زاوية منفرجة

١٨

انا هنا جهزت ليها الاكل، و طلعت الصاله مسحتها ، جاتني قبل انتهي ، قالت :
_يا .. احم هديل ( طبعا م حصل نادتني بأسمي)
* نعم 
_الساعه 1:55 بعد دا كفايه امشي عشان الزمن
*حاضر بس لسه م مسحتا هناك 
_امشي انتي سرعه و انا بمسحو براي 
*تمسحي انتي !!!!!
قلت في سري الليله ما براكي يا دكتورة مني امرك عجيب ، ياربي ضيوف شنو ديل ولا الحاصل شنووو ، علي العموم انا مالي ومالها انا لي بي هدفي الدايرة اصل ليهو .. 
_ايوة ، يلا اطلعي امشي سرعه 
*😳😳😳 طيب طالعه .. 
لملمتا حاجاتي سرعه و طلعت كانت 2:00 
الشمس تسوي كدي👋 ، المهم 
قلت اخد لي ركشه بس والرصيد الجاني دا رزقي وجاني لحد عندي ولحد اسي مافي زول اتصل علي ،، 
وقفت لي ركشه ، سرعه ركبتاا ، طبعا المسافرة قريبه (حفظتوها ههه ) اهاا عشر دقايق كنت جمب البيت ، لقيت هدي لابسه التوب و واقفه جمب باب الشارع ،، قلت ليها ماشه وين ؟ 
قالت لي امي عندها علاج ناقص اتصلت عليكي كتير م بتردي عشان تجيبي معاكي ، لمن م رديتي لبست توبي قلت امش اشوفو لانو مواعيدو الساعه 3:30 ،، 
فتحت شنطتي م لقيت التلفون حقي ، بس اتزكرتا انه في مسطبة المطبخ نسيتو يا الله ، قلت ليها بس دقيقه ، جريت احصل بتاع الركشه قبل يمش بعيد لقيتو طشا ،، جريت لقيت لي وحدة تانيه جري ركبتاا ، وصفت ليهو ، بس نزلت جمب البيت اترددتا ادخل بس قلت اقوليها من برا تناولني ليهو ،، وقفت خبطت الباب مافي زول فتح وسامعه صوت اغاني ،، وقفت مسافه ان زول يفتح لي مافي .. 
(في بيتنا ) 
يا هدي مالك واقفه كدااا بسم الله ؟ 
م بعرف كنت طالعه لقيت هديل جات ، خشي جوا يا امي من الشمس دي ،، قالت لي سمح انتي زاتك خشي انتظريها جوااا 
قالت ليها يا امي قلت ليها اسي بتجي عايزة امشي معاها الصيدليه ،، قالت ليها يمكن تكون مشت تجيبا ،، قالت ليها لا مستحيل لانو م سالتني ياتا في حبوبك حتجيبا كيف و هي م عارفة اسم الحبوب ،، طيب م تقيفي كتير كداا ،،طيب ي امي .. 

اما انا واقفه و واقفه ،، و مترددة و م عارفه اسوي شنو ، اذا دخلتا الضيوف حيكونو في الصاله ، يعني حيشوفوني و ف نفس الوقت مافي زول بفتح لي ، بقيت بين نارين ،، قعدت اخبط شديد يمكن من صوت الاغاني م سامعين الخبط دا كلو .. 
اتزكرت لمن رسلتني للرصييد قالت لي شيلي معاكي المفتاح النسخه خلي معاكي .. اووووف ي رب يكون معاي ، فتشت الشنطة دي لمن لقيتو ، قلت اسلم حل اخش براحه
و يمكن الضيوف اتاخرو ،، فتحت الباب براحه و بقيت بتسحب ،، عاينت ف الصاله لقيتا فاضية كو كرووو ، اتسحبت براحه في الممر ، الممر دا جمبو ف الغرفه الكبيرة ،، ماشه كدا حسيت بحركة ،، اتخيلو بس شفت زهرة ماشه علي الصاله التانية ،، قبيل مش قالت لي زهرة م حتجي الليله ، و كانت لابسه لبس غريب كداا ،، قلت انا اصلوو ما علي بس المهم اجيب تلفوني دا بأي شكل .. 

انتظرتها لمن بعدت من السكة جري خشيت المطبخ ، و سامعه اصوات كدااا ما ياهاا ، بس قلت استاذ عمر جا و وهو المع الدكتورة ف الغرفة زيهم زي اي اتنين ،، 
خشيت فتشت تلفوني دا اصلو م لقيتووو ، وانا متأكدة انه كان هنا ، بس اتوترتا ..
بقيت بفتش ، للدواليب الادراج فتحتها ، طلعت براا قلت اشوف يمكن فوق الغساله ف الحمام .. عشان اصل الحمام بمر بي جمب باب الغرفة والباب متاكا .. 
بس قلت بسرعه اخش م حعاين عشان م اتردد م صح اعاين ليهم ،، والله م عارفه شنو خلاني اعاين والباب موارب ، شفت رجلين و الاتنين رجلين مرة من المناكير، رجل فيهم رجل دكتورة متي من المناكير الاحمر ،دعكت عيوني و نعلت الشيطان المشكله متجمدة ف مكاني ، بس علي اليعترني 
دكتورة مني انعكست علي السرير ، و وشها جا علي الباب ، وهي زي م الله خلقا ... 

اقسم بالله ندمت علي اللحظة لانها اتحسبت علي ......

قبل الاستككانة والله انا عارفه نفسي مقصرة في الكتابه و ما بحب ما انزبط في مواعيدي معاكم ، بس اموري جايطه سفر و دوشه فاا اعذروني عليكم الله وطولو بالكم علي ، و م تضغطوني بي رسايلكم ،، حقكم علي تاااني🌷 ...  و الما  قادرين يقرو هنا براحتهم حتلقو رابط قناتي في التلقرام موجود في صفحتي .. 

استككانة🐒~ 

يتبع .......