زاوية منفرجة

٢٣

دي امي و ديل اخواني و دي بالذات اختي ( هند ) .. 
تفتكر انك ممكن تنسي اليوم داا ... ؟؟ 

هند من شافتو رحعت وراا ، و هدي بقت تكورك انت الجابك هنا شنو ، امي مسكتا جرتا جوة قالت ليها اسكتي الجيران ، بس اتهمو انه هو العمل فيني كدا كانت صدمة بالنسبه ليهم ،، 
عمر دنقر راسو و سكت ،، قال لامي : 
في البدايه انا حابي اعتزر عن ... قاطعتو قالت ليهو عن اليوم داك ؟ احسن م تجيب سيرتو ، و عاينت لي واول مرة امي تهرشني ، قالت لي : انتي اللماك فيهو شنو و دايرة تشاكلني ، قال لامي لا ، انا جاي اعتزر بس بتك اتأذت بسبب سوء تفاهم وموضوع سرقه وانا حليت الخلاف ، اي ممكن اكون اتاخرت لكن عزفت متاخر ، انا بقول كدا لسلامة بنت من اي عقاب ممكن تلقاهو من البيت .. 
طلع العربيه جاب الكيس الاشتراهو وشنطتي ختاهم جمب الباب واستأذن دور مشاا ..
اغرب شي ان ملامح الزعل والغضب اتمكنت منه شديد وكان ظاهر عليهو ،، طبعا دخلت البيت تحقيق واستجواب وشكل من امي وهند اصلها م اتكلمت ، وريت امي اني بشتغل عندهم من بدري يعني ، بس ربك يجمع من يشاء صدفه و حزرتني من الشغل ،
طبعا جسمي كان تاعبني شديد م خلينا مراهم وعلاجات ، فاتو تلاته يوم انا في السرير بس نوم واكل .. رابع يوم بابنا خبط فتحت هدي ، لقتو عمر ، علي حسب كلاما نهائي م اتكلم معاها بس ناولا كيس صغير فيهو علبه قاليها دي تبع هديل اختك ومشا قبل ترد ليهو ،، جات جابت لي الكيس 
فتحتو لقيت فيهو تلفوني بس مكسور من الشاشه و معاهو جوال جديد ،، استغربت من تصرفو رجعت غلفتا التلفون ورجعتو ف الكيس ، لبست توب امي و طلعت الشارع قدر ما اتلفتا ما لقيتو ،، رجعت سريري و بقيت افكر انا اسوي شنو اسي ، وانا مستحيل اقبل تلفون قيم و غالي بالشكل دا ،، حاولت افتح تلفوني ، تقريبا شبه ان شاشتو اتحرقت نصها اسود .. قعدت و محتارة الم في عمر دا وين و انا مستحيل ارجع البيت داك تاني .. 

في خلال الاربعه يوم ديل انا تقريباً اتعافيت جسدياً بس انما نفسياً لا انا متدمرة شديد و ما حهدأ ابدا الا اخد حقي ، يمكن ف الايام الفاتو كنت بنتقم منها بي حاجات بسيطه شديد كأنها مقالب اطفال ، لانو انا كدا في الاساس ما شيالة اذية ، بس فكرت انا اخد حقي كيف ،
دكتورة مني دي م عندها لا عزيز لا غالي حتي شغلا لمن قل م فرق معاها لانو اصلا وضعها المادي فوق الممتاز اسست نفسها صح واستاذ عمر مااا قصصر .. 
ايوااااااااااااااا ..لقيتا ، لقيتا ، لقيتا 
، امي جاتني قاطعت افكاري ، قالت لي :
_اهاا ست البنات بقت كيف ؟
*كويسه شديد حمدلله بعد دا قعدة البيت ما حتنفع 
_هدييييييل والله والله في سماهو يا هديل ترجعي تشتغلي عند المرة الشوم دي انا ما عافيه ليكي
*امي قولي بسم الله انا زاتي ما حأقبل علي نفسي تاني ارجع اشتغل معاها ..
_اهاااااا 
*اها شنو بنزل افتش الخير موجود و ربنا بييسر 
_اسي كان اتزوجتي طه مالو بس الله يهديكي ..
*امي طه شنو ابلتزوجو عليكي الله ناقصه فقر انا ..
_طه زاتو خطب بت منال ..
*منال الوحدة دي ؟
_اي منال الوحدة دي ، بتها ساارة
*ووووب ما لقا غير سارة
_اجي ! يا بت بطلي امور البنات دي مش ابيتي ان شاء الله يمش يخطب ليو قردة علينا بس نتمني ليهو السعاده وخلاص ..
*اممم الله يسعده ..
_امين .
*امي اسمعيني انا بطلع السوق واجي 
_هديل عندك شنو في السوق ؟
*تلفوني عايني ليهو وانا محتاجه ليهو شديد
_طيب قومي اسي عشان ترجعي و م تتاخري ابوك دا ممكن يجي في اي وقت ..
*ابوي هو وينو زاتو ..
_محل م يكون يكون الله يكفينا شره 
*طيب انا بقوم 
_سوقي معاك امنية 
*لالا م بتاخر م يحتاح 
_طيب ..

لبستا لي عباية ،و طلعتا 
مشيت الطبالي ، لقيت لي بتاع صيانه طوالي دخلت ليهو ... قلت ليهو لو سمحت ، التلفون دا في منو رجا بعد دا ؟ قالي انصحك تشتري جديد بي سعرو ، قلت ليهو طيب عندي رصيد ف الشريحه دايرة ابيعو ، و بعداك فرمطو لي ،، قالي تمام ،، فعلاا شلت قروشي و فرمطتو ، خشيت الطبالي 
اشتريت لي بلوزة واسكيرت و طرحه بسعر حنين كداا ، المهم زبطت لي لبيسه كدا بال في يدي ، وخميت حاجاتي و بقيت ماشه ..

استككانة 🐒~

يتبع ......