بعد فتحت الباب ، سمعت صوت ناس برا
قلت اكيد ديل الضيوف القالت عليهم هند ، شلت غيار من الدولاب ، مشيت استحميت و خشيت عملت شاي و رجعت سريري تاني ..
جاتني هدى ،، قالت لي :
_هدوووله صحيتي ( وجات لمست راسي)
* امممممم
_حاسه نفسك كيف اسي ؟
*كويسه
_مالك ؟
*ماااالي !
_بسم الله صوتك وطريقتك زي الزهجانه
*لا زهجانه لا حاجه ّ
_طيب
*هدى منو الجا الغرفه دي وانا نايمة لانو عمل لي كركبه وصحيت تاني م قدرت انوم ؟
_بري مافي زول من قبيل قاعدين مع ناس خالتو علوية ..
*هما الضيوف ؟
_ايوة ، امي اسي رسلتني قالت اشوفك لو صحيتي تجي تسلمي عليهم
*هوووي هوي لا بقوم لا بسلم قولي ليهم مخمودة
_بسم اللع ، هديل مالك ، براحه !
*هدى في شنو انتي ، امشي قولي بيهم م جايه ..
_اجي !!!
*اففففففففف استغفرالله
_طيب 😳
*مالك بتعايني لي كدا ؟
_ مم مالي ماشة
*دقيقه قبل تمشي وديتي لي تلفوني ؟
_ايوة لحظة , ........ هاكي
*شكرا ، كلف كم ؟
_100جنيه
*طيب ،، و طلعت
فتحت التلفون ، اول وحدة اتصلت بيها امنية ّ.
_هدوله ي قلبي
* انتي طلعتي وحدة اي كلام بالمناسبه
_ليه ؟
*ولا شي .. *قفلت فيها السكة*
رجعت لي نهائي ابيت ارد عليها ،، فتحت الفيس و بقيت بتصفح لقيت رسايل كتيرة من الدردشة الضافتني فيها امنيه ، خشيت عملت مغادرة من الدردشه من غير اي كلام ،
شوية كداا جاتني رساله من اكونت اسمو Coffee time .. مكتوب فيها السلام عليكم .. رديت السلام ، وسكت
قالي : مالك غادرتي من الدردشه ؟
قلت ليهو : اسباب شخصيه ،، و قفلت النت زاتو وطلعت منو ..
جاتني امي ، قالت لي اطلعي سبمي علي الناس بسالو منك ،، قلت ليها م طالعة يا امي قالت لي الناس ديل جاييين عشانك ،
عشاني في شنو ؟ انا بقيت كويسه م مرقدة مستشفي انل عشان يجوني ،، قالت لي مالك انتي بسم الله خالتك علوية دي بتحبيها اكتر وحدة ف صحباتي مالك اسي ، قلت ليها ماف شي ، قالت لي جو يتقدمو ليكي عايزنك لي طه ولدهم ، شافك اليوم داك وقال دايرك .. قلت لبها طه منو دا اليعرسني ؟ّ
انا اطلع من حفرة اقع في حفرة اكبر ؟ ناقصه انا يا امي , امشي قولي ليهم ما دايرة و تاني م يفتحو الموضوع دا .. امي قالت لي روقي ، اسي الولد وضعو يسمح لي عرس علي الضيق و قال حيسوقك معاهو السعوديه ،، امي انا ناقصني شنو لمن اعمل عرس علي الضيق؟و لمن يسافر السعوديه ويشتغل يحلك يا امي لمن وضعو يتحسن ، انا ما بعرسو ولا دايراهو دا اخر كلامي ،، قالت لي طيب وطلعت .. بعدها بشوية
اديت ضهري للباب واقفه ، حسيت بي يد وراي لامساني ....
استككانة😴~
يتبع .....
أنت تقرأ
زاوية منفرجة
Short Story#زاوية_منفرجة (شذوذ حقيقية ) للمرة التانيه من قاع المجتمع ، علاقات محرمة ، نشأت كيف ؟ وليه ؟ ومتين ؟ المشكلة عامله زي البذرة ، بتزرع البذرة ، وكل ما تسقيها بالتصرف الغلط والاهمال بتكبر وتكبر وتكبر و تبقي مجموعه من المشاكل ... كل حفرة في مجتمعنا الل...
