#مئةجلدة17
Shahd Alsalman
مصدكت كل الاسمعة منها هاي حبيبتي !
معقولة هي هيج مسلمة نفسها لواحد و استغلت حبي الها تكولها هيج ببساطة وحتى محبتني
ليش يا ربي و هي نفسها رشا معقولة هيج نفسيتها ضعيفة
كل شي فكرت بي انه ادفنها بنفس مكانها تمنيت املخها كتل
بركان بداخلي منها كل شي احسة تجاهها جان صادق والله
وهي كل كلمة كالتها الي جانت جذب حتى بس توصل للي هي تريدة تتزوج و تتطلك حتى محد يجيب سيرتها و بنفس الوقت اذا صار شي يكولون هي متزوجة
- خلصتي كل كلامج ؟
- اي امير سامحني
- كومي نروح
- امير صدكني مسويت هيج الا لانه اعرف حتسندني
- كومي
- حبيبي والله ...
- اول شي لا تكولين حبيبي
انت من هاللحظة محرمة علية حرمة خواتي والانام شاهد على هالكلام
ثاني شي لا تحلفين بالله لاني ما عندي ثقة بيج بعد
- لا تظلمني
- انت اللي ظلمتي نفسج من الاول
- اعرف والله اني احقر من انه تسامحني بس مالي غيرك ما عندي احد يحميني مثلك ولا يكون يمي ويوكف وياية
- الله هو اليحمي اني وسيلة مو اكثر بس لو فعلا جنت سندج و واثقة من انه راح اسوي كل شي حتى استر عليج جان جيتي وكتيلي كل شي من الاول
مو سويتيني مضحكة وتصغريني هيج
- وهاي اني جيت اصلح كل غلط سويتة واعترف بي اريد ارجع غزل القديمة
- غزل ماتت الكدامي هسة وحدة ثانية ما اعرفها ومو ممكن ترجعين ميت
- امير سامحني مستعدة اعيش خدامة الك طول عمري والله حتى لو تريد تتزوج علية اخدمك انت ومرتك وجهالك كل الاريدة اموت واني يمك وانت مسامحني الله يخليك
- الماس كامو ينتبهون علينا كومي وكافي بجي هذا كلة جذب واني مستحيل اصدكج بس حطي ببالج راح تبقين على ذمتي لحد ما اني انهي هاللعبة اللي انت لعبتيها علية ومو انت اللي تنهيها
- قابلة وراضية لو تكلي اذبحج مراح اعترض
طلعنا من الامام وباوعتلة نظرة اخيرة ونخيتة يوكف وياية ويمي ما يتركني ويرجع امير الي سلمت على الكاظم فدوة لاسمة وطلعت ورة امير
صافن وساكت وعيونة كلها حجي وبجي جنت متخيلة حيثور علية وحتى يضربني بس مسوة شي نوب عذبني بسكوتة خلاني اكل بروحي بس ميخالف مدام يمة ووياه اني قابلة
مشكلتي حبي الها فوك كل شي بس انجرحت و جرحي صعب الاحبها وطول عمري اتمناها وبقيت انتظرها هي بدقايق سلمت نفسها
مو مشكلة لو كايلتلي احبة وتركتة او تركني الحب ما بي لوم وما اكدر الزم كلبها عن حب اي احد وهي مجانت تعرف بحبي الهة
بس الصار اكبر هو نصب عليها و قررت اعرف منها كل شي عنها
اللي هو اخذة منها يسواه ويسوى اهلة وعشيرتة والا انتقم منة لهذا الحقير
مفكرت بيها ابد ولا قررت شنو اسوي وياها يمكن اقصى شي اسوي ما احجي وياها
وكتلها حرمتي علية حرمة خواتي حتى اوجع كلبها
برغم هي تكول اني اصير خدامة عندك
من رجعنا خليتها تحجيلي كل شي اول متعارفو وشون سحبها الة وشلون قنعها بهاي العلاقة وشيحجون وكالتلي عن كل شي حتى النومة بالتلفون وحجتلي شون صار اللي صار بينهم وعنوان الشقة كل شي بالتفصيل ومن انسى شي هي تجي وتحجيلي
بداخلي عصبية و نار تحرك الاخضر واليابس بس كدامها ابين نفسي مسيطر وبارد و هادي كلش
متحط عينها بعيني نظراتي صايرة تخوف
ومعاملتي الها بالبيت حتى امي مستغربة منها
وما ردت يشكون بشي فطلعت بيت وحدنا بس قريب على اهلي
ما يجمعنا لا فراش ولا كعدة ولا كلام ولا شي
هي تطبخ وتنظف وتغسل هدومي مثلها مثل اي مرة ببيتها
واني اجي واكل وابدل واطلع او ابقى بالبيت بس ما احجي وياها تحاول هي بس ماكو امل
الشي الوحيد اليجمعنا هو الكلام عن هالموضوع
