زاوية منفرجة

٢٠

المهم دخلت الفيس ، و بفتش في الرسايل ، فعلا لقيت رساله فيها : 
انا بتأسف لانقطاعي عنك ، و عيد ميلاد سعيد و بتمني تكون هديتي عجبتك ،، طوالي رديت قلت ليهو : الهدية دي منك انت ؟؟ 
علي العموم انا حختفي اليومين دي تلفوني ضااع و م خقدر اخش الفيس ، اسي داخله من تلفون صحبتي ، انتبه علي نفسك و سلام ،، اديتا تلفوناا 
قلت ليها : 
* انا بطلع بعد دااا 
_والله حتي القعدة معاي بقيتي كارهاها يا هديب سبحان مغير الاحوال
*انتي عارفه كويس انا كدا ليه و اظن بينا اتفاق قبل كداا
_ايوة بينا اتفاق بس م اتفقنا انك تتغيري علي انا صاحبة عمرك يا هديل 
*عارفه كدا معليش نفسياتي زفت الايام دي
_صحي هند بقت كيف ؟
*والله زي ما هي ، لكن كلو بييسر باذن الله يلا انا بمشي اسي ، محتاجه استجمام كدا 
_طيب قبل تطلعي ي هديل ، انتو ما تشوفو طريقه اسألو عن ابوكم دا الموت من الحياة م معروف ..
*الموضوع شاغل بالي برضو الموت من الحياة م معروف علي قولتك ، بشوف زول من اصاحبو ان شاءالله
_طيب اقعدي ياخ
*لالا ، انا بمشي يلاا 
_طيب خليني اقدمك
*تقدميني شنو يا بتي امشي انستري
_طيب يلااا ... 

طلعت علي البيت ، الكلام دا كلو حصل 
لمن رجعت البيت كانت الساعه 8:00 ، مشيت لأمي ، طبعا هند بقت قاعده مع امي 24ساعه، قعدت جمبهم وعيني في هند راقدة ف سرير امي ،، قلت ليها امي :
* في زول ممكن نسأل منه ابوي ؟
_سبحان الله
*امي انا عارقاكي دايرة تقولي شنو
_اي انتي اكتر وحدة اتأذيتي منه و اسي انتي الوحيده الشاغله بالك بيهو 
*اي ي امي في النهاية هو ضل البيت رغم كل شي بيعملو ورغم كرهي لسماع صوت اللوري لمن يجي و نكتئب ، بس غيابو فرق هو ابوي ربنا وصانا علي بر الوالدين ..
_طيب هو عمل شنو ليكم كأولاده ؟ اخوكي طافش لحد يوم الليله م بعرف اراضيهو وين بسببو وبسبب معاملتو الكعبه ..
*امي معليش نحنا نبقا احسن بعدين دا طريق سفر ما معروف الموت من الحياة
_طيب ما بعرف زول من اصحابو ولا من سكتووو ..
*طيب ي امي ، انا ماشه انوم عايزة حاجه ؟
_سلامتك يا بتي ..

لحد هنا مافي اي حاجه تزكر، تاني يوم طوالي كالعاده جهزت ولبست و مترددة اتعامل كيف اذا شفت دكتورة مني في وشي
تاني قلتا اتجاوز بس ، فطرتا و طلعت ، مشيت برجولي لمن وصلتا , خبطت الباب ، هه فتحت لي زهره ، صبحت عليها و سلمت و انا ابرد مني مافي زي الماحاصل شي ،، دخلت لقيت دكتورة مني دي راقده في كنبه و شكلها عيانه ،، سلمت عليها و اترددت اسألها بس قلت يمكن بتمثل عشان تأثر فيني قايلاني يمكن حكلم دكتور عمر .. اها وانا داخله علي شغلي ، قالت لي اقيفي قبلك ،
وقفت و قبلت عليها ، قلت ليها خير ؟
قالت لي طلعي الدهب !
*دهب شنوو ؟
_يا هديل الكلب بطلي استعباط (حرفياً كدا)
*هديل الكلب !!! كأنك اسأتي لابوي !!ّ
_و اسيئ لي اهلك كلهم 
*طيب حالياً انتي بتتكلمي معاي انا دخلت اهلي شنو ؟
_ما عرفو يربوكي 
*هاهاهاهاهاها ماشاءالله والله ونعم التربيه علي اساس عرفو يربوكي انتي !
.. جا عمر من جوااا ، قاليها انا مش قلت ليكي ما تظلمي ساي ، انتي ما عندك دليل ، وراجعي نفسك محل ختيتي دهبك وين ، في اللحظة دي هي كانت ماخدة قرارا عن شي انا اصلا ما بعرفوو نهائي ، والشرطة جابتا لحد البيت طبعا بي صيتا وسمعتا .. بس قبل الشرطة تجي ، عمر قاليها فتشي كويس هديل لو عملت كدا م حتجي راجعه البيت دا تاني و ظاهر عليها خلوقه انا طالع الشغل واحتمال اتغدا عند امي ،، بالله عمر طلع من هنا ، جو جماعه من هنا حسب الفهمتو شرطه انتو متخيلين ! وانا واقفه م فاهمة شي 
بس قالت ليهم زي ما كلمتكم دي خدامتي وانا شاكة فيها لاني مسكتها في البيت في وقت ما وقت شغل ، جات في مواعيدي المفروض اكون متواجدة فيها في العياده ّدي كلها دلايل وغير الدليل الاكبر بس سوقوها من هنا واعملو الازم انا حقي م بتسامح ولا بتنازل فيهوو ... و انا خشمي دا علي اصلي ما سالتها مخلوعه ، و زهرة دي واقفه بعيد ، م حسيت الا بنفسي مجرورة لعربيه و فجاة في قسم شرطة ..
لحد ما جا وقت التحقيق عن الشي الانا ما بعرفو داا، و بيسألوني و بيعاملوني بعنف شديد حتي لو عندي اجابه او اي دفاع عن نفسي بلقاهو راح لي ، طول الرقت انا ساكته و مختوتة قدام الامر الواقع .. جات الساعه 8 بليل و انا علي نفس الحال يسالوني و يجاوبو هما ، بس يقولو لي اطلع الدهب ، و م كنته برد نهائي زي الدخلت في صدمة اخر شي دخلوني في حجز حق حريم ، فيهو زي 15 وحدة شوفتهم براها سجن ، انا اول مرة في حياتي اخاف كداا ، انا قاعده في المكان الغلط بسبب شي انا ما بعرف عنه حاجه والله .. 
(في بيتنا ) 
اختكم دي حتمرضني اكتر من ما انا مرضانه ياخ ، استغفر الله يا رب 
نفس الحصل من كم يوم اسي بتكررو تاني م معقوله تلعب و تحرق اعصابنا بالشكل دا ، الدنيا دي مابقت امان زي زمان ،
هند جمبها من سمعت امي بتقول كداا بقت تبكي و تقول ليها هديل وينا وهديل ليه ما جات .. التلاته علي قعده وحدة شالو الليل دا صباحي ... 

استككانة🐸~