زاوية منفرجة

٣١

منظر كدا مهما حكيت ليكم عن بشاعتو م حتتخيلوهو ، بس الفرق ان البنت المع أمنية دي منووو ؟؟ 
بقيت في حاله ذهول ، اااي انا عارفه ان امنية شاذة ، بس اول مرة اشوفا كدا و بوضح اكتر من الشفتو في دكتورة منى ، بس هنا انا جريئة ولي الحق في التصرف ،، 
ياخ مندمجين لدرجة انهم ما حاسين بي م حسو بوجودي وانا في الباب ،، بس بصوت عالي قلت ليهم : بسسسسسسس بسسس كفايه قرف و كفايه قزارة وقلة ادب بس ، قومي قومي ، مسكت البت جريتاا من السرير ، عاينت ليها كداا قلت ليها انتي !!!
يعني يا امنية انتي كنتي عارفاها متواصله معاي و وهمتني بالحب ع اساس انها ولد ، هو دا الحب الانتي كنتي ناوية تقدميهو لي ؟ هو داا ، القزارة دي ، امششي اطلعي برااا و جراها من يدها ، بقت تتمتم قالت لي اطلع كيف كداا ، قالت لي خليني اللبس ، قلت ليها دا بعدك انك تلبسي عشان يبقي ليكي درس و ، أمنيه قالت لي هديل ما كداا براحه ، يلت ليها انتي تسكتي م طايقه اسمع صوتك يا امنية ، انتي كيف عايشه مع كميه النجاسه دي ، ااااي نعم حصل ليكي حادث زمان و اهلك عارفين الشي دا ان غصب عنك بس دا م معناتو انك تعملي كداا اسكتي يا امنيه ، وانتي امشي اطلعي براااا ، اطلعي برااا .. 
شالت عبايتا م بعرف لبستا وين وطلعت بتبكي ، قلت لي امنيه اللبسي ليكي عبايه ولا شي ، قالت لي حنمشي وين ، قلت ليها امنيه اتزفتي البسي البقولو ليكي ، والا وقسم بالله يا امنيه اصل لاهلك ديل في القضارف و انا م بهددك عشان الوي يدك ، انا وصلتا معاكي مرحله ، قالت لي انتي بتدخلي بصفتك شنو قلت ليها بطلي قلة ادب و تتعاملي معاي باباسلوب دا عشان انتي عارفاني كويس لمن اتعصب اتزفتي اللبسي يا امنيه كلامي ما بعيدو تاني ، بس لبست وغسلت وشها ولفت طرحتا ، وجريتا معاي .. 
مشيت بيها علي الشارع وقفت امجاد ركبتا و ركبتها ، و اديتو العنوان . 
بعدها بساعه الا ربع وصلنا ، حاسبتا ونزلتا ، ااي مشيت مستشفي المبرء الكانت فيها دكتورة منى ، لمن مشيت كان لمحت عيادة دكتور نفسي و كنت سامعه عنو مسبقا ،، سقتها و انا م عندي حجز ولا عارفه مواعيدو ،المهم .. انا ماشه قدام و لمنيه وراي ومدنقرة راسهاا ، دخلت استعملت عن المواعيد قالو بجي بعد نص ساعه ، حجزتا و القروش الكانت معاي كلها دفعتها م خليت غير حق المواصلات .. قعدنا وانا عندي عادة لمن اكون متعصبه بهز في رجولي و يدي الشمال بترجف و بحاول اعمل كنترول علي عصبيتي ،، لا اتكلمت معاها لا طايقه اعاين في وشها ، و هي ساكته .. 
لمن الدكتور جاا ، قالت لي هديل انا ما عيانه ، انا مقهورة شديد يعني توته خانتني كانت بتلعب بي ، و هي كانت بترسل ليكي وعامله معاكي علاقه عشان كدا كانت متغيرة علي ، انا كنت حاسه من سؤالها عنك بالجد انصدمتا فيهاا .. انا طبعا بعاين ليها مصدومة 
امتية دي واصله مرحله غريبه ، بتتكلم كأنها ولد بيتكلم عن خذلان حبيبتو ، انا كنت زعلانه منها لان كنت فاهمه انهم متفقين علي ، بس حسب كلاما في موضوع .. 
قبلت عليها ، مسحت دموعا ، قلت ليها أمنية اسمعيني انا اسي ما متعصبه عليكي ، انا بحبك ، بحبك زي هند وهدى اخواتي ما بتتخيري عنهم ولا بتخيرو عنك ، انا عايزة مصلحتك ، حاولي تستوعبي ان الشي دا غلط حرام ، لو م غلط كان بقت علاقه مُعلنه ، انتي كويسه وبنوته حلات الدنيا عليكي ، الشي دا مجرد تعود انتقل ليكي من سلمي ( سلمي دي وحدة من صحباتا في القضارف كان في حديث دار بينهم لو تتزكرو ، كان بتطلب من امنيه انها ترجع و امنية قالت ليها انا عندي هدف بس اصل ليهو ، الهدف دا اللي هو انا )
.. فهمتي علي ياماما ..
انتي كان قعدتي بينك وبين تفسك حتلقي روحك م مرتاحه لانو دي ما غريزتك ، البتكون غريزتهم ديل زي توته ، توته اهلها غلطتو انو م عالجوها لحد ما بقت بويا لا لامة في ولد ولا لامة في بت ،، اسي بس اسمعي كلامي وانا جمبك ، اتفقنا .. 
جا وقت دخولنا للدكتور .. سقتها و قمناا..
دخلنا ، ماشاء الله دكتور صغير كدا و وشو بشوش ، قعدنا ، بيسال المريضه منو فينا ؟ قلت ليها اختي ، وانا بفضل انها تحكي ليك هي ، قالت ليهو انا ما عيانه هي اجبرتني اجي ، عاين لي هزيت ليهو راسي ، عشان يفهم انها م مقتنعه بي مشكلتا قلت ليهو انا بنتظر براا ،، قالي طالما انتي عارفه المشكله خليكي ، قالت لي اقعدي معاي.. 
قعدت و خليتا تتكلم ........... براها في آخر الكلام قالت من جواها نفسها تتخلص من المرضه دي ..
المشكله بدأت مع أمنية ، من سلمي صحبتا ، سلمي اكبر من أمنية ، و طوالي بتعمل ليها كدا . و بعدها أمنية اتعرضت للاعتداء والاغتصاب حسب القصه من صاحب ولد جيرانهم هما الاتنين ،، و من هنا بدات تكره الرجال ابتداء ب ابوها نفس المعاناة حقتنا الله اعلم مشكلتهم شنووو .. بس سلمي قدرت تقنعا ان الرجال مافيهم خير ، و نمت فيها المرضه دي و لولا ستر الله كانت حتناقل لي اناا ... 
بقت تحكي بأرتياح والدكتور مهضوم نهائي م حسسا انها مشكله كبيرة وكان بتونس معاها ، وحدد ليها جلسات وعلاجات ، وع

ندها جلستين ف الاسبوع ، حد واربع .. خلصنا و مشينا ، شلت منها الروشته قلت ليها بكرة علاجك بكون عندك .. 
بعد دا الباقي عليكي واي وحدة بتعرفيها من النوع دا ابعدي عنهاا .. وصلتها لحد الباب وخليتا اغتسلت و مسكتها المصحف وحلفتها تبعد عن اي وحدة من النوع دا وابتداء من سلمي ... 
و مشيت خليتا علي كداا ... 
مشيت بيتنا ، دخلتاا البيت ، لقيت الشكله مدورة قدامي ...

استككانة¢🍕~

يتبع .....