قمتا من قدام الطشت و ملابسي بتنقط موية زي الفي حبل الغسيل ما ممصورة ، لدرجة صدري ظاهر وانا ما لابسه حاجه غير الداخلي تحت البلوزة ،، انا مستغربه من تصرفاا و مخلوعه في منظري ..
وقفت جمب باب الحمام و بقيت بنادي في زهرة , م ردت علي ، ناديت كتير و برضو ما ردت علي ، جاتني دكتورة مني قالت لي زهرة مشت خير عايزة حاجة ؟
قلت ليها دايرة اي حاجه اللبسا عشان اشر ملابسي تنشف لي شويه عشان اقدر امشي بيها ،، قعدت تضحك بي طرف مناخيرا ،، قالت لي بلاكي شنو يا حلوة ؟
قلت ليها لو سمحتي ي دكتورة الدنيا حتليل و ما بقدر اتاخر لازم امشي البيت ، قالت لي ما عندي دلاقين م دايراها عشان اديكي ليها سوري ومشت .....
قفلت باب الحمام طلعت ملابسي عصرتها و في حديده عاليه شديد موازيه للبانيو بيتعلق فيها ستارة ،، طلعت في البانيو و حاولتا شريت فيها و فتحت الشباك ، وانا عارفه لي بكرة ما حينشفو الجو رطب لانو الشمس غابت و داخلين علي المغارب او مغربت عديل ، و بردانه ما لابسه غير الداخلي ،، فكرت اتصل بي وحدة من اخواتي ، عرفت ان دي مواعيد ابوي بكون جا طلعتهم مستحيله ،، قلت مافي غير امنيه تجيب لي غيارر
شلت التلفون لقيتو شرب مويه لمن قال شكراا وقت رشتني كان قاعد في رجولي ،، حاولتا افتحو حلف ما يفتح
و هنا العشا قرب ياذن ، كل الفترة دي قاعداها في الحمام ولا فكرت تجي تشوفني وكنت متوسمة فيها الخير انها تجي تجيب لي ان شاءالله ملايه .. لكن في نوعية كدا من البشر حمدلله بس ..
الوقت فات وانا ميته من البرد و كل م المس هدومي القاها لينه و ما عارفه الساعه جات كم ، ياهو بصوت الاذان كنت بعرف بي المغرب و العشاء اذنو ، وتاني مافي شي اتوقع دخلنا في 12 اتخيلو انا قاعده في الحمام كل الوقت دااا ..
مسكت راسي وقاعده ابكي علي حالي انا المصبرني عليها شنو ،الله يحرق القروش البتزل البني آدم ، بس مسكت فيني كحه و عطيس ، بعد شوية الباب خبط ..
فتحتو ووقفت وراهو ومديت يدي ، مسافه ماداها كنته متوقعه تناولني حاجه اتلف بيها .. بس ما مدت حاجه و اتفاجأتا بزول م اتوقعتو داخل ّ
علي ......
( في جانب آخر بعيد عني)
*الووووه
_الووووو
*ايوة يا .... رزة صح كدا
_ هاهاهاهااا ايواااه رزة ( بي دلع بتتكلم)
*حي انا من رزة و صوت رزة
_امممممم
*عايزة اشوفك
_اجي ! قبيل شفتيني
*يعني شنو ديك اسي بتسميها شوفه !
_لاء م قصدي بس ..
*بس شنو ما بينفع كدااا لكن انتي دايراني وانا دايراكي اها جبت ليكي من الآخر
_هاهاهاها اموت انا في الآخر
*اها حبيبتي بكرة لو قلتي لي من الدغش بجيكي
_هه لالالا تجيني وين يا بت روقي
*اهااا تجيني انتي ؟
_لالالا في مكان حيعجبك شديد
*وصفيهو لي
_ امممم خلاص بكتبو ليكي في رسالة
*طيب يا روحي
_هههه يلا خليني انوم الوقت اتاخر
و بكرة مداومة من 9
*اجيكي في الجامعه ؟
_يابت هوي روقي كل دا شوق لي ما قادرة تصبري
*اسوي شنو لكن ..
_خلاص زي م اتفقنا حرسل ليكي العنوان
*طيب ما وريتيني متين ؟
_اممممم بتصل عليكي
*اوعي تنسي
_معقول انسااا ، يلا بااااااي
*باااي ..
(في جانب تاني )
اختكم الليله من طلعه الصباح م جات الليله وووووب عليك يا التايه وووب البت مشت وين .. يا امي وطي صوتك ابوي اسي بسمعك الليله بننوم في المقابر ، اي يا امي عليكي الله وطي صوتك ، بترجع ،،
اسمعي يا هند انتي ما عارفه وين الدكتورة البتشتغل عندها دي ؟ مش كان مشيتي معاها قبل كداا ؟
يا امي ايوة مشيت معاها لكن مافي البيت مشينا ليها في عيادتا , طيب وين عيادتا دي ؟؟ في مستشفي المبرء ،، طيب انا بمش
يا امي صلي علي النبي (عليه الصلاة والسلام) تمشي وين عايني الزمن ،، ما عشان الزمن يا هدي انا لازم امشي ،، يا امي الله يرضي عليكي وطي صوتك والله ابوي بقتلنا كلناا ..
طيب يا هدي اتصلي علي امنية يمكن مشت و نامت معاها زي ما طوالي بتعمل و م بتكلمنا ..
بتصل بيها من قبيل تلفونا مشغول ، طيب حاولي تاني ،، طيب
الليله وووب بتي ووينك يا ضناي ووينك يا حشاي انا الغلطانه والله لو نموت من الجوع ما كان اخليكي تشتغلي ووووب عليك يا التايه ووووووووب ،،
يا امي اذكزي الله ،، بتصل تلفون هديل زاتو من قبيل مقفول ، الله يهديك يا هديل مشيتي وين ..
استككانة ☕~
يتبع .....
أنت تقرأ
زاوية منفرجة
Short Story#زاوية_منفرجة (شذوذ حقيقية ) للمرة التانيه من قاع المجتمع ، علاقات محرمة ، نشأت كيف ؟ وليه ؟ ومتين ؟ المشكلة عامله زي البذرة ، بتزرع البذرة ، وكل ما تسقيها بالتصرف الغلط والاهمال بتكبر وتكبر وتكبر و تبقي مجموعه من المشاكل ... كل حفرة في مجتمعنا الل...
