زاوية منفرجة

٣٥

جات الساعه 12 ، اتصل لي .. رديت عليهو ..
*الوّ
_هديل ازيك
*حمدلله
_كيف بقت الوالدة
*حمدلله بخير 
_ حبيت اطمن عليها يلا تصبحي علي خير
*لحظة .. 
(قبل اواصل الحديث بيني وبين عمر حابه ارفع الستار عن حاجه ، انا كنت ناوية انتقم من دكتورة مني عن طريق عمر ، كنت عايزة اخرب بيتا ، بس بعد ناخد القرارت نكتشف ان في ناس مظلومة و ماليها اي ذنب ، وانا لو عملت كدا حكون قليله اصل ، ربنا سبحانه وتعالي كفيل انه ياخد لي حقي ويكشف ليهو مرتو ، و بديت الخطه عن طريق ارسال الرسايل لدكتورة مني ، وانتو كنتو مستغربين منو البيرسل ليها و بيهددا ،
اااي دي اناا ، يوم مشيت محل الاتصالات قلت ليكم اشتريت #حاجة و ما زكرتها  ليكم ، كانت الحاجه دي شريحه جديده ارسل من خلالها لدكتورة مني .. ) ..
_ايوة معاكي 
*صوتك ما تمام 
_امم وانتي بتعرفي صوتي لمن يكون تمام؟
*لا بس الاسلوب زاتو بيكون ظاهر 
_انا تمام
*م تكون زعلان من امي 
_دي ام انا م بزعل منها ما ملامة لو عملت اكتر مني ، الظاهر انا عايش عشان ادفع تمن غلطات مرتي ، هه 
*ربنا يهون يا أ. عمر و اياّ كان الزاعجك اتاكد انها بتجوط عشان تترتب 
_ يمكن
* م يمكن ، اكيد حتترتب بأذن الله وربنا يصلح الحال 
_عندك طافه تسمعيني ولا لو حكيت حكون قليل ذوق انتي فيكي المكفيكي ،، 
* دا كلامك يا أ. عمر انا قلبي دا بشيل مشاكل الدنيا دي كلهاا 
_داير اطلقا 
*تطلق شنوو؟ منو قصدي !
_مني 
*م تتسرع كل شي بيتحل (م من قلبي قلتها بس م عايزة اكسر خاطرو )
_لينا سنين لو داير يتحل كان اتحل ، بتنفر مني ف اي شي يخطر علي بالك واستحملت كتير لكن انا بشر ولي آخر 
*م عارفه اقوليك شنو والله ، لكن م تستعجل
_ علي قولتك ربنا يصلح الحال .. 
قفلتا منوو . وعرفت ان هنا ربنا حيعاقبا بفراق عمر والله اعلم حيكون ليها عقاب ولالا.. 

*بعد اسبوع*
رجعت شغلي الاجزمت اني لازم اتقنو عشان اسد ديني ، و فعلا ماشه في تحسن يوم عن يوم ، وجدان بقت صحبتي انا واخواتي ويومياً مع بعض ، و حسام كان بيطل علينا يوم بعد يوم.. لحد مافي يوم جاا و اتقدم لهدى اختي و خطبااا .. 

فاتو تلاته شهور ، وجيت بي يوم لقيت في مكتبي ورقه ملفوفه بالطول ، زي جوابات كوريا القديمة .. مكتوب فيها :
كنت انا زاوية منفرجة ، و كنتي انتي زاوية قائمة ، لذلك لم نلتقي ابدا في مثلث واحد .. 
قريتا و ما وقعت لي ابدا ، انا م حكذب عليك طيلة التلاته شهور علاقتي بعمر كانت في حدود الشغل و للان م طلق مني . .
ف اليوم دا تحديداً طلب مني نتكلم برا الشغل ، وافقتا ،وبعد الشغل ،، طلعنا ، وكان محور الحديث كلأتي : 
*عندك فكرة لمشروع جديد ولا شنو هه
_عرفتي كيف ؟
*لانك بتستشيرني قبل تقرر 
_فعلا ، بس مشروعي الجديد #انتي 
*انا كيف م فهمت !
_طول الفترة الفاتت دي انا كنت غصب عني مراغبك ، اليوم الماتجي فيهو الشغل بحس اني م قادر اتم اليوم ، قفتي معاي في مشاكلي الشخصية والعامة ، رغم ان الفي مكانك كان كرهني ، انا يا هديل #بحبك ، شئتي ام ابيتي ، كوركتي ولا  سكتي ،وافقتي ولا رفضتي انا #بحبك ، اما بخصوص مني حقيقي وجودا وعدما واحد في حياتي بس البينا مستحيل يدوم وانا م طلقتها لانك نصحتيني كتير اني اتريث بس تريثي دا جاب لي حبك ، 
اااي اتفاجاتا بشي م اتوقعتو ولا حلمت بيهو في يوم ، بس دا الحصل ، و زكرياتي ايام خطوبة هدي ابتدت تنتح علي ،، قلت ليهو انا م بتزوج راجل مرة ،، قالي اسي اطلقا ، و طلاقي ليها دا قرار مؤجل من تلاته شهور وانا عازف ان مني مريضه وساكت ،، 
* مرييييضة !! عرفت كيف 
_عرفت كيف شنو ؟
*مرضا ولا انت قصدك شنو ؟
_ااي عارف الانتي عارفاهو ، زهرة جات كلمتني و حتي عارف انك عارفه ، و خلينا م نتكلم في الموضوع داا .. 
*ممكن ترجعني البيت ؟
_ردك اول 
*ردي م اسي ...
_طيب بعد المغرب جايكم اطمن علي الوالدة
*تشرف في اي وقت ، رجعني البيت ..