المهم نزلت من العربيه ، و دخلت الشركة الانا اصلا م عارفه هي شركة شنو للان ..
دخلت طوالي علي مكتب وجدان ، والله البت دي دمها حار ، حضنتني و سلمت علي بحرارة كدا بالجد زي البينا معرفة السنين .. قعدت معاها ونسه م خلينا شي ، لمن جا أ. عمر ، و ضارب بوز صباح الخير ما قالا زي الناس ، شويه مافي ، نادا علي وجدان قاليها جيبي جهاز الضغط وتعالي ،، انا بعفويه قمت معاها و المفروض ادخل ليهو عشان يوريني انا اسوي شنو ،،
وجدان قالت ربنا يعينك يا عمر بصوت واطي ، حسيت زي الكأنها عارفه حاجه ، قلت ليها ممكن ادخل معاكي ، قالت لي عادي تعالي ، دخلت معاها و شمر ليها و بقت تقيس ليهو ، وانا مركزة ف الجهاز ، عاينت ليهو لقيتو مبتسم سبحان الله فرق الثرى عن الثريا لمن يكون صاري و يضحك ، نططتا عيوني ، و قبلتا ، قام قالي جاهزة ؟ قلت ليهو بقولو م يتكلمو لحظة القياس ، خت يدو في خشمو و ضحك ، بعد خلصت قالت ليهو عالي شويه ، قاليها داير قهوه مصدع ، قالت لي م بينفع بترفع معاك يا #عمر ، استقربت هي سكرتيرة ولا شنو م عارفه و بتناديهو عمر ساي كداا ، وهو عادي بيرد عليها ، قاليها سويها خفيفه قالت ليهو ما بسويها والله داير عصير ولا شاي بطلبو ليك ، عديل كدا قالت ليهو وانا منططة عيوني ، قام قاليها اها خالتي كيف ؟ّ
قالت ليهو كويسه والله سائله عنك ، اها خلينا في موضوع هدوله حنوديها ياتو قسم ؟
قاليها هدوله ي ستي حتكون معاي هنا ، شغلنا دا محتاج لغه و شهاده ، وانا وحدة وحدة بفتح عينا علي الشغل ،
تقعد مكانك وترجعي لشغلك الاساسي ، قالت ليهو ايووي اخيراااا ، قاليها ايوة عارفك دايرة ترجعي ليه هههه ، قلت ليها كيف يعني اخد مكانك ، قالت لي انتي جيتيني في وقتك ي زوله دا زاتو م شغلي انا قاعده هنا مؤقتا وشغله طويلة ، قالت لي انا شغلي ساهل ودا المزهجني م متعودة علي الشغل القليل دا ممكن يناسبك لانك ياداب جديده ، المهم تعالي معاي نفطر و اجي اعلمك الحالي و عمر بيتم الباقي ، قلت ليها اتفقنا ..
قالت ليهو يلا يا عمر ، انت فطرتا ؟
قاليها افطر وين عليكي الله وينا النفس يا وجدان ، قلت ليهو طيب تعال معانا ولا يجيبو ليك هنا ؟ ( طبعا انا بتكلم بحذر ، حتستغربو انا عمر يوم وصلني البيت هجتا فيهو وشاكلتو كأنه مذنب ، واسي بكلمو بأدب و وافقتا علي الشغل معاهو ، عمر ما عمل لينا حاجه لا انا لا اهلي ، و يوم الخطوبة اصلا م اتكلمت عنه لانو اغلبيتكم بيسالو عن يوم الخطوبة ، فيهو تفاصيل حتتعرف ) ..
قالينا لا نجيبو هنا ، وجدان قالت ليهو نعم ! عنا وين ، حضزتك انا البنضف المكتب دااا ، قاليها اسف خلاص في المكتب الفاضي البرا دا ،، المهم ، انا طلعت برا في مكان وجدان و هي مشت تجيب الفطور ، و شايفه الناس داخله مارقه في مكتب أ. عمر ..
جا واحد (شاب اواخر عشرينات) ، وقف قدامي و بعاين فيني ، قلت ليهو نعم ! قالي منن انتي ؟ قلت ليهو هديل ، قالي و وجدان ؟ قلت ليهو نزلت تجيب حاجه وحتجي اسي ، قالي وانتي ؟ قلت ليهو انا شنو ؟
قريبه وجدان صح ؟ م كنت عارف وجدان عندها بنات حلوين ،، بس سمعت صوت عمر قاليهو : محمود خير !
قام ناطي قاليهو خير بس كنت داير اسلم الحاجات دي ل وجدان وكداا ، قاليهو جيبا ، اداها ليهو و واقف ، قاليهو في حاجه تاني ؟ قاليهو لا ، ومشاا .. شال الاوراق ودخل ..
بعدها جات نجلاء ، و سمعنا عمر بيكورك في التلفون ، بيقول : اقسم بالله انتي وصلتيني مرحله ، اتحملت اكتر بكتير من الممكن يتحملو اي بني آدم ، و بالجد انتي كداا جبتي الناهية ،، و سكت .. وجدان قالت لاحول ولاقوة الا بالله ربنا ينور بصيرتك ، قلت ليها انتي صديقتو ؟ قالت لي ايوة واولاد خالات ، قلت ليها بجد ؟ قالت لي والله ..
قلت ليها طيب خشي لعمر شكلو معصب و عشان يفطر ،، قالت لي ماحقدر اتكلم معاهو اسي انتي م بتعرفي عمر ( انا هنا حسيت ان الكورة جاتني في ملعبي والله ما قصدي الاذيه لكن جات كدااا ) ..قلت ليها ادخل ليهو انا ؟
قالت لي م انصحك .. تعالي نفطر و اوريكي حاجات اساسيه ليوم الليله وبكرة تجي تقعدي طوالي مكاني ، فطرنا و بدات تشرح لي و شبه استوعبتا البرنامج ..
استقبال و رد علي مكالمات و تنسيق مواعيد.. ، م صدقتا قالت لي امشي ، طوالي خميت شنطتي و مشيت ..والله خسيت اني فاقدة امنية وبقت م بتسأل عني نهائي حتي زواج ابوي م بتعرفو ، قلت في نفسي امشي اطمن عليها وعلي حبوبة ..
فعلا ركبت المواصلات ، ونزلت قصاد شارعهم ..
و عارفين انتو قصة شارعهم ، طوالي جريت جري ، لمن وصلتهم ، كان الباب كالعادة متاكا ، اغرب شي نلس امنية ديل م عندهم اختلاط بالجيران ، زمان حبوبتا دي كانت وداعيه و من بطلت الناس بقت م بتجي ..
المهم دخلتا ، و سامعة صوت الضحك قلتا اكيد بتتكلم تلفون ،، دخلت لحد غرفتاا ، يعني شايفه ضل في الحيطة لانو غرفتا في زاوية كدا ف شويه مغممة كداا ، دخلتا
هه اصلا مكتوبه علي اتصدم علي الدوام شكلي كدااا ، و الدنيا لافه ف بعض عندي ، اااي دخلتا لقيتا بنفس المنظر بتاع دكتورة منى ، بالجد شي مغزز و مقرف ،
منظر كدا مهما حكيت ليكم عن بشاعتو م حتتخيلوهو ، بس الفرق ان البنت المع أمنية دي منووو ؟؟
الله يا دنيييييييييييا .......متابعه لصفحتي الشخصيه سحر سمير او اقريها من قناتي علي تلغرام ..
استككانة🏃~
يتبع .....
أنت تقرأ
زاوية منفرجة
Short Story#زاوية_منفرجة (شذوذ حقيقية ) للمرة التانيه من قاع المجتمع ، علاقات محرمة ، نشأت كيف ؟ وليه ؟ ومتين ؟ المشكلة عامله زي البذرة ، بتزرع البذرة ، وكل ما تسقيها بالتصرف الغلط والاهمال بتكبر وتكبر وتكبر و تبقي مجموعه من المشاكل ... كل حفرة في مجتمعنا الل...