالمة كلش فرحت وشنو السبب ما اعرف رحت وكتبت هالشي بمفكرتي
جنا متعودين اني وامير نكتب كل شي منكدر نكول ونحسة بي
كل المفكرات العندي جنت اكتب بيها عنة هو وعن امي واهلي ومرات شغلات تقهرني حتى غيرتي على امير وجنت ارتاح لهاي الطريقة لان افرغ كل شي اريدة بهاي الورقة حتى ممكن انساه وما اتذكرة الا لما اقراه
ومع هذا اني منسيتة لامير بس لازم اشوف حياتي ..
كتبت وكانو دا احجي ويا امير عنة لان مستحيل جنت اكدر اكلة هالشي حتى لو جنت كل شي احجيلة مع انه اتمنى احد بسمعني صحيح هو مصاير شي بس اني تحركت داخلي مشاعر وما اعرف شنو هي ..
