زاوية منفرجة

١

_يااا هديل ...
_يا بت يا هديييل ..... 
* ايوة معليش كنت بنضف في الحمام
_اسمعيني انا الملاية دي ما عاجباني
*بس انتي اخترتي دي و قلتي لي فرشيها
_ااي عارفه ، لكن لمن فرشتيها م عجبتني 
كدي تعالي افتحي الدولاب دا 
*طيب ... اهاا 
_اممممم كدي طلعي الصفرا دي 
* دي ليها 
_فريها ..
* اهاا فريتاا ..
_امممم م حلوة ياخ افرش اصفر ، اامممم كدي شوفي البنفسجية ديك 
* دي ؟ 
_لالا التحت تالت وحدة من تحت 
*طيب ، اهااا 
_فريهاا
* ( اللهم يطولك ي روح ) 
_قلتي حاجه ؟
* مم هههه لالا كنت بقول حلوة ،
_اممم بس م عجبتني خلاص شوفي الحمرا ديك 
*معليش يا دكتورة منى ، لكن والله انا الدولادب دا تعبت فيهو شديد م صدقتا رتبتو
_ اجي اجي اجي يا بنات امي ، عاد دي شغلتك يختي تطبقي مية مرة قروشك و بتاخديها علي داير مليم 
*انا اسفه م بقصد شي ، بس لانو عندي بلقي شغل كتير في الشقه و دكتور عمر فضل ليهو ساعتين ويجي ، قصدتا ليكي انتهي وامشي عشان كل حاجه تكون جاهزة
_ايواااه ، قلتي كداا ، طيب فرشي الحمرا ديك و بخري الاوضه دي وجري الباب وراكي ، و لمعي المرايه دي تاني عايني ليها غبشه كيف ...
*حاضر
( فرشتا الملايه ، و رجعت طبقت الملايات ورجعتهم و لمعت المرايه ، و جيت طالعه بخرتا و جريت الباب ) 
ماشه علي الحمام اتم باقي شغلي ، قالت لي خشي المطبه اول ، قلت ليها :
*انا خلصتا المطبخ اول حاجة 
_ لا م نضافه ، في سجك دايراكي تحمريهو لي و تعملي لي جمبو سلطه زبادي
* بس ي دكتورة انا زمني ضيق و ياداب و عارفلني ساكنة بعيد ياداب الحق اخلص الحمام و بقا طالعه ، و غير كدا بكرة عندي جامعه .. 
_ ' بصوت عالي ' دا شنوووو دااا 
طالما ما فاضيه للشغل و ما قدرو مالك جابرة روحك يختي ، خليهووو و في مليون غيرك تتمني تعتب شقتي دي ..
*الحوجة ، والله ما يحوجك 
_امشي غوري من قدام وشي ، بلا ياخدك
* قلت في سري ( الله يسامحك) 
خلصتا شغلي كلوو ،
وعملت ليها الاكل ، جيتا كانت الساعه 7:30 مسا ..
قلت ليها انا انتهيت عايزة حاجه قبل امشي ؟
قالت لي ، لا بس جيبي المخبر دا ختي هنا و رشي من المعطر دااا ،، قلت ليها جداً
.. تاني في حاجه ؟ 
قالت لي لا ،، قلت ليها انا عارفه ان راتبي فاضل عليهو يومين لسه ، بس محتاجاهو ، اجيب طلبات ضروريهّّ، 
قالت لي جيبي شنطتي ديك ... 
مشيت ناولتها الشنطه ،، طلعت لي قروش ، قالت لي دا نص الراتب ، لمن عمر يجي بكرة بديكي الباقي ،، مديت ليها يدي 
#اتخيلو عملت شنو ؟
انا مادة ليها يدي ، جدعتا لي تحت رجلها 
وقفت بعابن ليها ، قالت لي دنقري شيليها سوري وقعت من يدي ،،
وانا عارفه انها م وقعت من يدها ، لكن الحوجة الله لا ضوقكم ليهاا ،،
اتعاملت بتسامح مع الموقف و قلت ليخا ولا يهمك ، رغم انها وجعتني ، وبالجد حسيت بكره تجاها في اللحظة دي ..

وانا ماشه علي الباب ،، فجأة باب الشارع فتح، وبقت تصرخ من الفرححه ، وكوركت عمررر انت جيت ، حضنو بعض وانا واقفه واظن زاتو م شافني ،، 
وقفتا من غير م احس بقيت بعاين فيهم ،، ّشفت في عيون زوجها قدر شنو هو بيحبها ،، قال لي ازيك ؟ 
قلت ليهو انا بخير حمدلله ، وحمدلله علي سلامتك .. 
قالي الله يسلمك اتفشلي اقعدي ،
مرتو قالت ليهو : ( هي كانت طالعه )
قلت ليهو بضبط كدااا ،، ( بالجد زوجها حسيتو زوق عنها وما بيشبهاا ،) .. طلعت وجريت الباب وراي ، ياداب الحق اصل البيت قبل ابوي يجي .. 

انا بمشيها كداري لحد البيت ، نص ساعه مشي ، عشان م اصرف القروش المعاي ، و منو اضعف شوية ، انا ما سمينه لكن رغم ظروفي السيئة عندي هوس الجمال ، رغم اني حمدلله ربنا رزقني بكل معالم الجمال الممكن تتخيلوها ، بس ف نفس الوقت انا عاديه ... 

وصلتا البيت 
شفت اللوري حق ابوي براا ، انا خلاص قلبي دا داير يقيف ، بس قعدت استغفر وادعي ، فكرتا اخش عن طريق بيت جيرانا واتلب بالحوش ، تاني قلت لا اهير اخش عديل بس ،، لزيت الباب كداا ، بقيت بتلفت 
شفت نور الحمام الرجالي مولع بس عرفتو ياداب وصل قدامي ..
جري دخلتا الاوضه ، غيرتا ملابسي سرعه سرعه ، جات اختي 'هدى' ،، قالت لي سجمك ابوي قبل شوية سأل عنك ، قلت ليهو نايمة ، خفتو يجي داخل الاوضه الليله كان كسر راسنا ،،، قلت ليها ووووي
ياخ انا من سفت اللوري قلبي دا كان حيقيف 
، حمدلله ،، قلت ليها ، امي و هند وين ؟؟

باك للاستككانة💜~

يتبع ....