زاوية منفرجة

٣٣

جا حسام ، سلم علي ، أ.عمر 
سلام معرفة كداا ، لان لمن جو عمر و وجدان
حسام كان تحت .. قلت ليهم انتو بتعرفو بعض؟ .. عمر قالي لي لا ، حسام خدمني مرة في المطار ، واسطه يعني في سفرتي الفاتت و ظل محفور بالذاكرة ، بالي مشا لأنو عتل ليهو شنطة ولا حاجه .. 
عمر قاليهو اها الشغل كيف معاك ؟ قاليهو والله عال العال نحمد الله ،، عمر قالي بتعرفو بعض انتو ؟ 
حسام قاليهو ايوة دي اختي ، قاليهو يا رااجل ، لالا ما بصدقك هه هديل دي معرفه 
قاليهو والله اختي لكن ياداب بقت اختي امبارح هههه ،، و انا حكيت ليهو العملو معانا كلو ،، المهم بقو يتونسو وانا م لقبت طريقه اتم كلامي معاهوو ، لمن ازوقت اتاخر واستأذنو مشو .. طبعا قعدت المستشفي ارهاق شديد بس كايسين لينا طريقه ندخل نشوف امي ، الواطه ليلت شديد كداا ، زي الساعه 12 ، لقيت مكالمة من رقم .. رديت .
*الوووو
_هديل ازيكم
*حمدلله بخير 
_الوالدة بقت كيف ؟
*حمدلله بخير ، أ.عمر صح 
_ااي انا ، صوتي معروف كداا
*ههه اي نفس الواقع مافي اختلاف
_هههههه 
_داير اسألك ، انتي بالجد عرفتي حسام وين
*والله زي ما حكا ليك كداا ، جميلو مغرقنا واتخيل لحد اسي م فارقناا هدا ليهو قدام عيوني .. 
_والله راجل ود رجال نفس وقفتو معاي
*شال ليك شنطك
_شنط شنو ، بشتغل في امن المطار ، زول ماشاءالله ليهو مكانتو 
*عمر بسم الله ، اسفه قصدي أ.عمر ، الزول دا سيد امجاد ،و شكلو وبساطتو انسان عادي اكيد انت ملخبط..
_ ههه لا م ملخبط يا هديل ، بس عشان لا المكان لا الزمان مناسب تعرفو هويتو ، 
*سبحان الله في خلقه 
_اها يا ستي انا متصل مخصوص عشان اعرف طلبك القبيل ، لمن مشيت م لقيتي فرصه 
*والله يا أ.عمر م عارفه زاتو اطلب كيف ولا اقول شنوو بس وربي م عندي زول غيرك الجأ ليهو ودينك حيكتر علي..
_هديل من غير مقدمات 
*انا محتاجة شقه ، او بيت مؤقتاً لمن ابدا شغلي وكلو بسدو بأذن الله
_كيف الكلام وبيتكم داك وين ؟
* هه قصه طويله ، بس حالياً محتاجه امي تطلع علي بيت تاني 
_حاضر من عيوني والله م طلبتي غالي 
*عارفاك ودا العشم برضو وان شاءالله بسدو ليك ، بس اجر لي باسمك وادفع وانا بسد 
_قالي اعتبري منتهي ، بكرة انا بجي وبسوقكم براكم م حتعرفو الوصف 
*لا م تتعب رسل لي اللوكيشن واتساب
_هديل ، بديتي تخرفي ، يلا حاولي تنومي شويه عشان صحتك 
*طيب مع السلامة .... قفل 

قعدت افكر شوية في الحاصل لينا دا ، هه ابوي لحد اسي م جا و لا بعرف عننا شي يا الله ، الانكسر ما اظنو يتصلح 
وجيت علي امي شديد و بقيت راجل علينا ما لينا ... قاعده و شايفه حسام دا يقوم ويقعد يقوم ويقعد ، الكلام دا نص الليل ، و هند و هدى نايمين في اكتاف بعض .. 
مشيت علي حسام ، قلت ليهو ممكن اتكلم معاك شويه ؟ 
قالي جداااا ، تعالي ،، مشيت وقفت جمبو تاكين علي الحيطة .. قلت ليهو :
*قصتك شنو انت ؟
_ياتو قصه ؟
*هه حسام انت انسان مبهم شديد 
_وحابي كوني كداا 
*طيب ، ساعدتنا شديد م كنت مجرد سواق امجاد عابر ، كان بأمكانك تمشي بيتك و ترتاح م مجبر تقعد القعده دي و تستحمل ريحه المستشفي الكاتمة علي نفسي دي هه 
_ما عارف اذا حتصدقيني ولالا بس والله انا مرتاح جدااا كداا 
*مرتاح !
_ جداا نسيتي م قلتيها ههه
*ههههه اهلك ما حيفقدوكك ؟
_طيب حتعرفي كل حاجه حابه تعرفيها عني بس الاول انا في حاجات شاغله تفكيري و هي م منطقيه .. 
*اممممم عارفاها ..
_ حتي لو عارفاها انا حسألك ، انا لمن جيت بيتكم رغم التوتر الكان حاصل انا انتبهت ان في راجل ومرة كانو واقفين ، يعني ما عارف شنو صله القرابه بينكم او اذا دا اصلا بيتكم ولالا ، يعني علي الاقل اسمو راجل ، كان هو اليجري ف الشارع ما انتي ، و كان هو اليشيلها ما انا ، دا م معناتو انزعاج اني عملت كدا لا بالعكس انا بشوف ان ربنا بيحبني انه رماني في سكتك ، رغم اني كنت داخل شارعكم دا بس عشان املا بنزين ودخلت غلط ، فاا بالجد سبحان الله شوفي حكمة ربنا في كداا ..
* اسمح لي اقوبيك انه ربنا بيحبنا احنا كون جابك لينا ، شوف يا حسام انا حكون صريحه معاك ، الراجل داك ابوي ، اااي ابوي لحم ودم ، وديك مرتو و والمرقدنهت دي امي اسمها التايه ،وديل اخواتي هند و هدى وانا اصغرهم ، يعني مشاكل قديمة حصلت و خلتنا بالشكل داا ، انحنا عايشين علي حس امي ، اقصى طموحنا اننا نلقي اكلنا وشرابنا واننا بخير ،، بس صدقني ي حسام انحنا مبسوطين بالحاجات الممكن تشوفا عاديه دي انحنا الاربعه زي الربطة حتي لو فكيت الربطة بنظل حاجه وحدة فاهم علي ..
*سبحان الله ، انا حاسي بكلامك دا شديد انا عندي اخت واحدة ما بنقدر نعيش من غير بعض ، ابوي اتوفاا قبل امي ، وضعنا متوسط حمدلله ، حلم امي كانت تشوفيني راجل مسئول واتم تعليمي وابقا راجل البيت ، و يوم اتخرجتا واشتغلتا وبقيت مسئول هي راحت و ما شاركتني نجاحاتي ، و فضلنا انا وتسنيم اختي ..
* حسسسسسام !! ووب م تقول لي سايب اختك براهااا ؟
_ وطي صوتك براحه ، لالا اتصلتا عليها ، كلمت ولد خالتي جا س

اقها تقعد عند خالتي ، اصلا صحباتا و جوها فله يعني ، متي م ارجع بمشي بسوقاا ..
*حمدلله ، طيب انت اسمع كلامي ، بعد دا ارجع ياخ 
_ والله في سماهو يا بت التاية م متحرك من هنا ان جا الجيش ، يلا امشي علي اخواتك دفو بعض الجو برد ..
*لالا لسه م خلصتا كلامي معاك 
_عارف ،، عمر صح ؟

استككانة✌~

يتبع ....