زاوية منفرجة

١٣

_ليه ما تكلميها انتي مش صحبتك ؟
*هند .. انا ما حأكلم زول كدا من غير اي اسباب ،ممكن تتفضلو عشان الزمن ولا ما ممكن ؟ 
_امرك عجيب ... و *طلعو

قاعده ، واغرب شي بالي مع طه الانا اصلا ما بعرفو لدرجة بفكر ي ربي هو اسي بيعمل في شنو و كرهني ولالا .. يمكن عشان دا اول راجل يفكر فيني او يحاول يدخل حياتي فاا احساس جديد علي .. 
مسكت تلفوني وبقيت بهبش ، حاجه من الله ذخلتني الفيس تحديداً الماسينجر ، طبعا انا تلفوني كعب ياداب اقدر اتصفح فيس من المتصفح .. 
المهم لقيت رساله من Coffee time,, اخر مرة انا قلت ليهو شي شخصي ، رد لي ، شكلك مزاجية وصعبه الله يعينك ،، حسيت باستفزاز م عارفه ليه ، قلت ليهو انت منو عشان تحكم علي ،، طوالي قرا رسالتي ورد ،، قالي انا اسمي ظاهر قدامك ، قلت ليهو امممم ، قالي جد الله يعينك بس علي فكرة 
الحياة دي ما تاقصه تنشنه كفايه الضغوطات الانحنا مارين بيها و اهدفنا ومشاكلنا وتقصيرنا تجاه حاجات كتيرة فاا بالجد ما ناقصين ، ابتسمي وابتهجي عيشي اللحظة احراجك لي او استفزازي ليكي م حيفيد بشي الليله عايشين الله اعلم لو بكرة حنعيشو ولالا .. يلا سلااام ..
ياخي انا بعد انتهيت من قرايه كلامو لي ،م كنت دايراهو يخلص بالجد زي الكنت في رحلة ، اسلوبو جميل شديد م عارفه انزعجت لمن ختم لي الكلام ب *سلااام 
قلت ليهو كلامك صح ، ادعي لي معاك ..
م رد .... انتظرتا ... م رداا .....
سمعت صوت اخواتي جو ، ختيت التلفون من يدي ، و انتظرتهم لمن جو داخلين غرفتنا بس جو داخلين فاضين م شايلين حاجه ،وهند وشها ما بتفسر ، و هدي من بعيد اشرت لي يعني اسكتي م تسالي اسي ، انا هنا راسي ضرب و حالة الغضب جاتني ، قلت ليها لا م بسكت وروني في شنو ،، 
هند قالت لي والقاليك اسكتي منو اسي ؟ 
قلت ليها وروني في شنو ! 
هدي قالت لي ابت تدينا بس ، عند قالت لي يا ريت لو ابت بأحترامم بس قللت مننا شديد والغلطه غلطه هدى ، انا مشيت معاها قايلاها اتعاملت معاها قبل كداا ، هدي قالت انا ما اتعاملت معاها قبل كدا بس البنات البجو يشترو مني بيشكرو فيها ،، قلت ليهم تمام 
انتي معاكي كم يا هند مبلغ زياده ؟ و انتي ي هدي معاكي كم ؟
هند قالت لي الساعه 4 اكيد ما بتفكري تنزلي السوق اسي صح !
قلت ليها ركشه رايح جاي م بتاخر ، هدي قالت لي لا دقيقه ،، شالت تلفونا و بتتكلم مع وحدة في اخر المكالمة عرفت ان هي امنيه صحبتي و من كلامها قالت ليها تعالي نقي و برجع معاكم ،، انا خشمي م فتحتو لانو فعلا الوقت ضيق و مستاءة شديد من وضعنا داا ..
طلعو مشو ليها ، و انا شلت تلفوني تاني و لقيت رد من Coffee Time, و بدينا ندردش بالجد حاسه بشي غريب بس نفسي اشوف الشخصية دي ،، لمن جو اخواتي تاني ومعاهم امنية و ابتدوو يجهزو و انا من سريري ما اتحركتا ... طبعا هند اتصلت بخالو و طلع في البلد برا الخرطوم .. 

_الوقت فات و جات اللحظات المنتظرة 
هند قالت لي : 
_هدوله ياخ قومي اللبسي 
*وانا اللبس مالي 
_بتبالغي طبعاً اكيد ما قصدك انك م حتقعدي مع الناس ، كفايه م معنا راجل كمان اخواتي يبقو مافيشاتّ..
*حااااضر بلبس اسي بس انا لبسي خفيف م زي لبسك 
_ عارفه قلبي قاعد يدق شديد ، محمد دا حب حياتي كفايه انه متحمل اخلاقي الضيقه طول السنوات دي ، وكمان فجاه بقيت خايفه زي الاول مرة حلاقيهو ، متوترة
*رووقي انتي واتحصني والامور حتمشي علي خير م تقلقي وغير كدا كمان طالعه قمر
_رفعتي من معنوياتي ياخ الله يحفظك لي 

انا من جواي دعيت ليها بالسعاده اخواتي ديل اغلا ما املك ، وبالجد فيهم ما بتفاهم ..

المهم فجاه كدا تلفون هند ضرب ، و ياهو محمد بيقوليها بيتكم ياتو انحنا في الناصيه ولافين بالعربية .. البت نطت و ارتبكت قالت لي هما برا برا ، انا زاتي قمت ناطه معاها ، قلت ليها وري انه كدا بابنا في ضهرو ،، بس ورتو قاليها يلاا داخلين عليكم .. 
هند من الفرح لمن بدات تدمع و بقت ترجف كداا بالجد بتحبو شديد ، جريت طلعت لامنيه و هدى قلت ليهم شوفو طرحكم الجماعه ديل جمب الباب قالو لي وانتي حتقابليهم بي بجامتك دي ان شاءالله ، ياخ انا بلبس اسي يلا ، بقينا نتجارى ، مشينا لامي لقيتا لابسه توباا ، كلمتها عشان تفتح الباب ومعاها هدى وامنيه .. جاريه علي اوضتنا كدا الباب خبط ......

استككانة🍰~

يتبع ......