زاوية منفرجة

٥

تفكيري دا ما ساقني اي مكان ، قمت علي حيلي جهزت غيار الجامعه ، و عبايتي البمش بيها الشغل ، خلصتهم 
الكلام دا بعد طه طلع ، جو بنات من الحلة الورانا لي هدى اختي ، طبعا هدى ممشيه نفسها بي شيل الوش والحواجب ، ولمن تلم مبلغ كويس بتمش تشتري هتش شي اساور و شي ارواج و تجي تبيعيبهم ،، طبعا قرت لحدي الثانوي بس و ماشاءالله هدى اجمل وحدة فينا ، اولا حلتنا ديل من يشوفوها يقيفو صف ،، المهم جو لقطو منها شوية حاجات و مشن ،،
امااا هند ، حيي انا من هندة ، هند دي عمرها 31 سنة لا متزوجة لا مخطوبة و دي عقدتاا و ما عندها ثقه في نفسها مهزوزة كداا ، عندها فهمين في راسلا انها م حلوة و ان زول عامل ليها عمل و فهم انها شينه داا متسيطر لدرجة م بتنضف معانا عشان اظافرا و يديها ما يخشنوو ، رجولا ف التراب م بتختهم الا بالشراب والسفنجة ، يعني حاله كداا الحمدلله بس، قرت لحد اولي جامعه تجارة و وقغت بسبب ابوي ، و ما يتشتغل الا مرات مرات هي شاطرة في الحلويات ، يعني جيرانا عندهم مناسبه ميلاد ولا وحدة دايرة تخبز ، بتجيب ليها الحاجات و بتشتغلن ليها بالجوينتات هههه ،، دي هند ... 

المهم الزمن مشى ، والدنيا ليلت و النوم جاا
انا عندي ارق شديد حاسه بحياتي جايطه شديد او هي حاجه وحدة بمعني اصح ،، وبفكر في كون ان وحدة في عمري دا ولحد اسي م عندها حبيب ولا حتي صديق يشاركني رغم اني عارفه ما صالحه للزواج ولا ان يكون عندي اولاد ..
نمتاا ، و صحيت 8 ، لبستا سرعه سرعه 
قبل اطلع جاتني امنية صحبتي مسكتني ، قالت لي :
_صباح المزازة يا بت 
*صباح الفل مالك صاحيه بدري كدا مصحكي شنو 
_انبوبتنا قاطعه جايه اشحدكم فحم
*هووي انا لبستا وبلوزتي دي بيضا ولا بهبش ليكي فحم ، دااك ليو الكيس امشي شيلي
_من يومك كلبه ، طيب انتي مالك لابسه اسكيرت كداا
*اجي ! اللبس اسكيرت كيف ؟
_م بعرف ياخ خلاص اسي القشرة دي كلها عشان الشغل 
* ههههه شغل شنو يختي ، ماشه الجامعه اطل طله وامشي شغلي 
_اسي الساعه 8:42 حتلحقي تمشي شغلك ؟
* اااي بلحق ، يلا سلام 
_ياخ استنيني 
*استناك وين ؟
_اودي الفحم دا لي حبوبة واللبس اجي معاكي
*امنيه هوي بتأخريني والله انا براي زمني ضيق 
_ياخ م حتاخر هدومي جاهزة حلبس سريعّ
*ياخ انتي حتمشي خسارة ساي كلها ساعه بقعدا ف الجامعه وبرجع للشغل
_برضو ماشه معاكيّ
*طيب اللبسي خارجيني .... ' مشت ' و طلعت قدام بابنا رايحه جايه منتطراها ، جاتني بعد 15 دقيقه ، مشبنا الشارع جري 
، صراحه انا م عارفه ليه مستعجله و انا اسلا ما عندي نية احضر اي محاضرة ..
المهم ركبنا الباص ،، امنيه قالت لي :
_هدولة انتي عندك حبيب ف الجامعه ولا شنو ؟
*برررري انتذ عارفاني 
_ طيب قاشرة كدا مالك ؟
*هه وينا القشرة ؟
_م بعرف ياخ خلااااص 
*مالك انتي دي المرة التانيه تقولي كلامك دا ! 
_ياخ بشغلا ليكي ساي ، عايني ديل ...
* ديل بقولو في شنو ؟ 
_ ههههه دردشه جماعيه في الفيس ناس ظراف شديد 
*بتعرفيهم من وين ؟
_ضافتني صحبتي معاي في القضارف من يومين ، و ما بعرف غير احمد داا، اسمعي حأضيفك ..
*بري هوي تضيفي لي شنو 
_ضفتك هاهاها ، عادي ياخ لمن تكوني زهجانه اتونسي معاهم 
*ووووووب قومي قومي قوومي ياخ فوتنا المحطة 
_سجمي ، انزلي انزلي 

نزلنا بعيد و اغرب شي بقينا نضحك زي المجانين قلت ليها الجامعه مافي ليها طريقه ، اصرت نمشي و انا وقتي ضيق قلت ليها :
*امس م مشيت شغلي و الليبه م بقدر ما امشي 
_ياخ م بنتاخر لسه قدامك ساعه ارح ارح
* طيب لكن م بنقعد بس نلف كداا 
_ تمام ...
وصلنا الجامعه ، غايتو جازفتا دخلتها معاي ، انا ف الجامعه عشان م بجي طوالي م عمدي شله وكداا ،، المهم لفينا كداا ف الجامعه ، فجاه لاحظت ل امنية دي بتعاين في اتجاه واحد مسهمه كدا وعيونا رايحه جاايه ، قلت ليها ف شنو ، اتلفتا كداا 
قالت لي دقايق برجع ليكي خليكي واقفه هنا م تتحركي ، قلت ليها لالا ماشه وين انتي انا زمن شغلي داا ، قالت لي م بتاخر و مشت جاي جاي لقيتا اختفت وكانت متوارة ،، وانا بقيت واقفه ، لمن خلاص قررتا امشي لقيتا جايه علي و تتبسم كدا احساس زوله فرحانه لدرجه كداا ...
قلت ليها مالك ؟
قالت لي ماف شي بس شفت وحدة بعرفا مشيت سلمت عليها ، قلت ليها فيها شنو لو سقتيني معاكي بدل الوقفه دي ؟
قالت لي هدوله خلاص عليكي الله ، انتي مش قلتي مواعيد شغلك يلاا ، قلت ليها طيب ..
طلعنا الشارع قلت ليها داك الباص يلااا ّقالت لي لا خليني انا عندي مشوار امشي انتي نتلاقا المسا ف البيت ، قلت ليها عندك شنو هنا ؟ قالت لي عجبتني جامعتكم بس ، قلت ليها بس م حتقدري تدخلي تاني قبيل دخلتي باعجوبه ، كانت مبتسمه كدا و بتتكلم حتي براحه و بنفس طويل ،، قالت انتي امشي انا بتصرف ،، قلت ليها خلاص خلي بالك من نفسك و ركبتا مشيت ...

طبعا زمني ضيق شديد ما حقدر اغير ، طوالي مشيت علي بيت دكتورة مني .. ّ

استككانة🐸~

يتبع .....