#مئةجلدة13
Shahd Alsalman
احس نفسي بغير عالم كل شي داير مدايري صعب واحس نفسي بغابة خسرت كل شي ومن طلبت الطلاك منة برغم هو من الخطة
متحملت لاني احبة ولاني خايفة بدونة محد يسندني ويحبني كدة ولا حتى احد حيسامحني
حاولت انهي كل شي بس صعب
انهاريت و داخلي كأنما ديصير زلزال وتوكع بي العمارات والبنايات وتموت الناس مثل منشوف بالتلفزيون
هيج احس بداخلي كمت ما اميز بين الاصوات بجي وصياح وصوت صراخي اللي ميطلع ذكريات توجع ومستقبل مجهول وحب حيضيع من ايدي امير اللي ما ممكن وحدة ترفضة من كد الحنية البي هو رجال
رجال بكل معنى الكلمة شون راح اخسرة كلت حغمض شوية غمضت بس لكيت نفسي محوطة باجهزة و طبيب وممرضات وحالتي تعبانة مالي واهس حتى اعيش واكمل اتمنى الموت وما الكاه
يجون اهلي وعمامي وعماتي وهو اصلا مفاركني ليل ونهار وياية احس بوجودهم بس اني اللي مو هنا
من كال راح نطلع وترجعين يمي كل الردتة اكثر وقت طويل احضنة بي وابجي على صدرة ما اريد اخسرة بس اعرف راح ينتهي كل شي بيوم خاصة لمن يعرف الحقيقة وهو اللي حيقضي على زواجنا وعلى حبنا ويمكن حتى علية
بس اذا الموت من ايدي وبين ايدي هلا بي ميخالف راضية اموت و اذا يرضى اعيش خدامة عندة اني مراح اكول لا لان هو لو راد مني روحي مراح اتردد لحظة
رجعنا للبيت امة ولجين يحاولون يحجون وياية واني ساكتة وما اكول ولا كلمة مديطلع الحجي كأنو نسيت كل الكلام انصابيت بخرس مؤقت بسبب الانهيار العصبي
هو ترك كل شي وبقى يمي كل يوم يوكلني ويشربني ينطيني دواية بالوقت ويقرالي قصص واشعار ويحجيلي عن اشياء حلوة وعن شغلات يتمناها وياية عبالة حيفرحني او ارتاح
بس اعرف مراح تصير لهذا انقهر بالزايد تزيد حالتي واتوجع اكثر
بالليل انام بحضنة واظل مجلبة بي واذا اتحرك شوي ابقى خايفة لحد ما انهار بالبجي ويظل يهدي بية ويقرالي ايات ويمسح على شعري وظهري لحد ما اغفى وارتاح
اتمنى ابقى طول عمري بحضنة امان وراحة ما لكيتهم ادور على روحي والكاها بعيونة
بس حرام هيج كافي لهنا وبس دا ادمرة بانانيتي اني مشبعت منة بس لازم يعرف هو ولازم يدري حقيقة مرة ما جان حاسب حسابها ولا اني بس لازم احجي اريد اكول وارتاح من هالحمل اللي على ظهري متت ومدا اتحملة شنو يصير خلي يصير
كامت تذبل كل يوم كدام عيني مدا اكدر اسويلها اي شي بدلتلها واخذتها وياية فريتها شوية و هي اشرتلي باتجاه طريق الكاظم الظاهر تريد تزور
رحنا ولبست عباية و دخلت بقيت واكفلها مطبيت زرت بس بقيت ادعي برة والبجي لازمني كوة مصبر روحي
طلعت هي باجية وبلكت الله وترتاح
رحنا كعدنا بالصحن برة ولزمت دعاء دا اقرالها وهي تبجي واني هم متحملت بعد مخنوك كلش خلصنا وباوعتلها
- غزل حبيبتي ارجعي مثل قبل لا تخافين من شي اني يمج
شو ما شفتها الا نطقت خليتها براحتها حتى لا تسكت
- تبقى يمي ؟
- وحق هالصوت المشتاقلة وداعتج انت وامي ما اتركج لو شيصير
- امير
- يا روحة لامير
- اختار بين اثنين
- اي
- تطلكني لو الحقيقة
- ما اطكلج لو شيصير
- مستعد تسمع
- احجي
- اني رشا
- شنو ؟
- اني رشا الجنت تحجي وياها وصارت صديقتك واني اللي جنت اراسلك واصلا مشفت اي تعليق الك بس دزيتلك طلب وخلص وانت قبلت جنت ادعي انه تقبلة وقبلتة
- ليش غزل ؟؟
- تتذكر مرة من كتلي اني سندج وما اعوفج واحجيلي كل شي وتاكدي ماكو احد يكدر ياذيج
- اي!
- اني مفكرت الجأ لغيرك او اروح لاحد حتى اخلي يحميني
- غزل انت شدتحجين احميج من شنو
- امير اني
....
