زاوية منفرجة

٨

روقي يا امي عليكي الله .. 
ابوي جااا ، لقاهم التلاته قاعدين في غرفتنا ، امي و هدي و هنده ... عاين ليهم 
قاليهم ،، مالكم في شنو قاعدين كدااا ؟ طبعا في اللحظة دي حصل ليهم ارهاب و خلعه حد التمتمة .. 
هدي استلمت الموضوع زي م عارفنها بتقدر تسايس ابوي ، قالت ليهو ، مافي شي يا ابوي امي مصدعه شويه وكنا بنقرا ليها قران و عصرت ليها اظن ضغطتا شديد كوركت ،، اها اسخن ليك اللبن ؟ والليلع يا ابوي عامله رز باللبن يستاهلك بس رايك شنو اضوقك ليهو ؟ ( شفتو سياسية انك تدخل موضوعين في بعض هههه ) .. 
قاليها شويه كدا اسي ما داير 
و الليله اختكم دي مالها نامت بدري كدااا ؟
لانها صحت بدري يا ابوي ،، 
(قصدو اناا هديل .. قبيل من حا من الشغل هدي وهند ختو مخدات و غطوها في سريري ، و طفو النور ، لمن ابوي جا شاف سريري براهو رجع مشا ) .. 

المهم طلع ، و هدي رجعت في تلفون امنيه 
جرس طويل لمن امنيه ردت ..
* غريبه ي هدي داقه علي تلفوني
_اسمعي يا امنيه هديل دي معامكي ؟
*هدييييل !!
_ايوة هديل يا امنية
*هي وين ؟
_امنيه انتي ممجنونة ولا شنوو؟ انا لو عارفه هي وين حتصل اسألك يعني .. سلام يا امنيه سلام 
*دقيقه يا هدي انا بس مخلوعه بحاول استوعب انتي عارفه الساعه كم ؟ 
_عارفه الساعه انتو الصباح مش طلعتو سوا 
*ايوة لكن انا كان عندي مشوار لحد الثورة و اتفارقنا جمب الجامعه خليتا اخر شي كانت ماشه الشغل 
_طيب تاني م اتصلت عليكي ولا اتصلتي عليها ؟
*ابدا والله شيلتيني الهم ، طيب ارح بيت الدكتورة دي لو بتعرفيو
_يا امنيه دا م وقت قفيل مخك يعني انا لو عارفه وين بيتا حنقعد لحد الوقت داا ؟
*طيب انا حتصل عليها اسي 
_استغفرالله يا امنيه يعني تفتكري انحنا م اتصلنا
*معليش ياخ والله مخي قفل وبتكلم كداا 
_طيب طيب معليش شكلي صحيتك ، امشي نومي 
*يعني معقولا انوم بتبالغي انا حلبس توبي واجيكم
_يا بت انتي مجنونة عاني الساعه داخله 3 و بعدين دايرة تجيبي لينا الهوا مع ابوي ، روقي ساي بالله
*طيب لمن اتصل ردي لي طمنيني انا م حانوم
_طيب طيب يلا سلام .. 

اما في جانبي ، كنت واقفه ورا الباب و سبحان الله طبيعة البني آدم مهما شاف سوء من زول بيظل متوسم فيهو الهير ، دي غريزتنا جوانا عاطفه بتخلينا نحن لبعض ، يعني لمؤاخذه الغريزة دي في الحيوانات في فما بالكمم انحنا البشر اللي ربنا مكرمنا بعقل و قدرة وحاجات كتيرة نقدر نقدما لبعض ..ّ
فاا كنت خاته 99,9% ان دكتورة مني حنت علي حتي لو بعد الوقت دا كلو ف النهايه رأفت بحالي المحزن ..
فضلت واقفه ورا الباب و مادة يدي لاني ما لابسه غير القلتو ليكم .. بس 
ما دكتورة مني الدخلت ،، الدخل عمر زوجها لدكتورة مني .. قبل يخبط الباب انا كنته بقح شديد ، من شفتا ظلو و جزء من جسمو انتفضتا و قلت ليهو م تخش م تخش ارجع وحاولت الذ الباب واخليهو متاكي 
علا هو زاتو اتخلع وفوراً رجع لي وراا ..
قالي هديل .... !!
انتي هديل !! قلت ليهو ايوة 
قالي بتعملي شنو زي الوقت دا وفي الحمام ، انتي عارفه الساعه كم , دموعي ديل جو نازلات والعبرة خنقتني ، قلت ليهو بصوت مهزوز انا بردانه شديذ دايرو حاجه اتلف بيها (الحمام كلو سيراميك و مع البرودة ، البرد دخل عضمي ) ..
قالي كيف يعني اديكي حاجه ، دا كلام شنو ؟
قلت ليهو ارجوووك ساعدني و بقيت ابكي .. هو مخلوع شديد لمن بيطربق في الكلام ، مشا وين ما بعرف ، جا 
قالي مدي يدك ، مديتا والله لحد الان م عارفه دي شنو بس لبستا و برجف رجف قلت ليهو بردانة وديني البيت وديني البيت بس بقيت اقوليهووو 

استككانة 🍔~

يتبع .....