زاوية منفرجة

٣٤

*ايوة عمر 
_طيب ، انا بشتغل في أمن المطار ، ومخلص
*والامجاد ؟
_الامجاد دي عزيزة علي ، من ايام قرايتي كنت شغال عليها و بطلع منها مصاريفنا لكن اسي حمدلله وضعي كويس لكن م بقدر استغنى عنها ، المهم ، عمر والله زي ما حكى ليكي صدفه بس والدنيا دي ضيقه او زي م تفولي انا مؤمن ان ربنا بيجمع ، ويولف ، ويقرب ..
*ونعمة بالله ،، ربنا يزيدك 
_اللهم امين .. 

انتهي الحديث بيني و بين حسام ، راجل حقيقي ربنا يحفظو ،، قضيت الليله دي لا نايمة لا صاحيه لمن الواطه اصبحت ،، دخلنا شفنا امي حمدلله والشكر لله في احسن حال ، كتبو لينا خروج ، مشيت ادفع من القروش الاداني ليها عمر ، لقيت الفاتورة مسدده ، ماشه علي اخواتي لقيت عمر و وجدان داخلين ، م سلمتا زاتو طوالي جريت عمر قلت ليهو انت سددتا الفاتورة ليه م كفايه ماديني قروش انت داير تعيشني في كومة ديون ،، قالي هديل روقي انا ما دفعت شي والله ياداب كنت جاي ادفع ،، طيب 
قالي جاهزين ؟ قلت ليهو ايوة خليت اخواتي بيلبسو في امي ، مشيت علي وجدان سلمت عليها قلت ليها اعفي لي م سلمت ، قالت لي بطلي عوارة ما بينا ،، 
المهم مشينا ، لقينا اخواتي طالعين وساحبين امي بكرسي العجله ، وحسام معاهم ، حمرت ليهو كداا ، فهمني طوالي قبل ، ومشا سلم علي عمر ،، سبحان الله فجأه بقو معانا ناس سبحانك يا الله مولف القلوب .. 

طلعنا براا ، طبعا امي م اتكلمت نهائي بس شامة عمر شديد ، من نظراتا ،، حسام داير يرفع امي العربيه ، عمر قاليهو الامجاد عاليه انا بركبا عندي ، انت سوق معاك البنات ، اتفقو علي كداا ، ركبو امي في عربيه عمر ،، مسكت حسام علي جمب، قلت ليهو انحنا محتاجين نمشي بيتنا حنشيل ملابسنا ،، قالي وانحنا اسي ماشين وين ؟
قلت ليهو امشي ورا عمر بس ،، قالي دا كلام شنو ، قلت ليهو م وقتو ي حسام موضوع طويل ، نوصل امي ونعرف البيت ورجعنا ، في السكة انا بحكي ليك ،، قالي تمام ،، عمر قالي لو عايزة تركبي معانا في مكان ،، قلت ليهو هند تركب مع امي انا وهدي و وجدان نركب مع حسام ، هند قالت لي انا م بركب مع الزول داا .. قدامو 
قلت لهدي امشي انتي ،، قالت لي ولا اناا .. حسام من الحيرة راسو داير يضرب و ما فاهم شي ، عشان الوضع يمشي ،
مشيت ركبت اناا .. و اتحركنا ،، قاعده جمب امي وابوس فيها واحمد ليها السلامة ، فرحانه بيها شديد الله م يحرمنا منها يا رب ، 
طول السكة ساكتين ،، لمن وصلنا .. وصلنا بيت عادي شديد .. عمر جا ينزل امي ، نفرت منو وزحت يدها منو ، عاينت نحية حسام ، لمن شافتو جا عليها ضحكت ، وخلتو شالها ، لاحظت لوش عمر جاط شديد و اتضايق .. مشا فتح الباب ، واخواتي قالو لي دا بيت منو ؟ قلت ليهم بعدين نتفاهم .. 
دخلنا ، البيت من جوة راقي و بسيط ، هو عادي من برا بس من جوة يروق الاعصاب ، حلو شديد ، دخلنا امي الغرفه الكبيرة ، و طلعنا برا ، قلت لعمر شكراا شديد وان شاءالله كلو مردود ليك ، قالي انا ماشي و دا المفتاح هنا ، وجدان قاعده ولا اوصلك ، قالت ليهو لا قاعده ،، قلت ليها قومي امشي انتي جايه من الشغل اكيد مرهقه ،، بعد جدال حتي رضت تمشي ،، حسام قالينا يلاا ، قلت لهند اقعدي مع امي حنمشي البيت نجيب حاجاتنا ولو في اي حاجه اتصلي علي .. 
سقت هدى و مشينا ،، حسام قالي احكي لي بالتفصيل ، قلت ليهو تفتكر وقفه ابوي ديك لمن امي وقعت وعدم اطمئنانو علينا دا براهو ما سبب كافي ي حسام ، وانا الطلبت من عمر يشوف لي مكان موقت واصلا انا بشتغل في شركتو وبسد ليهو مع الوقت باذن الله ، قالي انا بيتي فاضي مافيهو غيري انا واختي ، و تبقو لي اسرة زانو ، قلت ليهو م للدرجة دي يا حسام ، دا وضع مؤقت و انا حاسه بفرج ربنا قرب .. قالي اصلا انا ما حأخليكم تاني بس الليله عشان ترتاحو ،، و بعاين لي هدي اختي ، اعجابو بيها واضح شديد ..
المهم وصلنا البيت ،، و ابوي مافي ، مرتو قاعده ومعاها وحدة يشربو في الجبنة ،، دخلنا انا وهدي ، علي غرفتنا طوالي نزلنا الشنط من راس الدولاب ،
وبقينا نرص هدومنا ، اتملت شنطه ،
طلعت تاديت حسام جا شالها و هكذاا كل دا وهي ما اتكلمت ،، لحد م انتهينا لدرجة السفنجات شلناها م خلينا شي ،، جينا طالعين ، قالت ماشات وين يا مطلوقات ،، 
طبعا حسام سمعا ، ماشه عليها هرشني ، قالي هديل ، كملي طريقك ،، مشيت وجريت هدي ، ركبنا العربيه و م اتكلمنا نهائي ، اها اتصلت بي امنية ،
تتفقدني قالت لي عندي مقابله مع الدكتور ، قلت ليها امشي براكي انا مضغوطه ، قالت لي في شنو ، قلت ليها مرة تانيه وبكلمك تجينا انحنا رحلنا ، بس بقت تكورك ترحلي وم تكلميني وجوطة ، قلت ليها لو عرفتي الحاصل حتعذريني ، المهم امشي و م تفوتي جلسة انحنا متفقين ، قالت لي بس الجلسه دي لكن الجايه تجي معاي ، قلت ليها من عيوني ، يلا سلااام ...

وصلنا البيت ونزلنا شنطنا وحسام دخلها لينا لحد الغرفه ، قالنا بخش اطمن علي الوالدة و بمشي ، قالينا غداكم كيف اجيب ليكم شنو، هند قالت ليهو التلاجة مليانه ، استغربنا ، اذن دا عمر

،، قلت لحسام سلامتك امشي ارتاح بعد دا ،، دخل شاف امي ،، و شال رقمي و طلع .. 
طلع من هنا دخلنا نمنا من هناا ، م صحينا الا تاني يوم قريب المغرب ، لقيت هند وامي ديل يتونسو ياخ والله فرحتا فرح , مشيت علي امي لقيتا زعلانه مني كداا .. عرفتا بسبب عمر ، قلت ليها عمر م ليهو ذنب يا امي ، قالت لي م تفتحي الموضوع داا .. قلت ليها دا الحق يا امي الزول دا م غلط يمكن غلطو الوحيد انه سكت وقتها و ما اتكلم .. 
قالت لي نتكلم فيهو وقت تاني انا عايزة انوم ، طوالي طلعنا وخليناها .. اتصل بي حسام اطمن علي امي ، و وجدان اتصلت برضو ، ما عداا عمر ،
عدم اتصالو اثر فيني شديد م عارفه ليه .. 
حاولت اعرف من وجدان حال عمر م قالت لي شي ...

استككانة 🙊¢~ للاخيرة

يتبع .....