#مئةجلدة14
Shahd Alsalman
واخيرا خلصت منها تورطت ورطة وياها الحمدلله تزوجت وفكيت روحي من هالمشكلة
ولو جانت تخبل بس متسوة واحد يسوي مشكلة ويا اهلة علمودها
بعدين اني ابويا عصبي واذا عرف راح يحرمني من مصرفي والسيارة
كوة طلعت من الثالث وكملت رابع بس جانت اكو وحدة عاجبتني بكلية غزل وعلمود لا تشوفني هواية وياها كمت ما اروح اخر فترة الا اتاكد من غزل متداوم يالا
حاولت هواية وياها بس ثكيلة حيل وصعبة ولو يجوز هي بس بالبداية وبعدين تصير مثل غزل
مرات جنا نتجمع بكروبها وطبعا بصفتي صديق علي مالي علاقة بينا كدام الناس هي مجانت تقبل واني هم عادي عندي بعد احسن
فاكعد اسولف ويا البنات الموجودات وهي تسويلي طبل ومزيقة من نرجع
وصرت اضوج منها ومن ملحتها هي كلها شهور تعرفت بيها عليها واني مليت منها
بطبعي اريد اغير واحب اجدد اريد وحدة تعبني حتى صدك تجبرني احبها
بعد ما تفاركنا اني وهي جانت عاجبتني البنية اللي بالكلية كمت اراقبها من البيت للكلية ومن الكلية للبيت يعني ما عدها شي وهي حلوة
حاولت وياية غزل هواية حتى نرجع سوة بس ما ردتها ونهيت كل شي بكل بساطة جانت هواية تذل نفسها وتتتوسل وتدزلي نور صديقتها بس ما اريدها
وما تكدر تجبرني على شي لان عايش حياتي حر ما اريد ارتبط بس احب اتونس واتعرف على اي بنية اذا هي جانت غبية وصدكتني من كتلها احبج فهاي مو مشكلتي
صارت تهددني من حست بية دا اريد هاي البنية وتتوعد من هددتها يالا تركتني و حلت عني
خابرتني كالت اريد اشوفك لوحدنا وكتلها تعالي للشقة اني هناك كلت بلكت اتونس وياها بس طلعت كاشفتني علمود البنية
- محمد شعندك واكف ويا البنية
- شعليج ؟
- اني غزل شنو نسيتني هيج بسرعة
- غزل البيناتنا منتهي ومالج علاقة بية حجيت وياها او ما حجيت
- هو شنو انتهى بعد هالحب وبعد كل شي صار شون تعوفني انت مخبل
- اي وشنو يعني والله انت امرج غريب حالج حال البنات الكي حل لروحج واعتقيني اني ما اريدج
- والله يا محمد الا اخرب حياتك والا اكول لهاي البنية عن سوالفك كلها قبل لا توكع الفاس بالراس
- كوليلها و شوفي الفضايح اللي راح تنزل عليج من باجر
- شكد حقير وتافه مو صوجك هو صوجي اني غبية
- اني مدا اهددج هيج دا احجي جديات وكل شي يخصج ترة موجود واكدر افضحج لا تنسين
- الله ينتقم منك سلمتك بيدة وياخذلي حقي منك
- اهووو روحي بابا روحي
- لا تلزمني وخر ايدك عني حقير
- ديلة يلة الله وياج
- اي الله وياية وميتركني وحتشوف شون ينتقم منك
- هسة طلعتي انت الملاك واني الشيطان
- لك اني لو ملاك جان ما حبيت ولا عرفت واحد نذل مثلك ما بريت نفسي ابد بس اني ما صرت حقيرة مثل مدتسوي
- خوش اني حقير وتافه مو
- فوك متتصور الله ينتقم منك
فقدت وضربتها راشدي جريتها من شعرها وكتلها تبعد عني هي مصدومة من كلامي ومني
بجيها وخوفها واضح بس اني صدك ما اريد اسويلها شي اصلا ملازم عليها اي شي لكن اريدها تروح عني وتركتها وطلعت من الشقة
وجانت هاي اخر مرة اشوفها بيها بعد فترة شهرين اول اقل ما حاسبهم سمعت بيها انخطبت ضحكت بداخلي وكلت صدك حظ ....
بس يلة احسن خلي تروح وتشوف حياتها اني اهلي اذا درو يعلكون مشنقتي ويحرموني من كل شي
سمعت من علي انه هي تزوجت بعد ما كملو امتحانات عود جاي يواسيني لان هو يعرف بعلاقتنا بس كتلة عادي وما اهتميت كلش حتى هو استغرب فكتلة شسويلها اذا اهلها جبروها بي اني الف وحدة تتمناني هو همين سكت ومكال شي بعد
اني ما انكر مرات اشتاقلها واحنلها هي جانت كلش تهتم بية وتراضيني واني اتزعل عليها طيبة بس غبية وفطيرة كلش
حتى مرات اتذكر شغلات تكولها واضحك بس خلص بعد كل شي انتهى واكو هواي غيرها
طبعا احنا تفاركنا لان والدي مجان راضي بيها وعائلتنا متزمتة اني الوحيد اللي ادور علاقات حتى خواتي ميخليهم ابويا يداومون للسادس ويكعدون ماكو بعد كلية ولا شي واللي تجي قسمتها ينطيها ما يسالها اذا راضية او لا وبالنسبة لاخواني نفس الحال هو اللي زوجهم وهم عليهم ينفذون
شوية جنت شاذ بينهم اني وما اتقبل كل شي ولهذا السبب جنا نتعارك اني واهلي هواية
فجبرني انه اخطب وحدة واني عادي كلت خلي اقبل واكول اي اخطبها وعود براحتي علاقاتي او البنات مراح هي تاثر علية
وقبلت وراح خطبها الي ولبسنا الحلقات البنية ايه من الجمال وكل شي اتمناه بيها
شخصيتها قوية برغم هي 18 سنة كمت اتلهف عليها
صح مجنت مقتنع بس هي خجولة وثكيلة نكدر نكول هي اللي سحلتني وراها وجابتني للطريق هالمرة جانت غير شكل
اسمها جلنار تشبه جسم غزل هم مربرب ومتناسق وعيونها ملونة والشعر طويل هي كردية وبنت صديق وشريك بابا
جنت اروحلهم زيارة متقبل الزم ايدها او ابوسها وتتعصب وحيل ذكية وشكلها متوكع بالحب بسهولة بس لازم اظل وراها حتى تحبني اني ماكو وحدة متوكع بغرامي حتى لو مرتي
