زاوية منفرجة

١٧

سمعت الدكتورة نادت خاله زهرة ، 
يعني سبحان الله دكتورة منى بتعامل زهرة احسن مني بكتير و بتكلما بصوت واطي م عارفه ليه هي كداا .. 
بس انتظرت لمن زهرة طلعت ،
جريت المطبخ فتحت العلب الفي التلاجه البتاكل منها دكتورة منى ، و طلعت الشطة من جيبي و وزعتها علي العلب البتاكل منها ، قفلتهم و رجعت الحمام ، اتمدت اجي طالعه من الحمام لمن زهرة تكون ماشه علي المطبخ و تشوفني وانا طالعه من الحمام .. 
قالت لي مالك عرقانه كداا ؟ قلت ليها ارهاق بس ، وانا قبل اطلع رشيت وشي بي مويه ،، قلت ليها انا بعد دا بمشي عارفه مشواري بعيد ( مشواري م بعيد زي م قلت ليكم بمشيها مرات برجولي ، بس مفهماهم كدا عشان اطلع بدري ) ... 
مشيت للدكتورة قلت ليها انا مواعيدي جات عايزة حاجه قبل امشي ؟ 
ولا عاينت لي قالت تفتكري ح احتاج شنو من وحدة نكرة زيك ، قلت ليها كتر خيرك ، عن ازنك ... وانا طالعه شايفه زهرة ختت ليها صينية الاكل و انا جري طلعت بس وقفت جمب باب الشارع ...... و اسمع ليك صوتا داا تكورك و تصررخ و تقح قح
و في عز الحاصل ليها ليها دا تنبز و تتكلم باسلوب كعب ،و سبحان الله اصلو م شاكلت زهرة و كوراكا ف الاكل بس انه سخن ..

مشيت البيت ... 
وكنت فرحانه شويه لانو بكرة مواعيدي مع coffee، المهم كان عندي غسيل انتهيت منه وجهزت لبستي الحقابلو بيها ، واموري رايقه و للحظة بقيت بعيده ععن ناس بيتنا قاعده معاهم بس اخير عدمي ، و ابوي من طلعتو ديك لي اسي م رجع البيت ، دخلت الفيس م لقيت لا رساله لا اي شي من زولي ، اتضايقت شديد ، ومتردةة اني ارسل و لا م ارسل ،، استلمت رساله تحويل رصيد في تلفوني 300 جنيه ، لمن اتخلعتا قلت اكيد في زول مرسلا لي بالغلط .. و منتظرة سيدا يتصل بس مافي زول اتصل علي ،، تاني جاتني رساله بنفس المبلغ ، كدا بقت 600 جنيه بالجد اتخلعتا قلت معقوله تحويل مرتين غلط و منو بحول رصيد قدر داا ،، بس بعدها جاتني رساله علي رقمي زاتو من رقم غريب مكتوب فيها : ( عيد ميلاد سعيد و دي هديه بسيطه ليكي ) ... راسي شطب 
قلت الرساله دي مليون في المية غلط و ما انا المقصودة .. قعدت مع نفسي راجعت التاريخ لقيت الليله فعلا عيد ميلادي ، بس دا منووو دا العارف ومتزكر عيد ميلادي و انا م جايبه خبر ،، رجعت اتصل علي الرقم دا بس يديني مغلق مغلق مغلق ... 
بقيت بين نارين اني محتاجه فعلا قروش و بين اني م بينفع اصرف منها مالم اعرف دا منو المرسل لي .... 

احاسيس ملخبطة فاقده زولي شديد و في نفس الوقت محتارة الرسل لي منو ، اخر شي وصلت تلفوني في الشاحن و نمتة .. 
صحيت بدري 6 عديل ، داخله مارقه في البيت وناس البيت نايمين ، بفكر لن دا اليوم الكم من سفر ابوي ومافي زول فقدو ولا قلق عليهو .. المهم بقيت مراقبه الساعه و متشلهته دايرة متين امشي بقيت بحب امشي الشغل لانو هدفي كبر و بقيت متفرغه للشي الفي بالي دااا .. 
و كنت متوقعه استلم رساله من coffee لانو مواعيدنا الليله بس للان م رسل ، المهم 
زمني جااا لبست و مشيت .. 

برجولي ماشه ، ونفسي في كيس شيبسي والقروش المعاي يادوب تصرفنا في البيت ودايرة ابيع الرصيد و مترددة .. 
المهم وصلتا البيت ، خبطت الباب فتحت لي الدكتورة زاتاااا ، شامة ريحه البخور دي كيف و صوت اغاني كدا غربية هاديه و موطية الصوت ، صبحت علي انتو متخيلين انها صحبة علي و الابتسامة دايرة تشق حنكا ،، دخلتا المطبخ ، جاتني 
قالت لي الليله زهرة م جايه ، ختي لي فطور و جات طلعت لي من الدايراهو ، قلت ليها جداا ، قالت لي والليله اعملي حسابك حتمشي بدري ،، قلت ليها اجازة ؟ قالت لي اممم دكتور عمر سافر ، و انا جايني ضيوف مهمين بس عايزاكي تمسحي الصاله دي و تمشي ، م دايراهم يشوفوكي ( استغربت م دايراهم يشوفوني ليه ) 
قامت عدلت كلاما ، قالت لي بس م دايرة يقولو عندي خدامة .. اغرب شي انها بتبرر لي وانا اصلا م فارق معاي و كون اطلع بدري دي لمصلحتي ، لا و بتتكلم معاي بأسلوب لطيييف غير العاده ، قلت الا كان عيانه الليله ما براهااا ،، قلت ليها طيب بجهز ليكي الفطور و بمسح الصاله و بطلع ، و بالنسبه للضيوف حيقدم ليهم منو ؟ قالت لي مرتبه اموري 
بس انتي حاولي تخلصي بسرعه قبل الساعه 2، قلت ليها تمام ،، 

( في جانب تاني )
_ما بقدر اجي اسي والله يا سلمي
*اسي انتي ليكي كم ؟ احسبي
_حاسبه بس اديني اسبوع كدا
*وريني عندك شنو في الخرطوم ؟
_سلومة خلاص قلت ليكي بجي 
*والله مخنوقه كلامك دا صح ، سابني ومشا خطب وحدة من بنات الخرطوم
_ابكي لسه اصلا كلام القصير ما بتسمع
يا بت انتي م ليكي غيري 
*اممممممم غشان كدا م كنته دايرة اكلمك 
_ف النهاية عرفتا ، المهم المرة الجايه اعملي حسابك غايتو 
*طيب يلا ناس خالتي ديل جو علينا 
_طيب باي .....

استككانة🐟~~

يتبع ....