زاوية منفرجة

٤

*كدي مسافه موية الشاي دي تغلي ، اديكم نبذه صغيرة عني* : 

طبعا انتو عرفتو اسمي ، اي اسمي هديل 'اسماعيل ' ساكنة مع اسرتي في ضواحي الخرطوم ، الله يديكم العافيه كداا انحنا خمسة ، حذيفه و حاتم و هند و هدى وانا اصغر وحدة .. عمري 20 سنة و7 شهور بحب الكتب و الروايات والقرايه و كان نفسي اخش مجال الطب علي حد علمي انه بيفتح لي مستقبل و كنت مفكرة اني اساعد اهلي من خلاله بس للاسف بسبب ظروفي م قدرتا اجيب مجموع ،و دخلتا الكترونيات حاسب آلي ، و يوم امشي الجامعه وعشرة لا ، اقصي طموحاتي اني اساعد امي لانو تعبت فينا شديد وبالجد كانت المعني الحقيفي ل نوارة حياتنا الله يمتعا بالصحه والعافيه و .... 

كدي الشاي فار ، بتعرفو الجانب المظلم من خلال الاحداث ، بس فضلا مهما بلغ الشين فيني ارجوكم ما تسبوني ولا تسبو احد افراد قصتي .. 
كبيت الشاي ، طالعه من المطبخ كدااا لقيت امنية في وشي ياخ انا لمن قربتا اجدع الشاي من يدي بالجد كنت مشتاقه ليها شديد حضنتها وقعدت ابكي قالت لي : 
_يا كلبة والله اشتقت ليكي شديد 
*اسكتي بس ما تتكلمي عشان بالجد نفسي اقرصك عشان تاني م تعملي كداا 
_كدي خليني اقعد ، المطرة دقتني وحالتي بالبلاء
*عايني اودي الشاي دا الصالون واجيكي خشي الغرفه بتلقي بشكير في السرير مسافه اجي
_هوي لالا اقيفي انا بمشي لحبوبة بجيكي بليل 
*لالالا والله ما بتمشي يا امنيه ، اودي الشاي دا واجيكي يلااا 
( امنية و ما ادراك ما امنية ، دي نصي الحلو مرات بحسها اختي اكتر من اخواتي البجد اصلي ما بناديها امنية ، بس عشانكم اسي ناديتا امنية ، مسمياها #الحنينة وفعلا حنينه ، يلا امنية دي اصلاً من بنات القضارف بتجي هنا بيت حبوبتا اجازات ، يوم تكون مسافرة داا انا بفتحو بيت بكا ، هي اكبر مني بي سنة وحدة بس ياهو قدر بعض شكلا وحجماً ، هي وقفت قرايه دخلت اولي جامعه و بعداك خلتا وهي وضعهم ممتاز م محتاجه للشغل ، يعني عايشه حياتا ،، كفايه كداااا .. )

طلعت علي الصالون ، اصلو ما عاينت سلمتا من بعيد و مشيت ، امي قالت لي اجي !
يا بت مالك ، دا طه ود خالتك علوية، سلمي عديل ، هنا ياداب رفعت راسي ..
#شفتو
شفت جنة و شفت طله و شفت زول مليان محنة ، شفت فيهو الكون دا كلو ، و شفت ضحكة في نص مآسي و بابا فرح شايفاهو جاي 💙
نطرتو هي الخلتني ارتبك ، حتقولو اول مرة اشوف طه ! رغم انه كلام امي عنه بيدل علي المعرفه الشديدة ، طيب : 
طه دا ود خالتي ، لمن ما ود خالتي لزم لالا ، امي وامه صحبات من سنين ، يعني طه دا انا كنت بسمع بيهو سمع لكن بعرف اخوانه ،
و وضعهم المعيشي زينا و يمكن اسوأ .. ابتسمت لابتسامته من غير من ما احس و مشيت عليهو ، سلمتا ، و مشيت .. 
دخلتا الغرفه لأمنية ، قالت لي مالك قلت ليها مافي حاجة ، قالت لي دا منو البرا داا اول مرة اشوفو عندكمم ؟
* دا ولد خالتي كوثر لو تتذكريها 
_اهاااا هي مش اولادها الطيب و الطاهر! دا اول مرة اشوفو !
*انا زاتي اول مرة اشوفو تقريبا زي الكان في هجليج و الله اعلم .. كدي خلينا منه والله يا منويه مشتاقه ليكي شديد شديد ،
_ هههه اشتقتي لي انا ولا ل ...... 
*كلبة ، ليكي والله ياخ 
_صدقتك لكن انا اشتقت لل... ودا الجابني
*هههههه اسمعي اسمعي طبعا لي فترة شغالة عند دكتورة ، وووااي يا منوية عذبتني عذاب الجن والله لو ما الحوجة انا نص ساعه ما بستحملاا
_اوع تقولي لي شغل البيوت دا تاني يا هديل
*اسوي شنو اجيب من وين شغل؟ شغلنا وعارفاهو وابوي وعارفاهو 
_هديل انتي ما تبتي !ّ
*ياخ هنا الوضوع مختلف يا امنية ناس عن ناس بتفرق
_شوفي ما تقولي لي ناس عن ناس ولا غيرو وحات الله انتي لو ما ربنا شافك كان الكلب دا اغتصبك ومافي زول جاب خبرك انا م دايرة الحصل لي يحصل ليكي ..
*ربنا حارسني ، انا مالقيت شغل وقلت لا ، بشتغل اي شي 
_طيب رأيك شنو لو تشتغلي نفس شغلك دا بس في محل عام ، يعني محل ولا مخبز ولا اي شي المهم بعيد عن البيوت 
*حاضر مش انتي جيتي بنمشي نفتش سواا والله ما مصدقه انك جيتي ، شوفي المرة دي حتقعدي اكتر من شهرين وريتك من اسي
_اصلا زهجت من القضارف هنا برتاح
*طيب قيلي معاي الليله عليكي الله 
_لالالا بعد دا انا حقوم امشي لي حبوبه ، انا جيت من بليل مع بدايه المطرة ديك بس اانشغلت بتقفيل البيت والمرة شدت ما قدرتا اصلك ، الم هم انا بقوم بعد دا 
*خلاص علي اتصال 
_ يلا بااااي ... 

طلعت امنية ، و بقيت انا و تفكيري ، تفكيري صديقي التاني ملازمني دايماً في السراء والضراء ، صديقي البنهش فيني و انا م جايبه خبر ، بفكر ان الدنيا دي م ادتني اي شي ،، 
غير #مرضة 
ااااي #مرضة ، انا ما عارفه استفدت ولا اضررت من مرضتي دي ، رغم اني متأكدة ما استفادة ضرر ، لكن بختها خيار تاني عشان ارضي نفسي .... 
يتبع