قالي طيب براحه بس فهميني اذا الباب مفتوح ليه م مشيتي بيتك ! و قاعده كدا ف الحمام انا ما فاهم حاجه
و بعدين عايني الزمن اوديكي بيتك كيف وحاقولي لاهلك شنو ،، بس قعدت في الواطه وبقيت ابكي زي الشفع ..
الحصل شنو تاني في علم الغيب ، صحيت الصباح بصوت كوراك ومشاكل بصوت دكتورة مني ، عاينت لقيت اني نايمة في غرفه الاطفال(اصلا م عندهم اطفال ومتزوجين ليهم 5 سنة ، الفرق بين عمر ومرتو تلاته سنوات ) ..
قمتا علي حيلي جسمي دا مولع نار و مكسر زي الماخده علقه وكل عضله في جسمي متشنجة ، بس قمتاا مع صوت الكواريك ديك دخلت الحمام الكنت فيهو ، شلت ملابس و قفلت الباب و لبستهم ولفيت طرحتي و طلعت ،، طلعت بالجد انا م طايقه اشوف دكتورة مني و خجلانه من منظري قدام راجلااا .. بس هما في الصاله و انا عشان اطلع لازم امر بالصاله ،، قلت ليهم سلام عليكم ،، طبعا زهرة وعمر بس الردو السلام ،، قلت ليها بعد اذنك يا دكتورة عايزة باقي راتبي ،، قالت لي مافي راتب راتبك شلتيهو ،، قلت ليها انا شلت نص وقلتي الليله بتديني النص التاني ، قالت لي م حصل شلتيهو كلو ،، قلت ليها ربنا يكفيكي شر دعوة مظلوم والكاظمين الغيظ حقي بلقي قداام و مشيت ،، دكتور عمر قالي :
_ هدييييل
_هديييل بتكلم معاكي اناا
* نعم
_راتبك كم ؟
*100ج
_يعني ليكي 500
*ايوة
جاا علي لحد الباب و اداني القروش ، قلت ليهو دي زيادة عن حقي ،، قالي مرتب اول شهر ، دا كرتي كلميني بكرة ف اي وقت ،، قلت ليهو مرتب شنو ؟
قالي هديل اهلك بكونو قلقانين عليكي وامشي شوفي ليكي طريقه كمادات واسبرين اسي الكلام دا م وقتو اكسبي الوقت ... طلعت وختيت الاداني ليهو في شنطتي
قفلت الباب و الشكله رجعت تاني بالكواريك و متلكدة العملو معاي دا م حيعدي علي خير ..
طبعا مت بيت الدكتورة لبيتنا مافي مواصلات الا ركشه و ركشه وحدة مافي ، وجسمي واجعني ومولع نار بس ،، جازفتا مجازفة لمن انا وصلت البيت كنت منتهيه ، بس خبطت الباب بيديني و رجليني ، الباب فتح و دخلتا ورررب وقعتا ،،
افتح عيوني دي بالقوة وصداع تازل ف عيوني مع الحمة ما قادرة و امي واخواتي فوق راسي ، اول حاجه عاينت لامي ، قلت ليها انا كويسه رغم ان صوتي اصلا م طالع وصداع داير يشق راسي
،، قالت لي انا بس قلقانه عليكي ما يكون في زول اذاكي ولا عمل فيكي حاجه يا بتي م تدسي وريني ، قلت ليها كل الحصل الحمة دي انا حاسه بيها من وانا ماشه شغلي و تعبت هناك في بيتم والدكتورة نا قصرت قامت بابواجب حتي راجلا كان داير يوصلني انا رفضتا و لمت جيت راجعه م لقيت ركشه اخدتها مشي برجولي في الشمس دي لمن وصلتكم بحالتي دي ..ّ
حرقتي قلبي يا هديل حمدلله بس، نومي ارتاحي ، قلت ليهم ابوي سكتو كيف ؟
والله بس خليها بالنيه اتعلمنا التمثيل بي سببك .. هند قالت لي حبكت تبقي الليبه عيانه ، قلت ليها الايام دي واحدة والنرض من رب العالمين ، قالت لي الليله بالذات م عادي ولا بكرة عادي ،، امي طوالي استلمت الموضوع قالت ليها هنده دا اسي م وقتو
......
استككانة🍰~
يتبع .....
أنت تقرأ
زاوية منفرجة
Short Story#زاوية_منفرجة (شذوذ حقيقية ) للمرة التانيه من قاع المجتمع ، علاقات محرمة ، نشأت كيف ؟ وليه ؟ ومتين ؟ المشكلة عامله زي البذرة ، بتزرع البذرة ، وكل ما تسقيها بالتصرف الغلط والاهمال بتكبر وتكبر وتكبر و تبقي مجموعه من المشاكل ... كل حفرة في مجتمعنا الل...
