قلت ليها هند وامي وين ؟
قالت لي هند بالحيطه مع سعاد ، جايبه خلطات جديده مبالغه ، ياخ خلطات شنو يا هدى عليكم الله انحنا نلم القرش بي ذله واهانه و انتو تضيعو في كريمات وكلام فارغ ، اسي انتو لونكم دا مالو اذية وامراض وقرف ساي ياخ ...
هوووي هاا ، روقي يختي ، دي اختك ما انا
متشعلقة زي الشمبانزي من قبيل في الحيطهّ
، ياخ مالي ومالكم ، كل واحدة فيكم راسها اكبر من التانيه عندكم عقل ..
المهم اسمعي ، انا جعانه ،،، قالت لي مالك م اكلتي هناك ؟
ههه اكل وين !!!!!! مجنونة انتي
ياخ دي مرة فقر ، عندها قروش و بخيله ، بعمل ليها الاكل ولا بتقول لي اكلتي جعانه عطشانه واليوم كلو مطحونة معاها ، عادي جداً تاكل قدامي ولا كأني موجودة ،، شوفي بيتك دا زيو مافي يا هدى لو تقرضي عيشه بتقدري تستري نفسك ، علي قولة امي ( تمرق من بيتك حزين ، تلقى الفرح عند مين ..
) ، اصلاً يا هديل المرتاحين ديل كلهم كداا ، اذا ما كانو جلود و كعبين و متقرضمين وريني لقطو القروش دي من وين و وصلو للهما فيهو دااا ..
شوفي يا هدى ، في اي مكان في الدنيا دي ، في الكعب و في الكويس و في الوسط ، يعني م كل الطبقات البرجوازية دي زي ما وصفتيهم ، المهم جعانه اناا
طيب تعالي ، المطبخ ،، طالعين كداا جات هند مخمخمة كريماتا ،،
*دا شنو دا يا هند ؟
_ووووب ، هديل عليك الله خليك في حالكّ
*دي حالتك انتي الكبيرة يا هند !
_هديل عليكي الله ارحميني اسي، اصلا في الآخر ابوكي حيشيل مني القروش اخير اشتري النفسي فيهو ..
* م حأناقشك
_يكون احسن ...
( ما تؤاخذوها ، هندوية طيبه ، لقدام حتتعرفو عليها اكتر ، بس هي زي ما تقولو كدا في شي جوا نفسها يعني بقا عندها هوس الجماال ، و ....الخ )
طلعت مشيت لامي ( التاية ) ، سلمت عليها ، و ختيت ليها 150ج من القروش الشلتها من دكتورة مني ، اللي هو راتبي ...
جا ابوي داخل ، امي صرت القروش في توبا ، قاليها دا شنو ؟ قالت ليهو ولا شي ، قاليها انا شفتك دا شنو وريني....
قالت ليو زح كدا ،، قام جراها من التوب بقوة لمن صرخت ، لان مع جرة التوب اظن ضغط علي صدرها ( مسكينه ) .. قلت ليهو براحه يا ابوي ، قالي انتي اسكتي كلو بسبيك
قلت ليهو يا ابوي بس براحه مافي داعي لكدا ،و مسكت امي من كتفا ، قام لذاني و هو بيحاول يفك الصرة الفي التوب ،
وامي خاته يدها مكان الصرة ( الربطه ) ..
قلت ليها يمة زحي يدك فكيها ليهو عليكي الله ، قالت لي لا وانا اي قرش اديتيني ليهو كنت بدسو ليكي وهو بجي يشيل
ياخ حرام عليك ، حس علي دمك ياخ كفايه كفايه مرمطة و شقا ياخ كفايه تعبنا ، عمرنا حيخلص وانحنا بنعاني منك ،،
قام فك الربطه وشال القروش ولذاها شديذ لمن انا صرختا ، قلت ليو ي ابوي حرام عليك ليه انت بتعمل كدا ياخ انحنا لحمك ودمك ليه بتعاملنا كدااا ، ( قلتا الكلام دا وانا عارفه انه حيضربني وموقفي ما حيعدي علي خير )
فعلا ضربني كفين بقوتو ، حسيت راسي دا زي الاترجاا ،، ختيت يديني في وشي و طلعتا من الغرفة ،، هنادي بتناديني للاكلّ
م رديت عليهاا دخلت الغرفه و بقيت ببكي بحرقه ، انا ما ببكي عشان ضربني والله ، انا بقيت م بحس بالضرب عادي
بس زعلانه علي حالتنا ، ابسط حقوق ما عندنا ، حمدلله علي كل حال ..
( في جانب قريب شديد )
_ ايوة يا محمد
ي روح محمد انتي
_محمد انا ما دايرة معاك كلام كتير
انتي مالك بقيتي ما بتحبيني !
_محمد ، انت عارف كويس انا بحبك قدر شنو ، لكن نهاية الحب دا شنو ممكن توريني ؟ انحنا لينا سنتين مع بعض م يوم ولا اسبوع ، اسي دا انا دايرة منك رد قاطع ، وريني بتجي بيتنا متين ؟
هند ، النقاش عمرو ما بيجي بالكوراك
_ سنتين وانا بسمع فيك و بناقشك
طيب ي بت الناس ، انا شاريكي بس منتظر امي ترجع من مدني ، ومنتظر رد من اختي ..
_ تمام ، قدامك اسبوع ،، يلا تصبح ع خير
دا شنو يا هند مالك انتي بقيتي معاي كدا
_ ابوي صاحي بعد ينوم برجع ليك
طيب حبيبتي ..
دا منو كمان يا هند ؟
هو في غيرو يا هديل ، محمد معتصم
ايييك ، والله ياخ متحملك عديل الزول دا
خليكي مني ومن محمد ، مالك انتي و ابوي مالو ؟
ابوكي وانتي ادري بيهو ،
م محتاج سبب عشان يكورك و يمد يدوو
،، الله يهديهو علينا بس
والله يا هدوله انا اشك في ابوي دا بيتعاطى ليهو شي ...
يا بت عيب ، متخلفه انتي ولا شنو !! ف النهايه ابوكي ، هو لاقي ياكل لمن يتعاطى ،،
انتي جنيتي ولا شنو يا بت ، عيب مهما كان داا #للاسف أبونا ....
استككانة☕~~
يتبع .....
أنت تقرأ
زاوية منفرجة
Short Story#زاوية_منفرجة (شذوذ حقيقية ) للمرة التانيه من قاع المجتمع ، علاقات محرمة ، نشأت كيف ؟ وليه ؟ ومتين ؟ المشكلة عامله زي البذرة ، بتزرع البذرة ، وكل ما تسقيها بالتصرف الغلط والاهمال بتكبر وتكبر وتكبر و تبقي مجموعه من المشاكل ... كل حفرة في مجتمعنا الل...
