زاوية منفرجة

٢٧

..
و اتفاجأ بعدهاا ، بي #وحدة جاتني مبتسمة و بتقول لي ازيك ، انا Coffee ..

قمت ناطه من الكرسي ، و مسكتني ضحكة ، قلت ليها : Coffee منو ؟
جرت الكرسي و قعدت ، قالت لي دا الانا كنت قاصداهو لمن كنت بقوليكي اني خايف انك م تتقبليني ، قلت ليها ، لحظة لحظة ، انتي ليه بتتكلمي بصيغة ولد ؟
انتي بنت ، و كيف يعني تطلعي Coffee الانا بحبو كيييييف ( صوتي عٍلا )
قالت لي :
_ وطي صوتك
* اسمعي هنا م تقولي لي وطي صوتك كل الفترة دي كنتي واهماني ، و بتكلميني علي اساس انك ولد معقوله تطلعي وهم
_اقسم بالله يا هديل البقدر اقدمو ليكي مافي اي راجل بقدر يقدمو ليكي
*اسكتي اسكتي ، م تتكلمي معاي كداا ..
_انتي وعدتيني يا هديل م تتخلي عني
*يا بت اناي دايرة تجننيني كيف ياخ دا شنو البتقوليهو داا انتي ، انتي مريضه
_هديل ، انا ما حابة كوني بنت ، بس م عندي حل من وانا صغيرة بحس اني ولد ، بحب البنات
*اسسسسسكتي ياخ ما تعيديها م تقولي لي بتحبي البنات اختشي ، انتي عازفه عملتي فيني شنو ، انتي خدعتيني بجد اول مرة احب من قلبي م صدقتا القا زول احبه ياما ناس اتقدمو لي وعلاقات انا رفضتها لانو مبدأي الحب ، جيتي انتي بمرضك دا دمرتي كل حاجة ، كيف كنتي بتكلميني بصيغه ولد كيف كيف ... م دايرة اشوفك وشك دا تاني لاي سبب من الاسباب فاهمه ولالا ..
و قمت مشيت ، ماشايفه قدامي للحظة حسيت اني عايشه في مجتمع عبارة عن صورة ، الصورة حاجه و الحقيقه حاجه تانيه ، كيف اشمعنى انا ، حوليني كلهم شواذ يا ربي استغفر الله ، استغفر الله البحصل دا لا يمكن يكون حقيقه ..
عاينت لقيتا قاعده تبكي اتخيلوو ، و بت حلات الدنيا عليها جميله جمال م عادي و شكلها بالجد بت ناس ، جسم و هيئة وكل شي فيها من اجمل المواصفات البتتمناها اي بت ..
نهائي م حسيت بشفقه بالعكس حاسه اني دايرة اخنقا انا امرق من حفرة اقع في حفرة تانية .. اها في اللحظة دي اتصلت علي هدى اختي ...
* ايوة يا هدى
_ ووووواااي يا هديل وااي حصلينا
*بسم الله في شنو امي بخير ، انتو بخير مالكم في شنو احكي عليكي الله
_انحنا بخير وووب يا هديل اتخيلي بس ابوي رجع
*مالو مد يدو علي امي ؟
_لالالا جا و جايب معاهو مرة ، قال دي مرتو و من جا داخل خرش و نهير فينا
*مرة كيف يعني ؟
_ ياخ قال مرتو و شكلها مرة استغفر الله
*طيب وامي ؟
_والله امي ولا اتكلمت معاهو حرف و قالت لينا م نتكلم نهائي معاهو
*يا حليلا ربنا يقويها ، استغفر الله ، اسمعي اقفلي اقفلي انا جايه علي البيت ، وخليكم بعاد انتي عارفه اسهل شي عند ابوي الضرب م تقربو للمرة دي خليكم في غرفتنا ،
_طيب طيب ... *قفلت
يا ابوي الله يهديك يا ابوي يااااخ متين حتعاين لينا احنا متين قلبك دا يحن علينا ، متين تبقي زي الابهات تفكر فينا و في مستقبلنا متيييين تاخد وحدة فينا في حضنك متين تجي داخل بي اكل ولا فواكه متين تحاول تسأل عن اخواني .. راجل في العمر دا مفروض يعمل لآخرتو لكن سبحان من قوى قلبك ، الله يهديك ..

رجعت بالمواصلات ،، لاني م قادرة ارجع سرعه ، متخوفه شديد و مصدومة و كل احساس سيئ متملكني شديد والله ،
متين الدنيا دي تضحك لي ،
متين يكون عندي حاجه تسعدني وتفرحني اصحا وانوم علي املها ، والله لو ما وجود امي واخواتي انا قدمت لجوء برا ، و طفشت ،، تاني اجيب ثقه من وين اقدر اتعامل بيها والله كل مشاعري متدمرة ،، حمدلله علي كل حال ، يمكن ربنا اذاني في مشاعري عشان ادق بابه واقرب ليهو ،، حمدلله ..

وصلت حلتنا .. و ماشه ورجولي ديل تقال شديد ، دايرة ابكي و الدموع غالباني ، نفسي اصرخ و ما قادرة ، امنية الوحيدة البقدر احكي ليها بس للاسف بعدنا شديد و بقيت مترددة امشي عليها ، محتاجه احكي ، محتاجة اتكلم ..
مشيت علي بيتنا ، و لوري ابوي واااقف ، دخلت البيت اواخر العصر ،، ابوي دا قاعد في الصالون ، قلت السلام عليكم و م عاينت ليهو اصلا ، قالي وعليكم السلام ..
دخلتا حتتنا في الحته البنقعد فيها جمب غرفنا ، لقيت مرتو قاعدة ليها في سرير مقابل سرير امي ، وامي متكيه ،و دي شغاله تحمر لامي و امي ما جايبه خبراا ..
مريت ولا رفعت عيني فيها مشيت علي امي بوستها و حضنتها كالعاده ، و اطمنت عليها و هند دي راقده ف رجول امي ، و هدى في الحوش بتشر في غسيل ..
مرت ابوي قالت لي ، مالك ما بتسلمي علي ؟
قلت ليها اهلا و مشيت لهدى ، لقيتا بتشر في غسيل شكلو بتااع ابوي ومرتو ..

استككانة🐒*~

يتبع ....