قمت غيرت ملابسي .. و جاتني هدى قالت لي :
_ هند بس راقدة جمب امي رافضه نطلع
*نطلع وين ؟
_هديل بسم الله كيف يعني نطلع وين
*اااااااا نسيت
*خليها علي راحتا بكرة بتتجاوز
_انتي ابوي مالو اتأخر كدا المرة دي
*اسأليني تاني م شايفاني قاعده معاكم وزي زيك ، يجي وقت يجي و كان م جا زاتو يكون احسن ..
_هديل ، هه وين كلامك انه دا مهما كان ابونا و ما ينفع نسيئ ليهو او نتكلم عنه بأسلوب ما ظريف ، راح وين الكلام دا ، اخيراً اقتنعتي ان الحقيقه فارضه روحا علينا ..
*اقفلي الموضوع يا هدي
_انتي ليه بتهربي من الواقع اي موضوع افتحو معاكي تقولي لي اقفلي اقفلي
*ما كفايه عايشنو كمان نفكر فيهو ونهري ف روحنا يا هدىّ
_طيب قومي اكلي
*م دايرة
_اكلتي وين انتي ؟
*لا اله الا الله (سيدنا محمد رسول الله ) هدى بالله انزلي من راسي خليني م ممكن من موضوع لموضوع
_تمام .. ّ
هدي زكرتني بكرهي لأبوي ، و طفوله سيئة
*باك فلاش لمن عمري كان خمسه سنوات*
امي دا كان بتعوس كسرى اتزكر كان بتبيع منها ، و بناكل منها ، اكلنا الكسرى اكتر من العيش ، عندنا اللباني بجي قبل المغرب بنص ساعه يمكن بمن يلف في الحلة مرات بجينا بعد العشاء ، اها اليوم دا جانا بدري من ضمن الايام ، وابوي كان في البيت
اللباني خبط بي عكازو ، وامي قاعده في الصاج ، قالت ليهو يا اسماعيل قوم افتح والجك في الطربيزة جمبو القروش ، انا يدي ما فاضيه ... م رد ليها نهائي
و اللبن دا لا انا لا اخواني م بنريدو ، بنجيبو لي ابوي .. امي بقت تقول ليهو يا اسماعيل قوم .. قام قالي شيلي الجك والقروش جيبي و تعالي ، امي قالت ليهو الرطل بيملا الجك تقوم تدفقو ، قاليها انتي اسكتي
مشيت شلتا الجك ، و شلت اللبن و جايه
وقفت بكورك لامي اختو وين ، تقل علي يدي وانا واقفه لمن بقت ترجف ..
اتكشح من يدي ، امي قالت لي كر علي
اجري مصمصي الجك و سوقي اخوكي ولا اختك حصلو اللباني ،،
وحات الله ابوي دا وصلني كيف انا ما عارفه و بالسفنجة وقع فيني #ضرب
ببكي و امي دي جات جاريه بتقوليهو فكها اتكشح الشر هي لسه صغيرة ، فك البت ، قاليها انتي عايزة تربيهم علي الدلع و الخيابه من اسي قايلاني بخليكي تبوظيهم ،
قالت ليهو اولادي انا بربيهم الضرب عمرو ما حيربي يا اسماعيل عليك النبي تفكها البت لسه صغيرة ، ربنا ما كاتب لينا نصيب في اللبن دا ،، خلاص فكهااا
بس فكاني و مسك في امي ، محيط بالسفنجة بس كدااا هو بيرتاح نفسياً لدرجة بيولع سيجارتو و الابتسامة تصل اضنينو..
وروني احبو كيف ؟؟
رجعني للواقع صوت رساله ، طبعا فتحتها لقيتا من Coffee ، قلت ليهو انا والله م قادرة اكتب ممكن تتصل علي ؟ قالي انا قاعد مع اولاد عمي في الشارع , قلت ليهو طيب علي مواعيدنا بكرة ، و وريني الساعه كم عشان عندي مشاوير كتيرة ،، قالي بكرة طالع رحله مع اصحابي كنت ناسيها خليها بعد بكرة،، قلت ليهو طيب ( علي رغم اني زهجتا مشتاقه اشوفو بالجد انا حبيتو شديد)
قالي انا بحبك والله ،، قلت ليهو وانا كمان ،، قالي عمرك م حتتغيري مني ؟
قلت ليها ابداااااااا دا المستحيل انا م صدقت لقيتك ،،
واستمرت الونسه .... الخ
لمن قفلتا ونمت ..
كالعاده صحيت الصباح بدري ، بقيت ظابطه حياتي علي المنبه .. فكرة الجامعه بقت مافي في بالي ، فطرتا وجهزت اموري و مشيت علي شعلي ( بيت دكتورة مني ) ..
خبطت الباب فتح لي عمر ( ي جماعه عمر دا م دكتور كذا مرة انا قلت ليكم دكتور بس لاني اتعودت علي دكتورة مني ف عشان زوجها بقول دكتور ،، بس هو م دكتور )
صبحت عليهو ، و دخلني لقيت دكتورة متي دي عيونها محمرة ، سلمت عليها لاول مرة م تشاكلني ، بس كونها م ردت دا براهو نعمة من الله .. خشيت المطبخ عمر جاني قالي ما عليكي امر بس جهزي لينا الفطور ، م تكتري كان عملتي سندوتشات وشاي بس تكوني م قصرتي ، قلت ليهو جداا
قالي مالك ما اتصلتي للشغل انتي حابه شغل البيوت دا يعني؟ قلت ليهو لا م كدااا بس اتعودت علي المكان هنا وانا م عندي شهادة اشتغل بيها ، قالي تعالي بكرة الساعه 8 ، قلت ليهو بس حتاخر علي شغلي هنا وانت عارف الدكتورة ، سكت مسااافه و مشااا ..
جهزت ليهم الفطور و طلعتو برا لقيت الدكتورة براهاا ، قلت ليها اختو وين ؟ قالت لي فوق راسي ، ختيتو في التربيزة القداما و م كترتا معاها ، قالت لي انتي منو قاليكي اعملي اكل ؟
قلت ليها استاذ عمر ، قالت لي شيليهو لانو عمر طلع ، و لا كترت كلام شلتو من جمبها و رجعتو في مكانو ، بس من جواي مستغربه هو الطلب مني اسوي الاكل ، بالجد الزول دا حاسه بيهو بيعاني منها ، غايتو انا علي بنفسي ، المهم ، رتبت المطبخ ..
نادتني قالت لي امشي جيبي لي رصيد وشيلي معاكي المفتاح النسخه الاحتياطيه، عشان تاني م تخبطي ، قلت ليها حاضر ، جدعت لي القروش في الواطه وانا مادة يدي ( للمرة التانية تسويها )..
طلعت برا ، مشيت جبت الرصيد و بي ورا البيت طوالي زي سوق صغير ، مشيت اشتريت شطه البقولو عليها هنديه ، دسيتا في جيب بنطلوني تحت العباي
ه و دخلت البيت ، اديتا الرصيد و باقي القروش و رجعتااا .. خشيت المطبخ
لقيت زهرة جات ، كدا كتمت معاي م حقدر اسوي الفي راسي ، سلمت عليها
قلت ليها دا شنو ؟ قالت لي دا اكل خاص بالدكتورة ، قلت ليها اهاااا ...
و طلعت نضفت البيت و مترقبه خاله زهرة تطلع لانو مرات بتمشي قبلي ...
استككانة🍌~
يتبع .....
أنت تقرأ
زاوية منفرجة
Short Story#زاوية_منفرجة (شذوذ حقيقية ) للمرة التانيه من قاع المجتمع ، علاقات محرمة ، نشأت كيف ؟ وليه ؟ ومتين ؟ المشكلة عامله زي البذرة ، بتزرع البذرة ، وكل ما تسقيها بالتصرف الغلط والاهمال بتكبر وتكبر وتكبر و تبقي مجموعه من المشاكل ... كل حفرة في مجتمعنا الل...
