#مئةجلدة5
Shahd Alsalman
جنت جاي لصديقي علي بجامعتة زيارة هو جيراني من جنا عايشين ببغداد وظلينا اصدقاء بس فرقتنا الجامعات كل واحد يداوم بمكان دا امشي وشفت وحدة جاية باتجاهي ومبينة رايحة للسنتر ومخبوصة باوراق وملازم و ممنتبهة منو كدامها
اتعمدت اصير كبالها حتى اطخها ردت اشوف وجهها لان شعرها نازل علي و ممبين شي منة طخيتها وباوعتلي تعتذر شنو من جمال الله خالق بعيونها وكلش وجها ينحب و حلو ومبينة بي البراءة راحت بس بلوزتي جلب خيط منها بسوارها وانسحب ضحكت على مشيتها لان سريعة واني اريد اوكفها وكفتها وهمين اعتذرت بعدما حجت بعصبية وياية سمعتها حجاية حلوة راسا خجلت وارتبكت كلت هي هاي اجت على مرامي خجولة وترتبك ومبينة بريئة كلش كلت لازم اصادقها واتقربلها حاولت اعرف اسمها انهزمت مني وغلست
رحت مرة ثانية ورة كم يوم سالت علي عنها كال هاي البنية كلش حبابة ووردة وتساعد الكل وفطيرة بشكل فسالتة عن علاقاتها او اذا تحب احد او مخطوبة كالي ماكو شي ملتهية بدراستها و ما اعتقد عدها شي ثاني ولا حب
رحت كعدت يمها تحجي طبيعي وتحاول تخفي توترها بس عيونها فاضحتها رفضت مبادرتي ورفضت انه تنطيني اي وسيلة اتصال حتى احجي وياها اني هم ترخصت وكمت وطبعا مراح اعوفها بس البنات من يشوفون واحد لزكة او يذب نفسة ميحبو ويتدللون فقررت اعاملها بالعكس حتى اجيب رجلها
تقريبا بقيت اسبوع اتردد على كليتها واراقبها من بعيد توكف يم بنات وولد كروب هم
وتسولف عبالك هي المسوية الجو بالكروب ولامتهم وما شفت عليها اي شي لحكتها لبيتهم بسيارتي
واندليتة
طبعا انطاني باص علي انه صديقتها سألت علية هو صحيح مو مباشر بس مبين انه هي دزاتها هيج جنت اتصور
فقررت ادخللها عن طريق صديقتها واحاول اخذ منها رقمها او فيس اي شي
و فعلا صديقتها بالاول اعترضت وكالت اخذ رايها ومدري شنو لكن كدرت اخذ منها الفيس وكتلها اذا تجاوزت او شي هي حتحضرني اكيد فليش الخوف واقتنعت وطلبت منها متكللها حتى اسويها مفاجاة الها وكتلها اني حبيتها وكلش معجب بيها ومن هالامور حسيتها فرحت والظاهر تحبها كلش لغزل
دزيتلها ع الفيس رسالة كلت حتى من تشوفها تجاوبني وطبعا عندي اكثر من 3 حسابات وواحد بس هو الاصلي واللي مخلي بي عائلتي وكل واحد اسم شكل ومثلي مثل كل الشباب بيهن اشكال الوان بنات وعلاقات
وهذا خصصتة لغزل كلت اذا طلعت مثل ما اريد راح اتزوجها واذا لا حالها حال اي وحدة اصلا اني ما عندي ثقة بأي بنية وما اعرف احب
جنت اتغدى واجاني مسج ع الماسنجر كلت اكيد هي
- مرحبا غزل شلونج اني محمد ممكن تردين علية لشغلة مهمة واسف للازعاج
هاي جانت رسالتي الها واجاني رد منها
- هلو
- هلاوات شلونج
- الحمدلله منو انت ؟
- اني محمد اللي سلتي بلوزتة
- اهاا اي وشتريد
- اريد بلوز منج
- ههههههه صدك تحجي
- ههههههه اتشاقة وياج بس قبل كل شي اني اعتذر لان اخذت حسابج من دون علمج واعرف انت متقبلين
- لعد ليش اخذتة
- لأن حاب احجي وياج
- اوكي وبشنة حاب تحجي وياية ؟
- بلا لف ولا دوران ولا اي شي اني سألت عنج هواية وكلهم حمدولي بيج وباخلاقج
- ليش دتسأل يعني !!
- لانه بصراحة
- اي !
- ما اريدج تضوجين مني بس
- !!
- اني معجب بيج كلش واريد اتعرف عليج
-
- غزل فكري واذا موافقة
- لا مموافقة وبعد لا تراسلني
- ليش شنو الكلتة غلط
- من رخصتك باي
- غزل
" لا يمكنك الرد على هذه المحادثة "
تفاجئت من حضرتني وردتلي بهيج طريقة المفروض جان توكع و تذب نفسها بس هي شو غير شكل هاي شبيها بس بسيطة تريد تخجلني عبالها
رحتلها ثاني يوم اول مشافتني غيرت مشيتها وراحت بعيد عني كمت امشي كبالها واحجي وهي تحاول توخرني
- غزل لحظة بس اوكفي نحجي شوية
- وخر عن طريقي مو كتلك لا تحجي وياية بعد
- انت شنو افتهمتي من كلامي بعدين اني محجيت شي وياج بعدني وانت حضرتيني
- اي لان ما اريد اسمع ششايفني انت وتكلي اتعرف اذا تريد بيت اهلي موجود
- وهو هذا جان قصدي بس مخليتيني اكمل
ممكن توكفين ترة دخت امشي بالعكس مثل المخبل
- هههههههههه اوكي
- واخيرا ضحكتي
خلينا نكعد بمكان ونحجي
امشي عازمج على غدا
- اممم ماشي بس هنا ما اطلع برة
- براحتج يلة نروح للكافتريا
-يلة
