#مئةجلدة23
Shahd Alsalman
مجنت اعرف هذا اخر يوم الها بالعراق ولا جنت اعرف حتسافر وتعوفني هيج بس حقها قسيت عليها هواية و برغم هي اعترفت بكل اغلاطها وحاولت تصلحهم ما عذرتها ولا كدرت اسامحها كبريائي عماني وكرامتي واني كلبي ميت عليها
جانت تحجي والدمع بعيونها وايدها باردة من كالتلي اني محبيت غيرك حسيت بحبها من نبرة صوتها وعيونها جانت صادقة كلش
بس مع هذا ما سويت شي وبقيت ساكت الى ان راحت
ما رجعت للبيت ظليت افتر وافكر بكلامها و اكول ليش ما انطيها فرصة بعدين اتراجع واكول لا هيج احسن وارجع واحن صرت صدك بصراع بين كلبي وبين عقلي وبالاخير انتصر كلبي وقررت اروح ثاني يوم الها من رجعت للبيت انصدمت من اهلي كلولي ودعتنا وراحت سافرت
اول مرة احس نفسي مهزوز رحت للغرفة ابجي على فراكها واعرف راحت وهي تنتظر مني كلمة ترجع كل شي بيناتنا مثل قبل
اتعذبت هواية بس اتعلمت وكمت كل يوم اشتاق اعرف هي تحبني وادري راحت واتغربت بسببي
استغليت هالفرصة حتى اشوف نفسي صدك سامحتها او لا بس بعدني من اتذكر اتراجع معناها بعدني مجروح
التهيت بشغلي وشوية شوية كبرتة وضعي المادي صار كلش زين والحمدلله من متوسط الى جيد
وحياتي عبارة عن شغل وتفكير بغزل
مرت اول سنة على غيابها وسفرها وكل يوم اتذكر اخر شي كالتة الي تمنيتها ترجع وما رجعت ايست منها بعد
لجين جانت تداوم بالكلية فأول ايام بالدوام عافها ابو الخط صار عندة سفر وكال اعذروني طارق كال اني اوديها واجيبها بينما تلكى خط هي وصديقاتها جنت بعدني ممشتري سيارة لان بعتها احتاجيت فلوس علمود مشروعي
وداها الصبح والظهر راح يجيبها رجعلي متخبل وبس يضحك من ودة يكمز من الفرحة
- شبيك ولك طارق
- لك متصدك اذا احجيلك
- شنو هو
- لا لا لا لو متواعد هم مو هيج
- تحجي لو اضربك بالجاكوج
- هي هنا هنا ببغداد ودتدرس هنا
- منية يمعود
- مياسة ولك وطلعت صديقة اختك لجين
- صدك والله
- اي والله وسلمت علية ما اعرف الكلام كلة ضااع مني
- شفت شون رب العالمين كاتبها الك شكد توسلت بيك تخطبها جنت قافل
- والله ما ادري
- كافي طروق اتوكل بالله واخطبها
- هيج رأيك
- اي والله مياسة خوش بنية و تستاهل رجال مثلك يصونها ويدللها
- الله يسلمك حبيبي
وبعد ما عرفنا انه هي مزاعلة ابوها وميقبل يحجي وياها لان عصتة وداومت ودتداوم هنا وتبات اقسام داخلية وصادقت لجين صدفة جانت متيهة قسمها ولجين دلتها ومن يومها صارو صديقات
خطبها طارق طبعا بعد ما قنعنا ابوها وفهمنا الصار كلة
كال اني الغلطان جنت والحمدلله هي نيتها صافية وطارق همين تزوجو وهي بقت تدرس وصار عدهم بنوتة كالولي انت سميها وسميتها غزل
واخو مياسة بعد ما رجع للعراق ابد ومحد يعرف عنة شي بس يعني حسب كلام اختة تكول يتصل كل فترة و يكول زين
غزل الصغيرة جانت كلش متعلقة بية حتة اكثر من ابوها مرات تجبرهم جبر انه يجيبوها يمي والا افرها واشتريلها يالا ترضى تخبل حيل احبها
فد يوم دتركض و اني وطارق يمها دنسولف بالباب وكعت هي سبت الدنيا بالعياط والبجي اللوتية تريد افرها اخذتها وكتلة لابوها هسة اجي رحت اشتريلها من المحل القريب لبيت جدي جنت افرها بسيارتي الجديدة اشتريتها
لمحت ولد صغير شايفة اني عبالك بي شبه من غزل
دا اشيل الصغيرة وانتبهت على البنية اللي ويا الجاهل
هذي غزل مصدكت نفسي ردت اطير واحضنها
صحتلها وجمدت مكانها وكفت من اندارت جانت عيونها مغرغرة وكوة تحجي وتباوع على الصغيرة مدري شدتشوف بيها بس خطر ببالي انه عبالها بنتي كتلها اشتري واجيكم مطولت دقايق رحت يمهم لكيتها طالعة وريمة كالتلي من شافتك جاي راحت انقهرت لان دا احرمها من لمتنا ولان هيج تنهزم مني بسبب قساوتي عليها
رحت جبت امي ولجين جانت دتطلع ويا خطبيها خليتها تاجل الطلعة كتلهم رجعو غزل وريما
و كضينا اليوم سوة واتمنيت اروحلها او ترجع لهنا كاعد وياهم وفكري يمها مشغول بيها ..
ثاني يوم شفت طارق ومياسة طالعين ووياهم غزول نايمة ليورة ديودوها للحضانة كتلهم ع الصار وحجيتلهم كلش فرحو بس مياسة كالت تعال اليوم معزوم ع العشا وطارق كالي اي وجيبلنا وياك كرزات بشرفك فقررنا نتلاكى بالليل ...
